Morgunblaðið - Sunnudagur - 23.08.2015, Qupperneq 8
8 MORGUNBLAÐIÐ SUNNUDAGUR 23.8. 2015
Vettvangur
Það ætti kannski ekki að koma neinum
á óvart en þetta er samt sem áður
fyrsta árið sem Jennifer Lawrence
vermir toppsætið á árlegum lista tíma-
ritsins Forbes yfir hæstlaunuðu leik-
konur Hollywood. Lawrence er 25 ára
og hefur unnið til Óskarsverðlauna.
Hún leikur í tveimur þekktum mynda-
bálkum, Hungurleikunum og X-Men og
þénaði yfir árstímabil 52 milljónir dala,
eða um 6,8 milljarða króna. Scarlett
Johansson er í öðru sæti, „aðeins“ 2,2
milljörðum króna á eftir Lawrence, en
hún lék bæði í Black Widow og Mysti-
que. Það virðist því vera sem svo að það
að klæðast ofurhetjubúningi skili
sér í góðum tekjum.
Tekjur leikkvennanna á listan-
um koma þó ekki aðeins frá kvik-
myndum heldur komast An-
gelina Jolie, Jennifer An-
iston, Julia Roberts og
Reese Witherspoon hátt á
listann að hluta til út af
verðmætum auglýsinga-
samningum.
Hin magnaða gam-
anleikkona Melissa
McCarthy er í þriðja sæti
en myndirnar Spy og
Tammy hafa notið mik-
illa vinsælda. Nýlega
stofnaði McCarthy fata-
línuna Seven7 sem selur
föt í öllum stærðum og
ætlar sér að brúa bilið
milli „venjulegra“ stærða
og yfirstærða. Ef þetta gengur
vel gæti McCarthy komist enn
hærra á næsta ári, hún er að
minnsta kosti á mikilli siglingu
um þessar mundir.
Launamunur kynjanna er mik-
ill í Hollywood eins og frægt er.
Aðeins fjórar leikkonur þénuðu
meira en 20 milljónir dala en
sambærileg tala hjá körl-
unum var 21. Viðmiðið til
að komast á listann yfir
hæstlaunuðu leikkon-
urnar var 6 millj-
ónir en miðað var
við 13 milljónir
hjá körlunum.
Lawrence á toppnum
Einu sinni heyrði ég af ungri leiðsögukonu semfór með hóp ítalskra ferðamanna um Ísland.Verkefnið var ekki auðvelt. Allan þann tíma
sem hópurinn dvaldist hér á landi var úrkoma svo mik-
il að ekki sást lengra en fáeina metra frá rútunni sem
flutti ferðalangana til að njóta þess sem landið hefur
upp á að bjóða. Og eins og við vitum þá þarf Ísland
gott skyggni.
Ef vel á að vera þarf vissulega meira til; að aðkomu-
menn fái fræðslu um landið, hvernig það varð til,
hvernig það byggðist og um mannlífið fyrr og nú, fái
með öðrum orðum að kynnast víddum sem gera land
og þjóð áhugaverð.
En þetta ferst okkur gestgjöfunum misjafnlega vel
úr hendi. Það sannaðist í fyrrnefndri heimsókn Ítal-
anna. Það fór nefnilega svo – eða þannig heyrði ég sög-
una –, að svo kynngimögnuð hafi frásögn leiðsögukon-
unnar verið, að ferðalangarnir urðu hreinlega
uppnumdir og kváðust aldrei hafa komið til eins
heillandi og spennandi lands og Íslands. Höfðu þeir þó
ekkert séð!
En þeir höfðu hins vegar leiftrandi frásögn að styðj-
ast við, áhugann og ímyndunaraflið. Það fylgdi sög-
unni að minningin lifi enn í huga hinna ítölsku ferða-
langa.
Aðra litla sögu kann ég um mikilvægi leiðsögu-
mannsins. Hún er frá í sumar. Við erum stödd í Vík-
ingasafninu í Reykjanesbæ. Þar er að finna skipið sem
hagleikssmiðurinn Gunnar Marel smíðaði og sigldi,
ásamt áhöfn sinni, þöndum seglum alla leið til Vest-
urheims, Vínlands og Nýju Jórvíkur á árinu 2000.
Leiðsögumaður kemur í safnið með hóp banda-
rískra ferðamanna. Þar eru á ferð verkfræðimennt-
aðir eftirlaunamenn. Leiðsögumaðurinn segir frá fyrri
tímum og þeim munum sem eru til sýnis. Að lokum
snýr hann að skipinu góða: „Í því eru fimm þúsund
handsmíðaðir naglar, sjáiði þennan!“ Og svo tók við
leiftrandi frásögn um lögun skipsins og smíðis- og
verksvit forfeðra okkar. „Og þetta tókst þeim fyrir
meira en þúsund árum, og hafði þó enginn farið í há-
skóla!“ Nú var hlegið.
Eftir stendur þetta: Á ferðamannalandinu Íslandi er
orðið til nýtt lykilstarf; hefur reyndar verið þýðing-
armikið lengi, en nú þegar ferðamennskan er orðin ein
helsta atvinnugrein okkar skiptir ekki litlu máli hverjir
taka á móti Ítölunum og Ameríkönunum og öllum hin-
um. Það skiptir máli að hágæðafólk taki á móti gestum
lands og þjóðar fyrir okkar hönd; fólk sem talar af
þekkingu og viti og býr yfir þeim eiginleikum að geta
gert lítinn nagla að ævintýri og rigningarsortann svo
spennandi að allt það sem handan hans er, hljóti að
vera ómótstæðilegt.
Í formála Saxo að sögu Dana, frá því um 1200, segir
að hún hefði aldrei verið skrifuð án aðstoðar frá Íslandi
því það sem þar skorti á í lífsgæðum hafi menn bætt
upp með viti. Ætli það eigi ekki við enn í dag að vitið
skipti máli þegar land og þjóð koma fyrir gestsauga.
Leiðsögumaðurinn
* Það skiptir máli að hágæðafólk taki á mótigestum lands og þjóðar fyrir
okkar hönd; fólk sem talar
af þekkingu og viti...
ÚR ÓLÍKUM ÁTTUM
Ögmundur Jónasson
ogmundur@althingi.is
1. Jennifer Lawrence (52 milljónir dala)
2. Scarlett Johansson (35,5)
3. Melissa McCarthy (23)
4. Bingbing Fan (21)
5. Jennifer Aniston (16,5)
6. Julia Roberts (16)
7. Angelina Jolie (15)
8. Reese Witherspoon (15)
9. Anne Hathaway (12)
10. Kristen Stewart (12)
11. Cameron Diaz (11)
12. Gwyneth Paltrow (9)
13. Meryl Streep (8)
14. Amanda Seyfried (8)
15. Sandra Bullock (8)
16. Emma Stone (6,5)
17. Mila Kunis (6,5)
18. Natalie Portman (6)
(Allar tölur í milljónum dala)
LISTI FORBES
AFP
Hér er Lawrence með
Golden Globe verðlaun
í hendi fyrir hlutverk sitt
í American Hustle.