Skólavarðan - 01.10.2005, Blaðsíða 10

10
BREYTINGAR Á KENNARAMENNTUN
SKÓLAVARÐAN 7.TBL. 5. ÁRG. 2005
Án þess að fara fram með vopnaskaki
sveigði Kennaraháskóli Íslands umræðuna
frá fjögurra ára kennaranámi yfi r í
fi mm ára heildstætt meistaranám. Án
þess að slá sig til riddara settu rektor
og kennarar skólans fram ígrundaðar
hugmyndir um breytingar á skipulagi
kennara-menntunar í landinu sem hvíla,
hér eftir sem hingað til, á styrkum stoðum
manngildishugsjónarinnar. Eða eins og
segir í drögum að meginviðmiðum í
stefnumótun skólans fyrir árin 2005-2010
(en stefnan var samþykkt 21. desember
2004 og byggir á samningi skólans og
menntamálaráðuneytis um kennslu og
rannsóknir): „Manngildishugsjónin á að
móta starf og starfshætti Kennaraháskóla
Íslands. Leitast skal við að efl a siðgæðis-
vitund stúdenta og skilning á þeirri ábyrgð
sem fylgir uppeldis- og kennslustörfum og
þeirri alúð sem þeim ber að sýna skjól-
stæðingum sínum.“
Þetta tvennt; fi mm ára meistaranám
og manngildishugsjónin, er út af fyrir sig
nóg til að fylkja fólki að baki hugmyndum
skólans og samstarfsaðila hans í nefnd um
breytingar á menntun íslenskra kennara.
En það er fl eira og hér er einungis stiklað
á stóru. Breytingarnar fela í sér að allt
nám við skólann verði sveigjanlegt og
starfsnám með tengsl við rannsóknir og
vettvang ásamt með áherslu á sköpun
og miðlun gangi eins og rauður þráður í
gegnum námið.
Stefnt er að fjórum meginnámsbrautum
þar sem kjarni er sameiginlegur en
námsleiðir margar og ólíkar, einnig er
hugsanlegt að setja saman námsleiðir
þvert á námsbrautir. Námsbrautirnar verði
þessar:
1. Nám og þroski barna. Grunnnám
fyrir verðandi leikskólakennara og grunn-
skólakennara sem vilja sérhæfa sig í
kennslu yngri barna eða kennslu á miðstigi
og framhaldsnám á tengdum sviðum.
2. Þekking og hæfni barna og
fullorðinna. Grunnnám fyrir verðandi
kennara sem vilja sérhæfa sig í kennslu
einstakra kennslugreina á öllum stigum
grunnskóla eða í framhaldsskóla og fyrir
þá sem vilja verða umsjónarkennarar
á mið- eða unglingastigi grunnskóla.
Nám til kennsluréttinda fyrir grunn- og
framhaldsskólakennara og framhaldsnám
á tengdum sviðum.
3. Íþróttir og lýðheilsa. Grunnnám fyrir
verðandi íþróttakennara, íþróttafræðinga,
íþróttaþjálfara og nám tengt lýðheilsu
ásamt framhaldsnámi á tengdum sviðum.
4. Lífsleikni og samfélag. Grunnnám
fyrir verðandi þroskaþjálfa og tómstunda-
og félagsmálafræðinga ásamt með
framhaldsnámi á tengdum sviðum.
Í grunnnámi verður annars vegar
boðið upp á B.Ed. nám þar sem uppeldis-
og menntunarfræði eru þungamiðja
og hins vegar B.A. eða B.S. nám sem
tengist fagsviðum eða kennslugreinum,
þ.e. möguleikar til sérhæfi ngar aukast.
Framhaldsnám verður tvenns konar: 1.
Starfstengt. Lýkur með M.Ed. eða Ed.D.
gráðu. 2. Rannsóknartengt. Lýkur með
M.S., M.A. eða Ph.D. gráðu.
Í ársskýrslu KHÍ 2004 segir meðal
annars um breytingar á kennaramenntun:
„Meginmarkmið breytinganna er að efl a
þá starfsmenntun sem Kennaraháskólinn
veitir og jafnframt bæta aðgang ungs
fólks að framhaldsnámi við skólann.
Unnt verður að hefja meistaranám strax
að loknu grunnnámi og námskeið verða
almennt umfangsmeiri en nú er. Fagleg
dýpt og heildarsýn á að einkenna öll
námskeið skólans og áhersla verður lögð
á sköpun og miðlun. Þessar breytingar
eru í samræmi við þá þróun sem orðið
hefur í Evrópu og er þeim ætlað að styrkja
skólann enn frekar. Áætlað er að haustið
2007, á aldarafmæli Kennaraháskólans,
geti nemendur hafi ð nám samkvæmt nýju
skipulagi.“
keg
Kennaramenntun á tímamótum