Skólavarðan - 01.08.2005, Page 27

27
SKÓLAVARÐAN 5.TBL. 5. ÁRG. 2005
Félag tónlistarskólakennara, Samtök
tónlistarskólastjóra og Félag íslenskra
hljómlistarmanna standa fyrir svæðis-
þingum tónlistarskóla nú í haust. Svæðis-
þingin ná til tónlistarskólakennara og
stjórnenda tónlistarskóla um allt land
og þar eru tekin til umfjöllunar þau mál-
efni stéttarinnar sem efst eru á baugi á
hverjum tíma.
Í haust verða þingin þrjú talsins:
Á Akranesi föstudaginn 9. september fyrir
Vesturland og Vestfirði.
Í Reykjavík föstudaginn 16. september
fyrir Suðurland, Suðurnes og höfuðborgar-
svæðið.
Á Akureyri föstudaginn 23. september
fyrir Norður- og Austurland.
Yfirskrift þinganna að þessu sinni er:
„Hlutverk tónlistarskóla í samfélaginu
- stefna hins opinbera“. Þingin standa
yfir í einn dag og skiptist dagskráin í þrjá
liði sem allir varða stefnu hins opinbera
í málefnum tónlistarfræðslu. Markmiðið
er m.a. að efla og bæta samskipti stéttar-
innar og stjórnsýslunnar og auka hlutdeild
stéttarinnar í stefnumótun á sviði tónlist-
arfræðslu.
Tónlistarkennaramenntun og
ný lög um tónlistarskóla
Fyrir hádegi verða tekin fyrir tvö stór mál-
efni sem hafa verið til umfjöllunar hjá stétt
tónlistarskólakennara á undanförnum
misserum:
• Skipulag kennaramenntunar í
tónlistardeild Listaháskóla Íslands.
• Drög að frumvarpi til nýrra laga um
tónlistarskóla.
Fulltrúar frá Listaháskóla Íslands og
menntamálaráðuneyti munu kynna við-
fangsefnin en síðan verður opnað fyrir
umræður. Hugsanlega verður einnig hægt
að kynna nýja námskrá í tónfræðum.
Málstofa með fulltrúum
sveitarfélaga og fagaðila
Dagskráin eftir hádegi verður í formi mál-
stofu. Fimm til sex frummælendur munu
halda stutt erindi en síðan verður opnað
fyrir umræður, athugasemdir úr sal og
spurningar til þeirra sem pallborðið skipa.
Frummælendur munu m.a. byggja
umfjöllun sína á neðangreindum spurn-
ingum:
• Hvers vegna rekur/styrkir sveitarfé-
lagið tónlistarskóla? Hvert er hlutverk
tónlistarskólans í samfélaginu? Hvernig
samræmist það mennta- og menningar-
stefnu sveitarfélagsins?
• Hver er stefna sveitarfélagsins varð-
andi aðgengi að tónlistarnámi?
Er aðgengi háð aldri? Eru skólagjöld
hindrun? Hversu fjölbreytt er framboð
tónlistarnáms, til hvað breiðs hóps nær
það? Tekur sveitarfélagið við tónlistarnem-
endum úr öðrum sveitarfélögum? Borgar
sveitarfélagið með nemendum sem þurfa
að sækja nám sitt til annarra sveitarfé-
laga?
Nánari upplýsingar um svæðisþingin
verða birtar þegar nær dregur á heimasíðu
Félags tónlistarskólakennara á www.ki.is.
Svæðisþing tónlistarskóla
Hlutverk tónlistarskóla í samfélaginu
- stefna hins opinbera