Morgunblaðið - Sunnudagur - 23.08.2015, Síða 28

28 MORGUNBLAÐIÐ SUNNUDAGUR 23.8. 2015
Matur og drykkir
Þ
að er nóg að gera á Matstofunni á
Höfðabakka þegar blaðamann ber að
garði og biðröð myndast við af-
greiðsluborðið. Í röðinni eru svangir
menn, iðnaðarmenn, gröfumenn og lög-
reglumenn. „Þetta eru svangir og stórir karl-
menn. Karlarnir okkar,“ segir Lára Gyða
Bergsdóttir, sem á og rekur staðinn ásamt
Ídu Ólafsdóttur. Þær stöllur standa vaktina
en eiginmenn þeirra eiga staðinn með þeim,
þeir Níels Hafsteinsson framreiðslumaður og
Eyjólfur Gestur Ingólfsson matreiðslumaður.
Muna nöfnin á kúnnunum
Opið er í hádeginu og er staðurinn vinsæll hjá
vinnandi fólki í grenndinni. „Við leggjum
áherslu á að vera með góðan og bragðmikinn
mat. Mennirnir sem koma hingað vilja heim-
ilismat, þeir vilja sósur og venjulegan íslensk-
an mat. Þeir vilja fá bjúgu, snitzel, fiskibollur
og djúpsteiktan fisk,“ segir Lára Gyða.
Annað slagið bjóða þær upp á framandi
rétti og segja að það falli vel í kramið.
„Stundum fáum við líka hugmyndir frá þeim,“
segir Ída. „Við höfum hér ferskan og fjöl-
breyttan mat og erum duglegar að þróa nýjar
uppskriftir,“ segir Ída. „Þeir kunna því vel,
kallarnir, þeir eru stundum tilraunadýr hér
hjá okkur,“ segir Lára Gyða.
Viðhöldin öll á sama borði
Lára Gyða og Ída segja staðinn ákaflega
heimilislegan og persónulegan en þær þekkja
marga viðskiptavinina með nafni og vita hvað
þeir vilja. „Margir kúnnarnir eiga sín sér-
stöku borð. Sumir vilja mikla sósu og þá eig-
um við að vita það og við reynum að muna
nöfnin á þeim,“ segir Ída. „Það er góður andi
hér og þeir fá bros og eru glaðir,“ segir Lára
Gyða. Það er stutt í grínið á Matstofunni. Á
einu borði sitja nokkrir menn frá viðhaldsfyr-
irtæki. „Þarna sitja viðhöldin, vont þegar þeir
koma svona allir í einu,“ segir Lára Gyða og
skellihlær.
Lögreglan er fastagestur hjá Matstofunni.
Ólafur Barði Guðmundsson, faðir Ídu, stendur í ströngu við afgreiðsluna.
HEIMILISLEGUR MATUR FYRIR HAUSTIÐ
Matur fyrir
stóra og
sterka menn
* Við leggjumáherslu á að verameð góðan og bragð-
mikinn mat. Mennirnir
sem koma hingað vilja
heimilismat, þeir vilja
sósur og venjulegan
íslenskan mat. Þeir
vilja fá bjúgu, snitzel,
fiskibolllur og
djúpsteiktan fisk.
MATSTOFAN BÝÐUR UPP Á HEIMILISLEGAN MAT. FASTAKÚNNAR
ERU VINNANDI KARLMENN SEM TAKA RÖSKLEGA TIL MATAR SÍNS.
NÚ ÞEGAR HAUSTAR ER TILVALIÐ AÐ PRÓFA ÞENNAN
SÍGILDA ÍSLENSKA HEIMILISMAT.
Myndir og texti: Ásdís Ásgeirsdóttir asdis@mbl.is
Ída Ólafsdóttir og Lára
Gyða Bergsdóttir standa
vaktina á Matstofunni á
Höfðabakka.
Buffið
750 g nautahakk
200 g soðnar kartöflur,
marðar
2 stk egg
2 msk kapers
2 msk olía
1½ dl gott soð eða
mjólk
1½ dl rauðrófur, saxaðar
½ stk laukur
pipar
salt
Aðferð
Byrjið á því að saxa laukinn smátt og saxið síðan kapersið og rauðróf-
urnar. Blandið saman nautahakki, vökva, grænmeti, eggjum og kryddi. Mót-
ið buff úr deiginu og steikið þau í olíu á pönnu.
Sósa
4 dl kjötsoð
1 msk olía
½ stk laukur
¼ tsk rósmarín
maísmjöl, fínt
pipar
salt
Aðferð
Mýkið laukinn í olíunni. Bætið
kjötsoðinu við og látið sósuna
sjóða í 3 mínútur. Kryddið með
rósmaríni, salti og pipar. Þykkið
sósuna með maísmjöli og hrær-
ið saman við kalt vatn, en hafið
hana fremur þunna.
Berið fram með spældum
eggjum og kartöflum. Fyrir fjóra.
Buff
Lindstrom