Bændablaðið - 27.08.2015, Qupperneq 14

14 Bændablaðið | Fimmtudagur 27. ágúst 2015
Allt útlit er fyrir að berjaupp-
skera úr náttúru Íslands verði með
versta móti þetta haustið.
Að sögn Þorvaldar Pálmasonar,
eins af aðstandendum vefsins berja-
vinir.com, er smá von til þess að það
rætist örlítið úr aðalbláberjunum ef
tíðin verður hagstæð það sem eftir
lifir sumars og í byrjun hausts.
„Aðalbláberin eru fljótust til og því
helst von með þau. Annars eru bara
engin ber, neins staðar. Þannig að
uppskeran verður einfaldlega mjög
lítil eða engin víðast hvar.
En ég bendi á að það er talsvert
af aðalbláberjagrænjöxlum, þar
sem aðalbláber vaxa – til dæmis í
Svarfaðardal. Ef það kemur svolítið
hlýindaskeið núna þá er, eins og ég
segi, smá von til þess að það verði
hægt að tína eitthvað af aðalbláberj-
um á þeim stöðum. Svo koma nú
kannski einhver krækiber. Það má
nú vera ansi hart til að þau láti ekki
sjá sig. Verstar eru horfurnar fyrir
bláberin.“
Þrátt fyrir að nokkuð sólríkt hafi
verið vestanlands í sumar segir
Þorvaldur að það nægi ekki. „Það
var það kalt þannig að bjartviðrið
dugar ekki til. Það ræður mjög miklu
hvernig vorið er – og það var einstak-
lega kalt. Svo skiptir máli hvernig
sumarið er og það hefur líka verið
kalt – og líka hefur vantað sól eins
og á Norður- og Austurlandi. Við
Berjavinir höldum úti Facebook-síðu
og við höfum hvergi frétt af vænlegri
sprettu. Ég óttast að þetta verði eitt
versta berjaár í nokkurn tíma,“ segir
Þorvaldur berjavinur Pálmason. /smh
Slæmt útlit með berjauppskeru:
Versta sumar í mörg ár
Fréttir
Landbúnaðarsafnið á Hvanneyri:
Lágmynd af Guðmundi Jónssyni afhjúpuð
Þegar Hvanneyringar braut-
skráðir vorið 1963 fögnuðu 50 ára
skólaafmæli sínu tilkynntu þeir
að þeir myndu færa skólanum
lágmynd af Guðmundi Jónssyni
skólastjóra er varðveita skyldi í
Landbúnaðarsafni.
Verkfærasafni var með lögum
komið upp á Hvanneyri árið 1940
og munu fyrstu verk við það
hafa komið í hlut Guðmundar, þá
kennara við skólann. Guðmundur,
sem síðar stýrði Hvanneyrarskóla
um langt árabil, gerði m.a. fyrstu
munaskrá safnsins, og mun hafa átt
mikinn þátt í að velja þá gripi, sem
til álita komu, gripi sem nú mynda
elsta kjarnann í Landbúnaðarsafni.
Nemendum Guðmundar þótti því að
hann verðskuldaði minningamark í
safninu.
Laugardaginn 6. júní sl. komu
þeir úr hópnum, sem heimangengt
áttu, í heimsókn að Hvanneyri og
afhentu gjöf hópsins. Lágmyndin
er gerð af listamanninum Pétri
Bjarnasyni. Henni var komið
fyrir við innganginn í safnið.
Orð fyrir nemendahópnum hafði
Jón Hólm Stefánsson á Gljúfri í
Ölfusi, en myndina afhjúpaði elsti
félagi þeirra, Gunnar Jónasson á
Rifkelsstöðum í Eyjafirði.
Bjarni Guðmundsson hélt
erindi um Guðmund og Jóhannes
Torfason á Torfalæk mintist
Guðmundar og kynna sinna af
honum, en Guðmundur var föður-
bróðir Jóhannesar. Þá flutti Gunnar
Þórisson á Fellsenda í Þingvallasveit
ljóðakveðju. Þeir Jón, Jóhannes og
Gunnar voru allir í hópnum sem
brautskráðist vorið 1963. Ásgeir,
sonur Guðmundar, flutti þakkir
afkomenda hans en þeim hafði verið
boðið til samkomunnar.
Athöfninni stjórnaði Björn
Þorsteinsson, rektor LbhÍ og formað-
ur stjórnar Landbúnaðarsafnsins.
Að henni lokinni var gestum boðið
til kaffisamsætis í Skemmunni á
Hvanneyri.
LbhÍ og Landbúnaðarsafnið
þakka Hvanneyringum 1963 fyrir
ánægjulega heimsókn og góða gjöf.
Gunnar Jónasson afhjúpar, með tilsjón listamannsins, lágmyndina af Guðmundi Jónssyni fyrir hönd Hvanneyringa
1963. Jón Hólm Stefánsson, talsmaður gefenda, lengst t.h. og Björn Þorsteinsson rektor, lengst t.v.
Listamaðurinn, Pétur Bjarnason, við
lágmynd sína af Guðmundi skóla-
stjóra.
Smíðum bíllykla
Smíðum og forritum
Tímapantanir óþarfar
Afar illa lítur út með berjasprettu
þetta haustið og sérstaklega með
bláberin.
Matarhöll á Hlemmi
Nýverið var greint frá því að
Íslenski sjávarklasinn væri um
það bil að hefja viðræður við
Reykjavíkurborg um að taka við
rekstri á húsnæðinu við Hlemm, en
framtíðarskipulag gerir ráð fyrir að
þar verði rekin matarhöll. Borgin
auglýsti eftir hugmyndum fyrr í
sumar og var hugmynd Íslenska
sjávarklasans talin vænlegust. Í
kjölfarið var ákveðið að ganga til
viðræðna við hópinn sem stendur
að þeirri hugmynd.
