Morgunblaðið - Sunnudagur - 13.09.2015, Síða 43

Bjarni Freyr Kristjánsson, forseti Kotrusambands Íslands, t.v., glímir við Gunnar Birni Jónsson.
að vísu um sókn og vörn en annað eiga
leikirnir ekki sameiginlegt. Það geta allir
orðið góðir í kotru!“
Aldrei öruggur með sigur
Spurðir hvað heilli þá mest við kotruna
svarar Bjarni: „Hvað leikurinn er sveiflu-
kenndur. Maður er aldrei öruggur um
sigur fyrr en leikurinn er búinn. Maður
getur mörgum sinnum verið með unna
stöðu í leiknum en tapað henni jafnskjótt
niður aftur. Það eru mun meiri sveiflur
og óvissa í kotru en skák. Maður þarf að
hafa mikið jafnaðargeð til að spila kotru.“
Róbert er sammála þessu. „Þetta er
ákveðinn tilfinningarússíbani og menn láta
margvísleg orð falla í hita leiksins.“
Þeir rifja upp sögu af mjög sterkum
Króata sem Bjarni lagði á EM í fyrra.
Nokkuð óvænt. „Hann tók ósigrinum
mjög illa, strunsaði út og kvaðst aldrei
ætla að spila kotru aftur. Legði þetta
ekki á sig,“ segir Bjarni hlæjandi en
sjálfur skíttapaði hann næst fyrir manni
sem átti að vera mun lakari en hann.
Sannarlega ekki á vísan að róa.
Róbert upplýsir að líka komi fyrir að
íslenskir kotruspilarar láti tilfinningar sín-
ar í ljós. „Það er mjög mikilvægt að
halda ró sinni við borðið. Þetta er spurn-
ing um einbeitingu og þolinmæði. Þitt
tækifæri kemur alltaf í kotru.“
Íslenska landsliðið í Kotru: Guðmundur
Gestur Sveinsson, Gunnar Birnir Jónsson,
Bjarni Freyr Kristjánsson, Fjalarr Páll
Mánason, Kjartan Ásmundarson, Ingi
Tandri Traustason og Róbert Lagerman.
Á myndina vantar Hall Jón Bluhme Sævarsson.
Kotra er borðspil ætlað tveimur leik-
mönnum, þar sem hvor leikmaðurinn
hreyfir litla kubba eftir teningskasti. Sá
leikmaður sem nær öllum kubbum
sínum af borðinu vinnur. Hver leikur
getur tekið allt að fjórum klukku-
stundum en hvert sett allt niður í hálfa
mínútu. Gjarnan er stuðst við klukkur
á mótum, svo sem EM.
Bjarni og Róbert segja auðvelt að
læra kotru. „Það tekur um það bil tíu
mínútur að læra mannganginn en
nokkuð lengri tíma að verða góður í
spilinu,“ segir Róbert brosandi.
„Það er klárlega heppnisfaktor í
spilinu, þar sem notast er við teninga,
en maður þarf samt sem áður að
byggja á ákveðinni kunnáttu. Það er
stærðfræði í þessu, það er að segja lík-
indareikningur,“ heldur Bjarni áfram.
Þeir segja fegurðina í kotrunni ekki
síst byggjast á því að nánast hver sem
er getur sest niður andspænis heims-
meistaranum og unnið, að minnsta
kosti eitt sett. „Þetta væri aldrei hægt í
skák. Það sest ekki hver sem er niður
með Magnúsi Carlsen og vinnur,“ seg-
ir Róbert.
Settin eru mismörg í hverjum leik í
kotru, á EM eru þau til dæmis fimm-
tán, sem Bjarni og Róbert fullyrða að
geri það að verkum að viðvaningar
geti ekki unnið vana leikmenn í heilum
leik enda þótt þeir geti haft betur í
setti og setti. Heppnin dugi mönnum
einfaldlega aðeins visst langt. „Því fleiri
sem settin eru, þeim mun skemur
dugar heppnin,“ segir Róbert.
Allir geta unnið heimsmeistarann
Róbert Lagerman, landsliðseinvaldur og fyrirliði
kotrulandsliðsins, mun herma af Evrópumeist-
aramótinu í Búdapest um næstu helgi á kotra.is og
Facebook (Icelandic Backgammon Association).
13.9. 2015 MORGUNBLAÐIÐ SUNNUDAGUR 43