Skólavarðan - 01.11.2001, Side 32
ári sagði Guðrún Ebba meðal annars: „Þau
tvö ár sem liðin eru frá stofnun Félags
grunnskólakennara hafa verið viðburðarrík.
Félagið tók til starfa 1. janúar 2000 með
það markmið að efla tengslin við félags-
menn. Kennarar í rúmlega 180 skólum
hafa verið heimsóttir. Við lögðum viða-
mikla skoðanakönnun fyrir alla félagsmenn
í upphafi kjörtímabilsins og fengum frá-
bæra þátttöku. Tengsl við trúnaðarmenn
hafa eflst með tíðari fundum og bréfum.
Ákveðið var að leggja áherslu á að gefa já-
kvæða mynd af kennurum og félagi þeirra.
Markmiðið hefur verið að í stað minni-
máttarkenndar og sífelldra afsakana geti
kennarar borið höfuðið hátt og verið stoltir
af starfinu sínu. Ég leyfi mér að fullyrða að
ímynd grunnskólakennara í hugum al-
mennings er mun jákvæðari nú en fyrir
nokkrum árum. Kennarar eru ekki ásakaðir
um að vera alltaf á móti breytingum því
þeir samþykktu kjarasamning sem felur í
sér vinnutíma- og launafyrirkomulag sem
er líkara því sem almennt gerist í fyrirtækj-
um. En starfinu er langt í frá lokið. Laun
yngri kennara þurfa að hækka verulega í
næstu kjarasamningum. Tryggja verður
kennurum strax næsta haust viðunandi
vinnuskilyrði með þeim undirbúningstíma
sem þeir þurfa og þar höfum við verk að
vinna.“ Guðrún Ebba sagði ennfremur að
skilgreina þyrfti nánar hlutverk Kennara-
sambandsins annars vegar og aðildarfélag-
anna hins vegar. Einnig væri nauðsynlegt
að styrkja tengslin á milli félaganna. Félag
grunnskólakennara og Skólastjórafélag Ís-
lands þyrftu að draga mörk á milli félag-
anna og virða þau.
Kjarasamningur kennara og skóla-
stjóra verði aðskilinn
Á fundinum var lagður grunnur að nýrri
kjarastefnu félagsins. Guðrún Ebba kynnti
drög að stefnunni en þar er lagt til að sér-
stakur kjarasamningur verði gerður fyrir
grunnskólakennara annars vegar og skóla-
stjóra hins vegar og atkvæði um samning-
ana verði talin í sitt hvoru lagi. Áhersla er
lögð á fleiri launaflokka vegna menntunar,
stærri „launaflokkapott“, aukinn sveigjan-
leika í vinnutíma og kennsluskyldu, aukna
möguleika á starfsframa innan skólanna án
þess að kennarar teljist til skólastjórnenda
og umbun til trúnaðarmanna.
Finnbogi Sigurðsson ræddi að þessu
loknu um kjaraatriði sem eru almenns eðlis,
svo sem fjölskyldustefnu, styttri vinnutíma,
umbætur á almannatryggingakerfi og aukin
réttindi launafólks í veikindum, kröfur um
að samnings- og verkfallsréttur opinberra
starfsmanna verði bættur, skattkerfi gert
réttlátara og kaupmáttur launa tryggður.
Einnig var fjallað um tillögur um breyt-
ingar á lögum félagsins og KÍ og undirbún-
ing aðalfundar FG og þings Kennarasam-
bands Íslands í mars á næsta ári. Kynnt var
erindi menntamálaráðuneytisins um stytt-
ingu námstíma til stúdentsprófs, en brýnt
er að ræða þessa tillögu í svæðafélögunum.
Á laugardag var starfað í þremur vinnuhóp-
um og fjallað um skólamál, kjaramál, innra
starf og félagsmál. Í fundarlok voru tvær
ályktanir samþykktar, önnur áskorun til
Launanefndar sveitarfélaga um að ganga til
samninga við tónlistarskólakennara sem þá
voru enn í verkfalli, en hin var hvatning til
kennara í grunnskólum um að virða verk-
fallið og ganga ekki í störf tónlistarskóla-
kennara.
keg
Ársfundur FG
35
Markmiðið hefur verið að í stað minnimáttarkenndar og sífelldra afsakana geti
kennarar borið höfuðið hátt og verið stoltir af starfinu sínu. Ég leyfi mér að fullyrða
að ímynd grunnskólakennara í hugum almennings er mun jákvæðari nú en fyrir
nokkrum árum. Kennarar eru ekki ásakaðir um að vera alltaf á móti breytingum því
þeir samþykktu kjarasamning sem felur í sér vinnutíma- og launafyrirkomulag sem
er líkara því sem almennt gerist í fyrirtækjum. En starfinu er langt í frá lokið. Laun
yngri kennara þurfa að hækka verulega í næstu kjarasamningum. Tryggja verður
kennurum strax næsta haust viðunandi vinnuskilyrði með þeim undirbúningstíma
sem þeir þurfa og þar höfum við verk að vinna.