Skólavarðan - 01.10.2005, Blaðsíða 19

19
SKÓLAVARÐAN 7.TBL. 5. ÁRG. 2005
Þann 14. september var hinn nýstofn-
aði Náttúruskóli Reykjavíkur kynntur
reykvískum skólamönnum úr leik – og
grunnskólum. Aðstandendur skólans
eru Skógræktarfélag Reykjavíkur, Land-
vernd, Umhverfissvið Reykjavíkur og
Menntasvið Reykjavíkur.Skólavarðan
tók hús á Helenu Óladóttur verkefnis-
stjóra á Umhverfissviði Reykjavíkur
og umsjónarmanni skólans og Herdísi
Friðriksdóttur sem er verkefnastjóri hjá
Skógrækt Reykjavíkur. Fundurinn fór
fram á köldum haustdegi en í ægifögru
umhverfi: Við Elliðavatn í Heiðmörk en
þar hefur Skógræktin aðsetur.
Helena er grunnskólakennari, landvörður
og umhverfisfræðingur að mennt og
Herdís er skógfræðingur. Helena vinnur um
þessar mundir að því að móta vetrarstarf
skólans og ekki er skortur á hugmyndum.
Eitt af vetrarverkefnunum er að vinna
með Skógræktinni í Heiðmörk og þar
kemur Herdís til sögunnar.” Ætlunin er að
kennarar sjái um kennslu en fái ráðgjöf og
hugmyndir frá skólanum ásamt með því
að geta nýtt sér svæði Skógræktarinnar
í Heiðmörk til margvíslegrar fræðslu.
Við Elliðavatn og til hliðar við aðalhúsið
er bygging sem Benedikt Sveinsson faðir
Einars Benediktssonar lét hlaða, og hlóð
reyndar sjálfur að hluta. Þetta hús er
Skógrækt Reykjavíkur að gera upp og
hyggst meðal annars nota til fræðslufunda
með leik-og grunnskólanemendum.
„Náttúruskóli Reykjavíkur er ekki hýstur
hjá menntasviði heldur umhverfissviði, sem
hefur ekki áður staðið fyrir fræðsluverkefni
með þessum hætti,“ segir Helena. „Þetta er
nýjung sem við erum mjög spennt fyrir að
takast á við. Okkar markmið er að ná saman
því fólki sem er að vinna að verkefnum í
útikennslu og umhverfismennt og styðja
það í starfi, meðal annars við að vinna í
anda aðalnámskrár og umhverfisstefnu
og koma þessum verkefnum áleiðis til
skólanna. Einnig að aðstoða kennara við
þátttöku og kynna hvernig verkefnin geti
nýst í skólastarfi.“
Í stefnumótun um starfsemi skólans
segir að hann skuli vera miðstöð
þekkingar um útinám, umhverfismennt
og náttúrufræðikennslu. Markmið eru
að efla útikennslu og skapa vettvang
fyrir heilsteypt umhverfisstarf í grunn-
og leikskólum í anda umhverfisstefnu
borgarinnar. Með lengingu skólaársins
hafa skapast nýjar aðstæður í skólum
til útikennslu og þörf fyrir tengt
námsefni hefur aukist. Samhliða hefur
áhugi kennara vaxið á samþættingu
umhverfismenntar við aðrar námsgreinar
leik- og grunnskóla.
„Margir hafa lýst vilja til að starfa með
skólanum,“ segir Helena. „Fræðimenn,
fyrirtæki og stofnanir. Ég tek þá að mér
að vera tengiliður og aðstoða við að
fullmóta hugmyndir þeirra. Skólar geta
svo haft samband og beðið til að mynda
um hugmyndir tengdar kennslu um
spendýr í 4. og 5. bekk. Þá er það mitt
hlutverk að benda á aðila, staði og tilbúin
verkefni.“ Herdís og Helena leggja áherslu
á að möguleikar í útikennslu séu mjög
fjölbreyttir í landslagi Reykjavíkur. „Ég
sé þetta fyrir mér á tvennan hátt,“ segir
Helena. „Annars vegar að nýta opnu svæðin
í Reykjavík, þar eru frábærir möguleikar.
Hér er til dæmis auðvelt að koma upp
aðstöðu til að taka á móti krökkum.
Vatnið, skógurinn, melarnir, hraunið. Hér
er allt. Annars staðar má nefna Fossvoginn,
Ægissíðuna, Laugarnesið, grasagarðinn og
Laugardalinn. Þarna væri upplagt að búa
til staðbundna fræðslu. Í öðru lagi megum
við ekki gleyma að náttúran er alls staðar.
Við erum manneskjur og höfum umbreytt
náttúrunni en umferðareyja er líka
náttúra! Hinn flöturinn er því óstaðbundin
verkefni, að kennarar fari út úr húsi og nýti
sé nánasta umhverfi. Förum út og lærum
Pýþagóras. Hoppum og þjálfum mynstur.
Eitt og annað í þeim dúr.“
„Strætó númer 25 stoppar í Norð-
lingaholti,“ bætir Herdís við. „Þaðan er
um hálftíma ganga hingað til okkar. Á
leiðinni þarf að komast yfir á og við erum
að hugsa um að smíða pramma til að flytja
krakkana yfir. Heldurðu ekki að þeim þyki
það skemmtilegt?“ spyr hún og hlær.
Það er augljóst að Náttúruskólinn mun
ekki líða fyrir skort á drifkrafti þeirra sem
standa að honum. „Þetta er ekki hugsað
sem hús, heldur hugmynd,“ segir Helena
að lokum. „Hugmynd sem vex og dafnar í
fjölbreyttu samstarfi.“
keg
Ekki hús heldur hugmynd
Náttúruskólinn kynntur til sögunnar
• Náttúruskólinn veitir aðstoð og ráðgjöf við skipulagningu og
aðlögun útináms að þörfum skóla.
• Náttúruskólinn tengir saman aðila sem standa að útikennslu og
fræðslu á vettvangi.
• Náttúruskólinn aðstoðar við framsetningu fræðsluefnis og kemur
fræslutilboðum á framfæri við skólana.
• Náttúruskólinn býður upp á dagskrá sem kennurum og nemendum
stendur til boða.
ÚTIKENNSLA
Herdís
Helena
Í hlöðu Benedikts