Skólavarðan - 01.11.2001, Blaðsíða 16

Skarphéðinn:
Hann býr á Ljótunnarstöðum og kemur
fram að hann er framúrstefnu búhöldur,
hefur sett súgþurrkun í fjóshlöðuna.
Héðinn:
Hann er af fátækum kominn sem sjá má af
því að hann kól á hendinni vegna þess að
hann var með götótta vettlinga og blauta.
Eitthvað er gruggugt við Héðin og eins og
hann reyni að villa á sér heimildir. Hann er
til dæmis ýmist Sigurðsson eða Finnsson.
Hann leynir einhverju fyrir Þórarni en
heldur þó að enn gruni hann ekkert. Hann
vakir um nætur og nú langar hann til út-
landa. Ekki er getið hvers vegna en nætur-
vökur hans og laumuspil vekja illan grun.
Kjartan:
Um hann er lítið skráð eða aðeins tvennt.
Hann fékk hæstu einkunnirnar og hann leit
til himins og lofaði drottin. Kjartan er sam-
kvæmt þessu guðhræddur gáfu- og dugn-
aðarmaður.
Þráinn:
Hann langar á sjóinn og hefur verið ráðinn
á Hugin til síldveiða. Honum er ekki fisjað
saman en þó sundlaði hann þegar hann
reið dýpsta álinn í austustu kvíslinni. Hann
er sterkur vel og hefur haft Kristin undir í
átökum. Hann hlakkar til vorsins en þá
kemur hann í land og fer að kenna sund.
Þráinn er Björnsson. Hann var á árum áður
vinnumaður Þórarins.
Kristinn:
Hann er bróðir Ingunnar sem er mjög vor-
kunnlát við bróður sinn. Hann virðist eiga
gott fólk að sem gaf honum veiðistöng.
Hann er fæddur í sveitinni en alinn upp í
borginni. Alltaf langar hann að endurnýja
kynni sín við húsdýrin. Hann er hið mesta
góðmenni. Hann stóð fyrir söfnun og af-
henti forstöðukonunni ágóðann. Í útilegum
er honum falin eldamennskan.
Ingunn:
Hún er systir Kristins en annars eru litlar
heimildir um hana. Hún er góð við bróður
sinn. Hún datt í svigkeppni og slasaðist og
er þar með úr sögunni. Þau Ingunn og
Kristinn eru Þorkelsbörn.
Þórarinn:
Hann er ekki við eina fjölina felldur í
kvennamálum. Hann langar til að hitta
Ingunni en er um leið farið að lengja eftir
Jórunni. Hann er bóndi og hefur átt í deil-
um við Kristin út af engjum. Hann er
hraustmenni sem veður nýfallinn snjóinn á
vetrum. Þráinn var vinnumaður hans áður
en hann fór á sjóinn. Svo virðist sem Þór-
arin langi til sjós, draumar hans benda til
þess. Hann dreymdi að hann drægi stein-
bít, missti hann reyndar. Fólki finnst Þór-
arinn hafa breyst.
Steinunn:
Hún er systir Jórunnar og er ekki miskunn-
inni fyrir að fara hjá þeim systrum. Stein-
unn er kjarkmanneskja. Hún komst einu
sinni í hann krappan en varð sér ekki til
minnkunar eftir því sem heimildir herma.
Jórunn:
Hún er ekki miskunnsöm en er þó ágæt-
lega rómantísk, hún horfði hugfangin á
kvöldroðann. Hún reynir að fylgja tískunni
en getur ekki fellt sig við stuttu kjólana. Ef
til vill er hún ólöguleg í vexti og er þetta
eina vísbendingin um útlit þessa fólks.
Emil Hjartarson
Heimild: Kennslubók í stafsetningu,
höfundar Árni Þórðarson og
Gunnar Guðmundsson,
13. útgáfa, Námsgagnastofnun 1996.
Mannlýs ingar í stafsetn ingarsögum
18
Íslendingasögurnar eru fullar af dá-
samlegum mannlýsingum og óborg-
anlegum persónum. Ef grannt er að
gáð eru stafsetningarbækur einnig
hafsjór af margbrotnum manneskjum
en lýsingar eru nokkuð brotakenndar.
Emil Hjartarson, kennari í Varmár-
skóla, er áhugasamur um bók-
menntaarf kennslurita í stafsetningu.
Hann hefur tekið saman af einstakri
snilld heimildir um nokkrar persónur
úr brúnu stafsetningarbókinni sem
margir kennarar hafa átt góða sam-
fylgd með í gegnum árin. Í hinum ör-
lagaríka kafla um „n“ og „nn“ koma
margar dramatískustu persónur bók-
arinnar við sögu og þar leitaði Emil
fanga.
Á fundi samráðsnefndar menntamálaráðuneytis, Sambands íslenskra sveitar-
félaga og samtaka kennara og skólastjóra í kjölfar málþing um einelti var samþykkt
eftirfarandi bókun: „Voru menn sammála um að málþing um einelti sem haldið var
9. nóvember sl. hefði heppnast mjög vel og fengið jákvæða umfjöllun í fjölmiðlum.
Samráðsnefnd var einhuga um að fela starfshópnum áframhaldandi vinnu við þær
hugmyndir, sem fram komu um aðgerðaáætlun gegn einelti eftir kerfi Olweusar, og
að starfa a.m.k. til ársloka 2002 að málinu. Fyrsta skrefið væri að gera nákvæma
framkvæmda- og fjárhagsáætlun um verkið og tillögu um skiptingu kostnaðar. Von-
ast menn til að hægt verði að hefjast handa með vorinu. Óskað var eftir því að
starfshópurinn skilaði tillögum að framkvæmdaáætlun og kostnaðaráætlun hið
fyrsta.“
Einelti
Frétt
Um Kristin, Héðin, Ingunni og fleiri
góðvini stafsetningarkennara