Skólavarðan - 01.10.2005, Blaðsíða 9

SKÓLAVARÐAN 7.TBL. 5. ÁRG. 2005
„Gestur - Síðasta máltíðin“ var frumsýnt
í Iðnó 22. október. Höfundar verksins
eru Gautur G. Gunnlaugsson og Gunnar
Kristmannsson en þeir fara einnig með
hlutverk þeirra Lauga og Óla. Hrólfur
Sæmundsson fer með hlutverk Gests,
Þröstur Guðbjartsson leikstýrir og á píanó
leikur Raúl Jiménez.
Söngfarsinn „Gestur - Síðasta máltíðin“
er ný íslensk óperetta/leikverk með
söngvum. Verkið fjallar um þá Lauga
og Óliver sem eru samkynhneigð hjón í
Grafarholtinu og nýjan nágranna þeirra,
atvinnuflugmanninn og sjarmatröllið
Gest. Laugi er heimavinnandi en Óli vinnur
í banka og þeir una nokkuð glaðir við sitt
þar til gesturinn Gestur setur líf þeirra úr
skorðum. Smávægilegur misskilningur
kallar fram afbrýði og hefndarhug sem
kemur af stað bráðfyndinni atburðarrás
með óvæntum endi.
Þetta er í fyrsta sinn sem íslenskt
verk af þessu tagi er frumsýnt hérlendis
og því merkilegur viðburður í íslensku
menningarlífi. Tónlistin er ákaflega vönd-
uð og áheyrileg og spannar fjölmargar stíl-
gerðir vestrænnar tónlistar; eina stundina
er hún létt og fjörug í ætt við Mozart og
aðra hádramatísk og rómantísk. En alltaf
er léttur undirtónn. Leiktextinn er farsa-
kenndur og meinfyndinn og hann ásamt
tónlistinni myndar þetta stóskemmtilega
verk.
Félagsmönnum KÍ er boðinn afsláttur á
níu sýningar frá og með 30. október og
fá miðann á kr. 2.200 en fullt verð er kr.
2.700.
Nánari upplýsingar um verkið er
hægt að nálgast á idno.is, miðapantanir
eru í síma:562-9700 og með netpósti til
idno@xnet.is
Leikritið Frelsi eftir Hrund Ólafsdóttur,
frumsýnt 28. október á Smíðaverk-
stæðinu, fjallar um ungt fólk sem vill
breyta heiminum. Hrund er gestapenni
Skólavörðunnar að þessu sinni, hún
hefur starfað lengi sem framhaldsskóla-
kennari auk þess að skrifa bókmennta- og
leiklistargagnrýni fyrir Morgunblaðið. Jón
Páll Eyjólfsson leikstýrir verkinu.
Það verður að segjast að það er fengur
að verki um og fyrir fólk á þessum aldri
og full ástæða til að hvetja kennara ungs
fólks til að gefa verkinu gaum. Undan-
farin ár hefur lítt farið fyrir pólitískum
leikritum og á stundum hafa umbúðirnar
verið allsráðandi í uppsetningu verka,
jafnt erlendra sem innlendra. Leikrit
fyrir ungmenni hafa tæpast komist á
fjalirnar. Áhugi og þátttaka ungs fólks
í stjórnmálastarfi og þjóðmálaumræðu
hefur aukist upp á síðkastið eftir langt
þurrkatímabil og tímabært að leikskáld
komi til móts við þá uppsveiflu ásamt
öðrum. Lifandi leikhús fylgir að sjálfsögðu
ekki bara samtíma sínum heldur tekur þátt
í að móta hann og innihald Frelsis gefur
tilefni til umræðu um brýn málefni. Hvaða
möguleika hefur ungt hugsjónafólk til að
vinna gagn og berjast gegn ranglæti? Skila
mótmæli árangri? Hvað er frelsi? Hvenær
verða mótmæli hættuleg? „Þessum
spurningum er ekki endanlega svarað í
verkinu,“ segir Hrund, „en þær eru bornar
fram. Ég þekki engan sem óskar þess að
... á glænýja íslenska hinsegin gamanóperettu
LEIKHÚSTILBOÐ
Afsláttur fyrir kennara
stríð ríki í heiminum og mannréttindi
séu fyrir borð borin. Engu að síður er
það þannig heimur sem við byggjum og
hann er manngerður. Leikritið er framlag
til eftirfarandi samræðu: Hvernig heim
viljum við og hvað getum við gert?“
Skólahópar sem koma saman á leikritið
Frelsi geta beðið um umræður að lokinni
sýningu. Best er að senda tölvupóst á
Dóru Hafsteinsdóttur kynningarfulltrúa
dora@eikhusid.is. Í ráði er að hafa
sérstakar skólasýningar á verkinu á
miðvikudagskvöldum í nóvember og
stilla þá miðaverði mjög í hóf. Nánari
upplýsingar gefur áðurnefnd Dóra.
keg
Frelsi fyrir ungt fólk
... og spjall að lokinni sýningu
Enginn er jafnundirokaður og sá
sem trúir því ranglega að hann
sé frjáls.
Goethe
Ljósmynd frá Gunnari Kristmannssyni
Lj
ós
m
yn
d
fr
á
Þj
óð
le
ik
hú
si
nu
9