Skólavarðan - 01.11.2001, Síða 17
Frétt i r og smáefni
19
Í tilefni af ári tungumálanna stendur Þýðingasetur Háskólans og
Hugvísindastofnun fyrir þriggja daga dagskrá í desember sem
helguð er ljóðaþýðingum.
Föstudaginn 14. desember: Ráðstefna í hátíðasal Háskóla Ís-
lands þar sem fræðimenn og skáld velta fyrir sér hvort marg-
tyngdar bókmenntir séu mögulegar og þá hvernig.
Laugardaginn 15. desember: Unnið í vinnustofum og á verk-
stæðum í Borgarbókasafni Reykjavíkur og farið yfir þætti eins
og form í þýðingu, margtyngi og ljóðaþýðingar, lítil mál og
ljóðaþýðingar, alþjóðlega markaðssetningu ljóðlistar, ljóðlist og
vefinn, nýliðun ljóðsins í „slammi“ og einnig litið inn í hinn
framandi heim Austurlanda.
Sunnudaginn 16. desember: Hátíð ljóðsins í þýðingu í Borgar-
bókasafni með tónlist, lestri og léttum veitingum.
Vel á annan tug erlendra gesta kemur til Reykjavíkur af þessu
tilefni, fræðimenn, þýðendur og skáld.
Menningarmiðlun í ljóði
og verki
Menningarfræðivefurinn afkimar hefur þann tilgang að
upplýsa námsmenn og aðra áhugasama um grund-
völl og einkenni menningarfræðilegrar umræðu auk
þess að halda úti slíkri umræðu. Í meginkimum,
kennslukimum og þátttökukimum vefjarins kennir ým-
issa grasa sem ilma misvel en eru þess virði að þefa af
þeim.
www.afkimar.hi.is
V e f a n e s t i
Í eitt ár hafa danska leikskólakennarafélagið (BUPL) og félag ó-
faglærðs starfsfólks í leikskólum (PMF) kannað - og kynnt fyrir
félagsmönnum - möguleika á sameiningu þessara tveggja
félaga. Nú er komið á daginn að ekkert verður af henni.
Leikskólakennarar felldu sameiningu með yfirgnæfandi meiri-
hluta og í beinu framhaldi var gefin út yfirlýsing í tengslum við
þing ófaglærðra um að sameining væri ekki lengur á dagskrá.
Bæði félögin fagna þó góðri samvinnu þetta ár og hyggjast
halda áfram að treysta böndin.
BUPL og PMF sameinast ekki
Í haust urðu ýmsar breytingar á yfirstjórn Kennarahá-
skólans. Auður Torfadóttir dósent sem verið hefur
deildarforseti grunndeildar lét af störfum en við því
embætti tók Ingvar Sigurgeirsson prófessor. Ingvar
hefur um skeið verið deildarforseti framhaldsdeildar
en við henni tók Börkur Hansen prófessor. Skoraskipt-
ing skólans hefur verið afnumin og í stað hennar tekin
upp námsbrautaskipan. Forstöðumenn námsbrauta í
grunndeild eru þessir: Arna H. Jónsdóttir lektor veitir
leikskólakennarabraut forstöðu og tekur við af
Jóhönnu Einarsdóttur sem var skorarstjóri leikskóla-
skorar. Arna er einnig forstöðumaður námsbrautar í
leikskólafræði (45 eininga diplómunám) en það nám
er einkum ætlað þeim sem starfað hafa í leikskólum í
nokkur ár. Gunnar J. Gunnarsson lektor tekur við for-
stöðu grunnskólakennarabrautar en skorarstjóri í
grunnskólaskor var Börkur Hansen. Hafdís Guðjóns-
dóttir lektor er forstöðumaður þroskaþjálfabrautar og
tekur við af Guðrúnu Stefánsdóttur skorarstjóra.
Forstöðumaður kennsluréttindanáms er Brynhildur
Briem lektor sem tekur við af Gunnari Árnasyni skorar-
stjóra. Erlingur H. Jóhannsson dósent er forstöðumað-
ur íþróttafræðibrautar. Hann veitir einnig forstöðu
nýrri námsbraut um tómstunda- og félagsmálafræði. Í
framhaldsdeild skólans eru forstöðumenn námsbrauta
þessir: Amalía Björnsdóttir dósent (rannsóknartengt
framhaldsnám til meistara- og doktorsgráðu), Börkur
Hansen prófessor (uppeldis- og menntunarfræði),
Gretar Marinósson dósent (sérkennslufræði), Kristín
Halla Jónsdóttir dósent (stærðfræði), Ólafur H. Jó-
hannsson lektor (stjórnun), Rannveig Jóhannsdóttir
lektor (nám og kennsla ungra barna), Sólveig Jakobs-
dóttir dósent (tölvu- og upplýsingatækni). Þá hafa orð-
ið þær breytingar hjá Símenntunarstofnun Kennarahá-
skólans að Ólafur H. Jóhannsson lektor hefur tekið við
starfi forstöðumanns af Andrési Guðmundssyni.
Breytingar í KHÍ
Skoraskipting afnumin
Þann 1. desember sl. var stofnað félag fjarnema á háskólastigi
á Vestfjörðum. Tilgangurinn með stofnun þess er fyrst og
fremst að gæta hagsmuna nemenda og vera málsvari þeirra
innan skóla og utan en félagið mun einnig beita sér fyrir bætt-
um aðbúnaði þeirra og aðstöðu. Þá er og stefnt að því að efla
tengsl nemenda við fyrirtæki og stofnanir á Vestfjörðum og
standa fyrir kynningum tengdum námi. Síðast en ekki síst er
markmiðið að efla háskólanám á Vestfjörðum. Fréttavefur Bæj-
arins besta sagði frá.
Félag fjarnema á Vestfjörðum
Gleðileg jól!
Kennarasamband Ís lands