Skólavarðan - 01.10.2005, Blaðsíða 3

3
FORMANNSPISTILL
SKÓLAVARÐAN 7.TBL. 5. ÁRG. 2005
Í nýliðnum septembermánuði fóru fram svæðisþing tón-
listarskóla út um land þar sem um 350 tónlistarkennarar og
stjórnendur komu saman. Yfirskrift þinganna var „Hlutverk
tónlistarskóla í samfélaginu – stefna hins opinbera“ en til
umræðu voru eftirfarandi málefni: Tónlistarkennaramenntun,
ný tónfræðanámskrá, drög að frumvarpi til nýrra laga um
tónlistarskóla auk þess sem haldnar voru málstofur á hverjum
stað með þátttöku þriggja bæjarstjóra eða fulltrúa sveitarfélaga
á hverju svæði auk tveggja fulltrúa fagfólks.
Um þessar mundir gætir víða stefnubreytinga hjá sveitar-
félögum í málefnum tónlistarfræðslu og má þar m.a. nefna
ákvarðanir um að taka ekki við tónlistarnemendum úr öðrum
sveitarfélögum nema lögheimilissveitarfélag greiði kostnað
vegna þeirra. Á öllum svæðisþingunum komu síðan fram dæmi
þess að sveitarfélög hyggjast ekki greiða með nemendum sem
þurfa að sækja tónlistarnám sitt annað en til lögheimilissveitar
félags. Þá hafa mörg sveitarfélög takmarkað greiðslu kennslu-
kostnaðar með nemendum innan sveitarfélagsins við ákveðinn
aldur. Einnig kom fram í málstofum vísir að stefnubreytingu
sveitarfélaga varðandi nauðsyn þess að hafa faglegan stjórn-
anda í tónlistarskólum.
Sveitarfélögin í landinu hafa haft rekstur tónlistarskóla með
höndum frá árinu 1989 en vilja nú að ríkið taki yfir hluta af
honum, þau horfa þar til verkaskiptingar í almenna skólakerfinu
og telja sig einungis eiga að sjá um leik- og grunnskólabörn. Af
þeim ákvörðunum sveitarfélaga að dæma, sem taldar voru upp
hér að framan, virðist sýnt að ætlunin er að þrýsta á ríkisvaldið að
koma enn frekar að rekstri tónlistarskóla en það gerir nú. Sam-
komulag ríkis og sveitarfélaga frá því í október 2004 kveður á
um greiðsluþátttöku ríkisins vegna tónlistarnáms nemenda sem
jafnframt stunda nám í framhaldsskólum og fá nám sitt metið
þar, en að öðru leyti er umræða um verka- og kostnaðarskiptingu
aðila ekki í neinum formlegum farvegi.
Í umræðum í málstofum á svæðisþingum tónlistarskóla, þar
sem rætt var um hlutverk tónlistarskóla í samfélaginu og stefnu
hins opinbera, voru þessi mál og fleiri rædd á málefnalegum
nótum. Heyra mátti á máli margra fulltrúa sveitarfélaga að
umræðu- og samskiptavettvangur sem þessi væri mikilvægur
fyrir báða aðila og of lítið um samvinnu af þessu tagi. Það er
ljóst að á nokkrum undanförnum árum hefur víða verið sótt
að tónlistarskólum úr ýmsum áttum og hafa bæði nemendur,
foreldrar, kennarar, skólastjórnendur og fag- og stéttarfélög
þurft að glíma í auknum mæli við rekstraraðila tónlistarskóla.
Brýna hefur þurft rödd talsmanna tónlistarfræðslu.
Þetta breytta umhverfi gerir miklar kröfur til þess að samskipti
allra aðila séu með þeim hætti að allar raddir fái að heyrast og
traust ríki í samvinnu fagfólks og rekstraraðila. Aðeins þannig
fæst árangursríkasta niðurstaðan þegar á heildina er litið. Stjórn
Félags tónlistarskólakennara telur það þýðingarmikinn þátt
í þróun menntastofnana, á hvaða sviði sem er, að samstarf sé
viðhaft og kröftum fagfólks og ráðamanna teflt saman. Þar sem
samstarf byggt á gagnkvæmri virðingu er viðhaft fær skólakerfið
best notið sín en jafnframt skyldi ekki vanmeta hve miklu sátt
meðal manna fær áorkað. Vinna þarf að bættum samskiptum
og þannig aukinni hlutdeild fagfólks í faglegri stefnumótun og
þróun skólakerfisins.
Sigrún Grendal
Hlutdeild fagfólks í mótun skólakerfis
Sigrún Grendal
Ljósmynd Krístin Bogadóttir