Skólavarðan - 01.10.2005, Blaðsíða 30

30
SKÓLAVARÐAN 7.TBL. 5. ÁRG. 2005
fyrirlestur jafn stöðluð lausn og endalausar
ritgerðir voru hér í eina tíð. Þá voru allir að
láta nemendur (alla vega í framhaldsskóla)
semja ritgerð því annars duttu menn niður
faglega virðingarstigann. Nú er það Power
Point kynning sem er málið. Verkefnið er
einfalt og auðunnið (þær systur Copy og
Paste bjarga miklu). Fáir læra neitt að
ráði vegna þess að þeir eru alltaf að gera
það sama og auðvelt er að afrita. Að auki
fá alltof fáir raunverulega umsögn eða
gagnrýni því flestir nemendur láta þetta
yfir sig ganga og kennarinn vill koma sem
flestum að!
En það er ekki síst vandi að nemendur
eru hættir að setja saman heiðarlegan
texta, hættir að lesa bækur því allt er á
netinu. Þeir afrita bara og vita stundum
ekki hvað þeir voru að afrita. Þetta leit svo
vel út.
Það að lesa gögn, meta þau, vinna úr
þeim og setja þau fram sem skilmerkilegan
texta er að gleymast. Svo að ekki sé nú
talað um að fá góða umsögn, leiðréttingar
og færi á að vinna úr þeim. En það er
gamalt vandamál sem tengdist ofgnótt
ritgerða.
Verjum tölvuna og
notum hana til góðs!
Mér er mikið niðri fyrir lesandi góður (ef
þú ert þá ekki löngu búinn að gefast upp
eða tapa þræðinum). Tölvan og Power
Point og mörg önnur forrit og tölvutengd
tæki eru mikil framfaraspor í kennslu
en þegar menn nota þau á einhæfan og
leiðigjarnan hátt þá er illt í efni. Sama
gildir um myndbönd og dvd. Ef kveikt
er á tölvunni, sýningin sett af stað og
nemendur eiga að þegja og skrá niður
vísdóminn eða fá að sofa fram á útprentin
þá er verið að drepa niður hugsun en ekki
vekja hana.
Magnús Þorkelsson
Höfundur er aðstoðarskólameistari
Flensborgarskólans.
1 Sjá grein Edmunds Tuftes á www.wired.
com/wired/archive/11.09/ppt2.html,
þýðingu Halldórs Gíslasonar á www.lhi.
is/NamOgDeildir/Honnun/Frettir/nr/500 auk
Skólavefrits Hafnarfjarðarbæjar - sjá www.
hafnarfjordur.is.
Færð þú kjarabót um
næstu mánaðamót?
Nær tíu mánuðir eru liðnir síðan félags-
menn KÍ fengu rétt til kjarasamnings-
bundins mótframlags launagreiðanda
inn á séreignarsjóð. Þeir félagsmenn,
sem hafa tekið þátt frá upphafi með því
að gera samning um séreignarsparnað,
hafa mánaðarlega fengið greiðslu inn
á séreign sína frá launagreiðanda sem
nemur allt að 2% af heildarlaunum. Ef
miðað er við heildarlaun upp á 250.000 kr.
þá er mótframlag launagreiðanda komið
upp í 50.000 kr. á þessu ári. Til að fá þessa
mánaðarlegu kjarabót þarft þú að hefja
sparnað með því að gera samning við
séreignarsjóð. Rétt er að hvetja alla, sem
eiga það eftir, að gera samning sem fyrst.
Evrópskt skólasamstarf
Comeníus
– styrkir tungumálaverkefni /
nemendaskipti
Tengslaráðstefna fyrir tungumálaverkefni
verður haldin í Reykjavík 11.-12. nóvember.
Evrópskir kennarar eru boðnir til ráðstefnu
þar sem stefnt er að því að koma á fót
nemendaskiptaverkefnum tólf ára og eldri.
Ráðstefnan er kjörinn vettvangur til að
koma á tengslum við evrópska skóla. Á ári
hverju eru um sex nemendaskiptaverkefni
styrkt af Comeníusi. Verkefni geta verið af
ýmsum toga og náð til flestra greina auk
tungumála.
Allar nánari upplýsingar er að finna á
www.ask.hi.is
Hlíðasmári 11 · Sími: 517-6460
www.belladonna.is
Fallegar haustvörur
fyrir konur með
sjálfstæðan
smekk
Opið:
mán.-fös. kl. 11-18
laug. kl. 11-15
LSR hefur starfrækt séreignardeild frá
árinu 1999 og er einfalt að hefja sparnað
þar. Einungis þarf að fylla út samning um
séreignarsparnað við Séreign LSR og senda
til sjóðsins. Lífeyrissjóðurinn sér um að
koma samningnum til launagreiðanda og
fylgist með því að þú fáir þitt mótframlag.
Hægt er að nálgast eyðublöð á heimasíðu
LSR, www.lsr.is. Einnig er hægt að fá
samning sendan heim með því að senda
netpóst á netfangið sereign@lsr.is eða
hringja í síma 510-6100. Það er rétt að
huga að þessu sem fyrst og missa ekki af
fleiri mánaðamótum.
Ágústa H. Gísladóttir
Höfundur er deildarstjóri Séreignar LSR
SMIÐSHÖGGIÐ
KJARAMÁL