„Þetta er á algjöru byrjunarstigi,“
segir Þórir Bergsson veitingamaður
á Bergsson Mathús, en hann er einn
af þeim sem mynda þennan hóp.
„Hópurinn ætlar að hittast fljótlega
og við munum kasta á milli okkar
hugmyndum um frekari útfærslur
á þessari grunnhugmynd sem við
lögðum fram. Svo þurfum við að
fara með útkomuna úr því í samn-
ingaviðræður við borgina. Það má
segja að grunnhugmyndin sé nokkuð
fastmótuð á þá leið að þarna verð-
ur blandað saman matarmarkaði
og tilbúnum götumat (street food)
eins og við þekkjum frá Krásar-
markaðnum sem hefur verið haldinn
í Fógetagarðinum á laugardögum
í sumar. Við sjáum fyrir okkur til
dæmis bakarí, kaffihús og verslun
með kjötafurðir – þar sem bæði væri
hægt að kaupa tilbúna rétti en einnig
hráefni.
Við munum höfða til ferðamanna
og hótelgesta – sem eru þarna víða
í grenndinni – en einnig reyna að
laða til dæmis Reykvíkinga til okkar
úr úthverfunum. Þarna verður lagt
upp úr því að hafa á boðstólum
sælkeravörur og gæða hráefni sem
sótt er í nærumhverfi,“ segir Þórir
og tekur fram að þarna muni flestar
matvælaframleiðslugreinar eiga sína
fulltrúa – og jafnvel blómabændur.
„Þarna verður allt skipulagt í þaula,
enda er þetta lítið svæði. Við verðum
með stjórn á markaðnum en ætlum
samt að hafa hann dálítið „lífrænan“.
Að sögn Þóris gera björtustu
vonir ráð fyrir því að þetta verði að
einhverju leyti farið af stað fyrir jólin.
Hann segir að það geti þó allt eins
verið, að það verði ekki fyrr en með
næsta vori.
Aðrir í hópi með Íslenska sjáv-
arklasanum eru þeir Leifur Welding
hönnuður og Ólafur Örn Ólafsson,
framreiðslumaður og annar stofnenda
Krás Götumatarmarkaðar. Niels L.
Brandt, framkvæmdastjóri hins
kunna matarmarkaðar Torvehallerne
í Kaupmannahöfn, verður ráðgjafi
hópsins. /smh
Auðkúlurétt við Svínavatn, A-Hún. laugardaginn 26. sept. kl. 16.00
Árhólarétt í Unadal, Skag. föstudaginn 25. sept. kl. 13.00
Deildardalsrétt í Deildardal, Skag. föstudaginn 25. sept.
Flókadalsrétt, Fljótum, Skag. laugardaginn 3. okt.
Hlíðarrétt við Bólstaðarhlíð, A-Hún. Upplýsingar liggja ekki fyrir.
Laufskálarétt í Hjaltadal, Skag. laugardaginn 26. sept.
Melgerðismelarétt í Eyjafjarðarsveit laugardaginn 3. okt. kl. 13.00
Miðfjarðarrétt í Miðfirði, V - Hún. laugardaginn 5. sept. kl. 9.00
Silfrastaðarétt í Blönduhlíð, Skag. sunnudaginn 13. sept.
Skarðarétt í Gönguskörðum, Skag. laugardaginn 19. sept.
Stóðréttir haustið 2015
Skrapatungurétt í A-Hún. sunnudaginn 20. sept. kl. 11.00
Staðarrétt í Skagafirði. laugardaginn 19. sept.
Tungurétt í Svarfaðardal, Eyf.
laugardaginn 3. okt. um kl.
12.00
Unadalsrétt í Unadal við Hofsós, Skag. föstudaginn 25. sept.
Undirfellsrétt í Vatnsdal, A-Hún. laugardaginn 26. sept. kl. 9.00
Víðidalstungurétt í Víðidal, V-Hún.
laugardaginn 3. okt. um kl.
10.00
Þverárrétt í Vesturhópi, V-Hún. laugardaginn 26. sept. kl. 12.30
Þverárrétt ytri, Eyjafjarðarsveit laugardaginn 3. okt. kl. 10.00
Fyrstu stóðréttir á þessu hausti
verða í Auðkúlurétt við Svínavatn
í Austur-Húnavatnssýslu þann 26.
september.
Mikill áhugi er fyrir stóðréttum
ekki síður en fjárréttum ekki síst á
meðal ferðamanna. Bændablaðinu
hefur borist fjöldi fyrirspurna um
réttirnar í haust. Hér er listi yfir
stóðréttirnar sem að þessu sinni eru
18 talsins. Ekki voru þó fyrirliggj-
andi upplýsingar um þær allar þegar
blaðið fór í prentun. Samkvæmt þeim
upplýsingum sem blaðið hefur fengið
eru síðustu stóðréttir haustsins þann
3. október í Flókadalsrétt, Tungurétt,
Víðidalstungurétt og í Þverárrétt.
Listi yfir fjárréttir er á blaðsíðum
24 og 25 ásamt korti sem sýnir stað-
setningu réttanna.
Fyrirvari er gerður á að einhverjar
villur kunni að hafa slæðst inn og
verður þá reynt að bæta úr því í næsta
blaði eftir því sem kostur er. Sömu
leiðis eru ábendingar vel þegnar ef
einhverjar réttir hafa orðið útundan
í upptalningu blaðsins.
Mynd / HKr.