Morgunblaðið - Sunnudagur - 23.08.2015, Síða 32

32 MORGUNBLAÐIÐ SUNNUDAGUR 23.8. 2015
Græjur og tækni Ný tækni við gerð regnhlífa leitnýlega dagsins ljós. Er ekki um
flóknari breytingu að ræða á hinu
margreynda tæki en svo að hand-
fangið er sérhannað til að hægt sé
að senda símskeyti í rigningunni.
Draumaregnhlíf símafíkilsins
Nýtt app fyrir
iPhone sem
heitir VHS
Camcorder læt-
ur símann þinn
minna á gam-
aldags vídeó-
tökuvél frá ní-
unda áratug-
inum. Appið
kostar tæpa
fimm dollara og
getur látið
glæný myndbönd líta út fyrir og
hljóma eins og þau séu þrjátíu ára
gömul.
Höfundur appsins er fyrirtækið
Rarevision, eftirvinnslufyrirtæki í
Los Angeles.
Því meira sem síminn er hreyfð-
ur á meðan á upptöku stendur, því
verra verður myndbandið. Líka er
hægt að ýta fingri á skjáinn til að
gera gæðin verri.
Það sem gerir þetta þó mjög
„ekta“ í útliti er tímastimpillinn
góði. Það er reyndar hægt að
breyta dagsetningunni að eigin vali
svo það er ekkert mál að þykjast
fara aftur á níunda eða tíunda ára-
tuginn.
NÝTT MYNDBANDSAPP FYRIR IPHONE
Óskýrt og með tíma-
stimpli eins og VHS
Appið lætur myndbandið líta mjög sannfærandi út.
Sjónvarpsunnendur, það er sá hluti þeirra sem hefuráhuga á tækjum, en ekki bara á útsendingum, megahafa sig alla við að læra nýjar og nýjar skammstaf-
anir og skilgreiningar eftir því sem framleiðendur tækj-
anna finna upp á nýjum viðbótum og útfærslum og smíða í
leiðinni ný markaðsorð til að selja þau. Dæmi um það er
4K, sem kom í kjölfar þess að allir voru komnir með HD-
tæki (4K, sem líka er kallað Ultra HD, er semsagt fjórum
sinni meiri upplausn en HD, en það er svo umdeilt hvort
menn sjái muninn, sumir segja já, aðrir nei – ekki nema
maður sé með nefið við skjáinn).
Nú safna áhugasamir sem mest
þeir mega til að kaupa sér 4K
tæki, en vandast málið þegar
framleiðendur fara að kynna
tæki sem þeir kalla SUHD eins
og Samsung gerir á nýrri sjón-
varpslínu fyrirtækisins.
Ég vitna fúslega um það hér
að myndin í SUHD-tækjunum er
með því besta sem gerist, til að
mynda í 65" tækinu,
UE65JS9505, sem er með upplausnina 3.840 x 2.160 og
kostar líka skildinginn, 1.190.000 kr. í Samsung-setrinu.
Það er líka til ódýrari týpa og minni, 55" tæki, sem státar
af sömu upplausn, en kostar eðlilega minna, 649.900 kr.
Að þessu sögðu þá er SUHD ekki sérstök tækni, heldur
bara markaðsmál notað til að greina Samsung-tækni frá
græjum annarra framleiðenda sem eru að nýta sömu eða
sambærilega tækni – þetta eru LCD-tæki með LED bak-
lýsingu og 4K upplausn. Það sem Samsung gerir öðruvísi,
og rökstyður SUHD-merkimiðann, er að kristallarnir í
skjánum (LED-tæki eru vökvakristalsskjáir) eru minni en
gengur og gerist – Samsung segist nota nanókristalla og
fyrir vikið sé litabilið víðara og náttúrlegra sem skýrir að
hluta af hverju skjárinn er betri en fyrri gerðir. Annað
sem skiptir máli er að tækið notar HDR-tækni, sem marg-
ir kannast eflaust við úr stafrænum myndavélum, en í
Samsung-tækjunum er hún notuð til að auka birtu á skján-
um og þá skerpu um leið, en tækið notar líka tækni sem
fest í breytilegri skerpu til að skapa dýpt í myndinni.
Hvort tveggja, nanókristallar og HDR-stuðningur, á eftir
að skipta æ meira máli eftir því sem myndefni er fram-
leitt, sem kallar á tæknina og nýtir hana. Þetta sést til að
mynda mjög vel þegar kvikmynd er spiluð af Blu-ray-
spilara, en enn frekar þegar maður kemst yfir 4K Blu-ray-
diska (og spilara).
Í sem skemmstu máli þá setur Samsung ný viðmið í
myndgæðum með SUHD-tækjum, litasviðið er gríðarmikið
og upplausnin ævintýraleg. Mér finnst líklegt að sú tækni
sem sýnd er í tækinu verði ráðandi á markaði, því vit-
anlega eru aðrir framleiðendur með sambærilega hluti í
smíðum (en svo koma OLED-tækin og bylta öllu). Það
kemur ekki á óvart að 65 tommu tækið hafi fengið ESA-
verðlaunin sem sjónvarp ársins. Kasnnski má helst lýsa því
svo að skerpan sé ofurraunveruleg – maður trúir varla sín-
um eigin augum.
