Skólavarðan - 01.04.2006, Page 20

20
SKÓLAÍÞRÓTTANEFND
SKÓLAVARÐAN 3.TBL. 6. ÁRG. 2006
Andri Stefánsson sviðsstjóri fræðslu-
sviðs Íþrótta- og Ólympíusambands
Íslands er starfsmaður hinnar nýju
skólaíþróttanefndar ÍSÍ. Skólavarðan
tók Andra tali til að forvitnast hjá
honum um nefndina og starfsvettvang
hennar.
„Á íþróttaþingi árið 2002 kom fram till-
aga um að stofna skólaíþróttasamband
líkt og á hinum Norðurlöndunum,“
segir Andri. „Í framhaldi af því var sett á
laggirnar nefnd til að kanna möguleika
og þörf á slíku sambandi hér. Nefndin
starfaði fram að íþróttaþingi árið 2004
og niðurstaðan var í stuttu máli sú að
ekki væri ástæða til að stofna samband
að svo stöddu, heldur fremur nefnd sem
myndi skoða þessi mál frá grunni. Þetta
er í takt við hefðina hérlendis þar sem
nýjar íþróttagreinar hefja gjarnan göngu
sína á stofnun slíkra nefnda. Þær verða
síðan oft samband þegar umfang þeirra
er orðið mikið. Það er heldur ekki mikil
þörf á nýju batteríi þar sem margt er
nú þegar til staðar. Þörfin er meiri fyrir
samvinnu og samræmingu.
Við skoðuðum hvernig málum væri
háttað í öðrum löndum, til dæmis í
Svíþjóð þar sem skólaíþróttasambandið
er aðili að sænska íþróttasambandinu. Þar
eins og víðar eru skólaíþróttasamböndin
búin að vera til mjög lengi. Sænska
sambandið var til dæmis stofnað í
upphafi síðustu aldar. Á þeim tíma var
bæði skóla- og íþróttastarf í svo mikilli
mótun að það var rými fyrir þessi samtök
inn á milli hins hefðbundna skólastarfs,
sem var fyrri hluta dags, og hins frjálsa
íþróttastarfs sem fór fram á kvöldin. Því
gátu sænsku skólaíþróttasamtökin fund-
ið vettvang og rými fyrir sína starfsemi.
Núorðið er dagskráin miklu mótaðri
hjá bæði skólum og íþróttafélögum
og erfiðara að koma nýjum verkefnum
að. Með heilsdagsskólanum og öðrum
breytingum er sífellt erfiðara að finna
tíma fyrir eitthvað sem er ekki nú þegar
á dagskránni. Við vorum með tilrauna-
MARKMIÐ SKÓLAÍÞRÓTTANEFNDAR ÍSÍ ER M.A.:
• Að efla þátttöku barna í íþróttum í tengslum við skólakerfið.
• Að hvetja til samvinnu á milli skóla á sviði íþrótta.
• Að auka hreyfingu og útivist barna og unglinga.
• Að auðvelda afreksmönnum að stunda nám.
• Að sjá um norræna samvinnu á sviði skólaíþrótta.
Skólaíþróttir í uppsveiflu
verkefni í fyrra fyrir nemendur í 7. bekk
í Kópavogi þar sem við buðum upp á
innibandí og það var mjög vinsælt. Við
rákum okkur hins vegar á að skólarnir
áttu erfitt með að koma þessu við af
ýmsum ástæðum, jafnvel þegar búið var
að tryggja fjármagn og sveitarfélög búin
að útvega íþróttamannvirki. Verkefnið
gekk að mörgu leyti vel en sýndi okkur
líka fram á að ekki er nóg að fá góða
hugmynd heldur verður að vera búið að
huga að öllum þáttum framkvæmdarinnar
og tryggja að allt geti gengið upp.“
Andi segir hlutverk Skólaíþrótta-
nefndar enn í mótun en það felist
meðal annars í að miðla hugmyndum
og hjálpa til með skipulagningu og
samræmingu, benda á aðstöðu og