Skólavarðan - 01.08.2006, Síða 28

28
SKÝRSLA STARFSNÁMSNEFNDAR
SKÓLAVARÐAN 5.TBL. 6. ÁRG. 2006
Fyrir nokkru kom út skýrsla nefndar um
endurskoðun starfsnáms sem mennta-
málaráðherra skipaði 12. janúar 2006.
Erindisbréf hennar er svohljóðandi:
„Nefndin skal kanna hvernig má stuðla
að aukinni aðsókn að starfsnámi, einfalda
skipulag námsins og tryggja fjölbreytt
framboð, sveigjanleika og samfellu í
skólastarfi, og bæta tengsl starfsnáms á
framhaldsskólastigi við grunnskóla- og
háskólastig.
Í IX. kafla laga nr. 80/1996 um
framhaldsskóla eru ákvæði um starfsnám.
Nefndin skal endurskoða þennan kafla
laganna og leggja fram tillögur sem eru til
þess fallnar að efla starfsnám til framtíðar
með framangreind markmið að leiðarljósi.
Nefndinni er falið að meta hvort þörf
sé á endurskoðun skipulags starfsnáms
í heild, sem tæki til allra skólastiga.
Komist nefndin að þeirri niðurstöðu að
heildarendurskoðunar sé þörf, skal hún
gera tillögu um æskilegar breytingar á
lögum og skipulagi. Meðal þess sem til
álita kemur í því sambandi er hlutverk,
skipulag og starfsemi starfsgreinaráða og
samstarfsnefndar um starfsnám á
framhaldsskólastigi.
Nefndin skal í starfi sínu leita upp-
lýsinga hjá ráðuneyti, skólum og starfs-
greinaráðum eftir því sem hún telur
nauðsynlegt. Jafnframt er þess óskað að
nefndin leiti samráðs við hagsmunaaðila
um mál sem þá varða.”
Megintillögur
Megintillögur nefndarinnar eru að bók- og
starfsnám í framhaldsskólum verði jafngilt
og skipulagt sem ein heild, starfsnám aukið
í grunnskólum, náms- og starfsráðgjöf
stórefld á báðum skólastigum, stofnað
verði sjálfstætt fagháskólastig, breytingar
gerðar á vinnustaðanámi, samstarfsnefnd
um starfsnám og starfsgreinaráðum og
að samstarf grunn- og framhaldsskóla
og framhalds- og háskóla verði aukið og
samfella í námi milli þessara skólastiga.
Nefndin leggur til breytingar á lögum
um framhaldsskóla í samræmi við þessar
tillögur.
Verkefni nefndarinnar gerðu það
óhjákvæmilegt að taka námsskipulag
framhaldsskólans til heildarskoðunar því
ekki er hægt að skoða stöðu starfsnáms
einangraða frá bóknámi. Það þarf að
gerast í stóru samhengi. Þess vegna eru
tillögur nefndarinnar mun róttækari og
umfangsmeiri en sumir bjuggust kannski
við.
Brotalamir
Margoft hefur verið bent á að skortur
á list- og starfsnámi í efstu bekkjum
grunnskólans og bóklegar áherslur í námi
ýti undir að mun fleiri nemendur velja
bóknám en starfsnám í framhaldsskóla,
sækja um inngöngu í bóknámsskóla í
stað áfangaskóla sem bjóða bæði upp á
STARFSNÁM Í DEIGLUNNI
Þann 11. júlí sl. var skýrsla starfsnáms-
nefndar kynnt á blaðamannafundi í
Þjóðminjasafninu. Nefndin hafði þá
starfað frá því í janúar á þessu ári.
Tillögur starfsnámsnefndar eru merkur
áfangi í heildarendurskoðun náms og
námsskipunar í skólakerfinu og vert er að
hvetja félagsmenn til að kynna sér þær
til hlítar. Aðalheiður Steingrímsdóttir
formaður Félags framhaldsskólakennara
var einn nefndarmanna og hér segir hún
frá tillögunum, hvað þær feli í sér og hvað
sé framundan. Þótt Kennarasambandið
standi með öðrum fulltrúum í nefndinni
að tillögugerðinni að langstærstum
hluta telur það þó ótímabært að binda
einingafjölda í kjarna eins og meirihluti
nefndarinnar leggur til. Þetta álit
Kennarasambandsins kemur fram í
skýrslu nefndarinnar. En í heildina munu
tillögurnar, ef þær ná fram að ganga,
skapa fjölmörgum ný tækifæri til náms
og auka veg og virðingu starfsnáms í
menntakerfinu.
Skýrsla starfsnámsnefndar
Aðalheiður Steingrímsdóttir