Það tæki sem ég skoðaði er kúpt, með sveigðan 55" skjá,
sem sjá má á meðfylgjandi mynd, og 1248,5 x 790,5 x
322,3 millimetrar að stærð með standi og 24,3 kg að
þyngd. Takið eftir því að tæki með sveigðum skjá eru
hugsanlega ankannanleg á vegg í verslun, en annað kemur
á daginn þegar þau eru komin í stofuna. Ég var efins til
að byrja með en nú sannfærður um að sveigðir sjónvarps-
skjáir verði ráðandi áður en langt um líður.
Hljómur í því er mjög góður. Það er snjallsjónvarp,
nema hvað, og keyrir Tizen-stýrikerfið, sem byggist á Li-
nux-kjarna (og er til orðið meira og minna til að koma í
veg fyrir að Android-verði allsráðandi í sjónvarpstækjum
líkt og er með farsíma). Það virkar bráðvel, ekkert út á
það að setja, en ekki komin nóg reynsla á það hversu dug-
legir menn verða að hanna fyrir það smáforrit og við-
bætur, þó það sé opinn hugbúnaður. Að því sögðu þá er
sitthvað aðgengilegt nú þegar, en Tizen-stýringin á tækinu
gerir meðal annars kleift að stjórna því með handahreyf-
ingum þegar maður nennir ekki einu sinni að teygja sig í
fjarstýringuna.
OFURRAUNVERULEG SKERPA
TÆKJAGLAÐIR SJÓNVARPSVINIR VERÐA AÐ
HAFA SIG ALLA VIÐ AÐ LEGGJA Á MINNIÐ
SKAMMSTAFANIR OG HEITI YFIR NÝJUNGAR Í
SJÓNVARPSTÆKNI. STUNDUM ERU SKAMMSTAF-
ANIRNAR ÞÓ FREKAR MARKAÐSMÁL, EN TÆKNI-
MÁL, EN GETA ÞÓ VÍSAÐ Í MAGNAÐA TÆKNI
EINS OG SJÁ MÁ Í NÝRRI FRAMÚRSKARANDI
SUHD-SJÓNVARPSLÍNU SAMSUNG.
* Á tækinu eru ýmsirtengimöguleikar, fjögur
HDMI-tengi, þrjú USB-tengi
(eitt USB 3.0, tvö USB 2.0),
Component og Composite-
tengi, tengi fyrir netsnúru
(Ethernet), en það styður
líka þráðlaust net. Öll þessi
tengi eru í sérstöku boxi
sem fylgir og frá því aðeins
eins snúra í tækið sjálft sem
er náttúrlega snilld.
* Mjög auðvelt var aðtengja símann við tækið,
það er að veita efni úr tæk-
inu í símann og öfugt, en
ræðst kannski af því að ég
var með Samsung-síma, en
með því móti er hægt að
varpa efni af símaskjánum í
sjónvarpið og líka horfa á
sjónvarpsefni í símanum þó
maður sé staddur í öðru
herbergi.
Græjan
ÁRNI
MATTHÍASSON
Þýska flug- og geimrannsókn-
armiðstöðin, DLR, hefur á ný hafið
vinnu að geimflugvél sem gæti far-
ið frá Evrópu til Ástralíu á 90 mín-
útum. Áætlanir um slíkt hafa legið í
skúffunni svo áratugum skiptir en
nú er stefnt á tilraunaflug innan
næstu tuttugu ára, samkvæmt því
er fram kemur á tæknivefnum Ars
Technica.
Miðað er að því að í flug- eða
geimvélinni kæmust fyrir hundrað
farþegar. Vélin myndi komast á loft
með aðstoð utanáliggjandi eld-
flaugar, rétt eins og gömlu geimför
NASA, en utanáliggjandi eldflaugin
yrði fjölnota, útbúin eigin vængjum
og sótt af öðru loftfari eftir notk-
un. Vélin sjálf myndi lenda á áfanga-
stað eins og venjuleg flugvél, eftir
að hafa svifið fyrir ofan miðhvolfið
á 6,4 kílómetra hraða á sekúndu.
Fjöldi fólks sem myndi nýta sér
slík flug er takmarkaður en Martin
Sippel, sem stýrir vinnunni í kring-
um hönnun vélarinnar, telur það
ekki koma að sök. Markaðurinn sé
vaxandi auk þess sem tilgangur
vélarinnar yrði margþættur. Má
þar nefna að vélina mætti nota til
að flytja gervitungl og ýmsan ann-
an búnað út í geim. Hann telur
einn helsta hvatann bak við verk-
efnið vera framleiðslu fjölnota eld-
flauganna, sem gætu minnkað
kostnað annarra geimferða um-
talsvert.
FRÁ EVRÓPU TIL ÁSTRALÍU Á MINNA EN TVEIM TÍMUM
Þjóðverjar hanna geimflugvél
Eldflaugin sem kemur geimflugvélinni af stað verður fjölnota.