Skólavarðan - 01.11.2001, Blaðsíða 9

Verkfa l l
10
sínu til þeirra sem í nefndinni sitja. Sigrún
Grendal Jóhannesdóttir, formaður Félags
tónlistarskólakennara, sendi viðsemjendum
einnig tóninn í ávarpi sínu. Hún sagði að
barátta tónlistarskólakennara við að ná eyr-
um þeirra og setja niður á blað eitthvað
sem hönd væri á festandi, hefði verið bar-
átta við vindmyllur og minnti einna helst á
grísku goðsögnina um Sisyfos sem guðirnir
dæmdu til ævilangrar þrælkunar.
Verkfallsmiðstöð var í Valsheimilinu á
Hlíðarenda og var hún opin þrjá daga í viku
meðan á verkfalli stóð. Einnig var starfrækt
verkfallsmiðstöð á Akureyri. Í miðstöðvarn-
ar mættu tónlistarskólakennarar til að fá
fréttir af gangi viðræðna og framkvæmd
verkfalls til viðbótar þeim upplýsingum sem
birtust í Verkfallpóstinum sem kom út að
jafnaði um það bil þrisvar í viku. Ýmsir
gestir lögðu leið sína í verkfallsmiðstöðina í
Reykjavík. Stjórnmálamenn viðruðu þar
skoðanir sínar og listamenn styttu verkfalls-
fólki stundir.
Fjölmennt var í verkfallsmiðstöðinni
fimmtudaginn 8. nóvember þegar Hnall-
þórukeppni tónlistarskólastjóra fór fram.
Keppendur komu víðs vegar að en flestir
voru af suðvesturhorni landsins, frá Stykk-
ishólmi að Selfossi. Hugmyndin að keppn-
inni á rætur að rekja til skáldsögu Halldórs
Laxness, Kristnihalds undir Jökli, sem verið
er að sýna um þessar mundir í leikgerð
Sveins Einarssonar á Stóra sviði Borgarleik-
hússins. Leikarar í sýningunni voru meðal