Skólavarðan - 01.11.2001, Blaðsíða 3

4
Leiðar i
Ritstjóri: Kristín Elfa Guðnadóttir kristin@ki.is
Ábyrgðarmaður: Helgi E. Helgason helgi@ki.is
Ritstjórn: Ásmundur Örnólfsson, Auður Árný Stefánsdóttir, Eiríkur Jónsson,
Helgi E. Helgason, Kristín Elfa Guðnadóttir, Kristín Stefánsdóttir, Magnús Ingvason,
Anna Björg Sveinsdóttir, Sigurrós Erlingsdóttir
Hönnun: Penta ehf.
Ljósmyndun: Jón Svavarsson
Teikningar: Ingi
Auglýsingar: Öflun ehf. / Kristín Snæfells / kristinsn@islandia.is / sími: 533 4470
Prentun: Prentsmiðjan Grafík ehf.
Forsíðumyndin sýnir tónlistarskólakennara ganga á fjallið Þorbjörn til að fremja
gjörning. Tólf klst. síðar voru samningar undirritaðir. Jón Svavarsson tók myndina.
Lifðu í lukku
en ekki í krukku
„Ísland er ekki barnvænt land: Það er mikið um einelti og of-
beldi í börnum og yfirvöðslugang í bæði börnum og fullorðnum.
Sonur minn hefur aftur og
aftur þurft að finna fyrir
bæði andlegu og líkamlegu
ofbeldi af krökkum hér. Og
þótt ég sé bæði búin að tala
við skólayfirvöld, umboðs-
mann barna og Barnaheill,
og mætt miklum skilningi
alls staðar, stoppar þetta
ekki. Ég er búin að fara fram
á það að þessir krakkar, ger-
endurnir, verði færðir úr hópnum og unnið með þeim sér, en
nei, það er víst bannað. En í staðinn er það sonur minn sem
missir úr skóla. Þó kom hann úr bandarískum skóla þar sem
hann varð ekki fyrir ofbeldi. Og honum gekk vel í öllu þar.“
Þessi tilvitnun er úr opnu bréfi einstaklings sem kallar sig
Vestur-Íslending og sent var alþingismönnum þann 20. október
sl. Í bréfinu er íslensku samfélagi sagt ærlega til syndanna; hér
ríkir óstjórn og agaleysi í skattþungu lágtekjulandi þar sem krefj-
andi störf eru ekki metin að verðleikum og meira að segja heil-
brigðiskerfið er snöggtum síðra en af er látið, lyklabörn ganga
um afskipt og svo furðar fólk sig á hárri slysatíðni barna, matur
er allt of dýr og verðtryggð húsnæðislán eru að sliga fólk í verð-
bólgunni. Bréfritari er einungis búinn að dvelja í föðurlandi sínu
í sjö og hálfan mánuð, heim kominn eftir langa útlegð og líkleg-
ast á förum aftur. Því að ekki er hægt að búa í svona landi.
Lifðu í lukku en ekki í krukku, stóð í minningabókunum í gamla
daga. Eða með öðrum orðum: Til að kunna að meta það sem
skiptir máli þarf maður að fara að heiman. Gagnrýni á borð við
þessa fær fólk til að staldra við. Er það svo í raun að við séum
ekki góð hvert við annað, að hagstjórn hérlendis sé ekki upp á
marga fiska, að fólk láti bjóða sér eitt og annað sem það ætti alls
ekki að taka við umyrðalaust?
Þeir sem hafa búið erlendis og snúa heim að nýju verða ekki
einungis æ fleiri heldur einnig æ háværari í gagnrýni sinni á
íslenskt samfélag. „Er yfirhöfuð hægt að kalla það siðaðra
manna samfélag?“ spyrja gagnrýnendur gjarnan, „þar sem
mannasiðir þekkjast varla, hvað þá annað? Þar sem menn eru
öllum stundum tilbúnir í illindi af litlu eða engu tilefni?“
Í messu fyrsta sunnudag í aðventu - sem ég mætti einungis í
vegna þess að litla systurdóttir mín var skírð þar- sagði prestur
sögu af syni önnum kafinna foreldra á jólaföstu. Strák var sagt
að fara og teikna mynd af Jesúbarninu þegar hann bað um
sögu. Hann hlýddi en fór svo að teikna myndir af foreldrunum
hlaupandi um allt með skrúbba, tuskur og jólaseríur og innan
skamms sást ekki lengur í Jesúbarnið á teikningunni.
Það er gömul saga og ný að prestar reyni að sporna við látun-
um í desember með hugvekjum af þessum toga og líkast til fara
þær inn um annað og út um hitt hjá mörgum. En hvíldarstund í
kirkju eða öðru trúarhúsi, á fjalli eða í eldhúsinu heima, það
jafnast fátt á við slíka stund og enn fremur ef henni er deilt með
ástvini.
Kristín Elfa Guðnadóttir
Efni
Greinar
Iðnskólafélagið stofnað 13
þann 28. nóvember sl. en félaginu er ætlað að vera bakhjarl
iðnmenntunar á Íslandi.
Riddarar pallborðsins 14
Aðalfundur og námstefna Skólastjórafélags Íslands voru
haldin 2. og 3. nóvember sl.
Leynivinir, kökusala og gott skap 17
Starfsfólk Safamýrarskóla lætur sér ekki leiðast, hvorki í vinnunni
né utan hennar.
Um Kristin, Héðin, Ingunni og fleiri góðvini
stafsetningarkennara 18
Mannlýsingar í stafsetningarsögum í óborganlegri samantekt
Emils Hjartarsonar.
Siðareglur og skólastefna 21
voru umfjöllunarefnin á ársfundi skólamálaráðs KÍ 23. nóvember sl..
„Allt í einu kom úlfurinn stökkvandi niður úr trénu...“ 22
Tölvur gegna stóru hlutverki í starfi leikskólans Mánabrekku.
Viðtal við Elínu Guðjónsdóttur og Dagrúnu Ársælsdóttur.
Verkföll og virðing 24
Anna Málfríður Sigurðardóttir píanóleikari og píanókennari telur
stjórnmálamenn vega að virðingu kennara með því að neyða þá
til að grípa til verkfallsvopnsins.
„Hví í ósköpunum voruð þið þá að auglýsa eftir kennara?“ 25
Þorgerður Sveinsdóttir útskrifaðist úr Kennaraskólanum fyrir
sjötíu árum. Þorgerður var farkennari um tíma og síðar einn
af frumkvöðlum í kennslu þroskaheftra.
Íslensk börn: Feit og löt að hreyfa sig? 28
Undirbúningur stórrar rannsóknar á líkamsástandi 9 og 10 ára
barna stendur nú yfir. Erlingur Jóhannsson hefur viðað að sér
upplýsingum úr öðrum rannsóknum og myndað sér skoðun
á því hvað þurfi að gera.
Árangur kjarasamninga og breytt starfsumhverfi
framhaldsskóla 30
Fulltrúafundur Félags framhaldsskólakennara var haldinn þann
9. nóvember sl. Már Guðmundsson flutti erindi á fundinum
ásamt fleirum.
Félag grunnskólakennara fundar á Nesjavöllum 34
Ársfundur FG var haldinn dagana 2. og 3. nóvember sl.
Fjörutíu prósent gerenda fá á sig dóm síðar á ævinni 36
Þetta kom fram á málþingi um einelti sem haldið var 9. nóvember sl.
Eru hlutverkaleikir það sem koma skal? 38
Nýstárleg safnkennsla í Byggðasafni Hafnarfjarðar.
Má bjóða í tímaferðalag til ársins 948?
Sérefni: Myndasyrpa úr verkfalli tónlistarskólakennara
á bls. 8-11
Auk þess ótal fréttir og annað smærra efni. Formannspistil skrifar
Elna Katrín Jónsdóttir. Smiðshöggið á blaðið rekur Lárus H.
Bjarnason rektor Menntaskólans við Hamrahlíð.Gestaskrifari er
Bryndís Kristjánsdóttir blaðamaður, stjórnmálamaður og stjórnar-
maður í Samfok með meiru. Skóladagar - myndasaga Skólavörð-
unnar - er á vísum stað og um kjaramál leikskóla og grunnskóla
rita þær Björg Bjarnadóttir og Guðrún Ebba Ólafsdóttir. Stjórn
orlofssjóðs kynnir frábær orlofshús á Spáni, hvorki meira né
minna, sem standa félagsmönnum til boða næsta sumar. Sagt
er frá sameiningu kennarafélaga í Noregi, nýju námsefni í
lífsleikni og ráðstefnu um gildi athugana og matsaðferða
í leikskólastarfi. Og fleira og fleira, nú bara að fletta og lesa.