Skólavarðan - 01.11.2001, Qupperneq 31

Samkvæmt lögum Félags grunnskóla-
kennara skal stjórn þess boða til ársfundar
þau ár sem aðalfundur er ekki haldinn. Rétt
til setu á ársfundi eiga stjórn og varastjórn,
formenn svæðafélaga, samninganefnd,
skólamálanefnd og formenn fastanefnda.
Stjórn félagsins hefur umboð til að kalla til
fleiri fulltrúa ef þurfa þykir og hefur hún
samþykkt í samráði við formenn svæða-
félaga að bjóða kennaranemum við Kenn-
araháskóla Íslands og Háskólann á Akur-
eyri að senda fulltrúa á fundinn.
Guðrún Ebba Ólafsdóttir setti fundinn
og ræddi síðan um ársskýrslu stjórnar FG. Í
máli hennar kom meðal annars fram að tvö
stöðugildi anna engan veginn þeirri þjón-
ustu og starfsemi sem félagið á lögum sam-
kvæmt að veita. Þetta á einkum við um
álagstíma í kringum samninga en einnig ef
félagið vill bæði veita góða þjónustu á
skrifstofunni og rækta tengsl við kennara í
skólunum. Nefna má að í því skyni hafa
formaður og varaformaður FG heimsótt
kennara í 180 skólum frá því í febrúar árið
2000.
Annasamur tími
Kjaramál voru fyrirferðarmikil í ársskýrslu,
enda nýr kjarasamningur undirritaður 9.
janúar sl. Hann felur í sér miklar breyting-
ar frá fyrri samningum auk þess sem þetta
var í fyrsta sinn sem grunnskólakennarar
og skólastjórar skipuðu tvær aðskildar
nefndir í samningaviðræðum. Mikil vinna
var í kringum kjarasamninginn og þegar
upp var staðið kom hann verulegu róti á
kennara og skólastjóra. Hann felur í sér
kerfisbreytingu sem á að leiða til bættra
kjara og betra skólastarfs, en rífandi gangur
samningaviðræðna skóp miklar væntingar
sem erfitt reyndist að standa undir. Fjölgun
skóladaga, „skólastjóraflokkar“ og lág-
marksundirbúningur fyrir hverja kennslu-
stund mættu mikilli andstöðu. Margir í
hópi tónmenntakennara, sérkennara, kenn-
ara með aldursafslátt, ungra kennara og
list- og verkgreinakennara töldu sig bera
skarðan hlut frá borði. Ekki bætti úr að
biðin meðan verið var að ljúka skólastjóra-
hlutanum gerði að verkum að ekki var unnt
að kynna innihald kjarasamningsins strax í
byrjun árs. Fjöldi kynningarfunda var hald-
inn um land allt og áttu allir félagsmenn
kost á að sækja slíka fundi, enda voru þeir
vel sóttir.
Framkvæmd tókst vel
Þó samningurinn hafi verið umdeildur
tókst framkvæmdin í haust í flesta staði
mjög vel og má þakka hana góðum undir-
búningi skólastjóra, trúnaðarmanna og
kennara. Þegar niðurstaða atkvæðagreiðslu
lá fyrir tók verkefnisstjórn samningsaðila til
starfa. Samin var handbók með verklags-
reglum, spurningum var safnað saman og
svarað og haldin voru námskeið fyrir skóla-
stjóra, trúnaðarmenn og fulltrúa launa-
greiðenda. Fulltrúar Launanefndar sveitar-
félaga útbjuggu reiknilíkanið „Pottorm“
sem er tæki til að hjálpa til við úthlutun úr
pottinum svokallaða og er það í sífelldri
þróun. Þetta starf tókst vonum framar en
engu að síður er mikilvægt að félagið komi
skólunum enn frekar til aðstoðar, meðal
annars vegna starfsmannaviðtala.
Í ársskýrslu er einnig fjallað um drög að
nýrri skólastefnu fyrir grunnskóla. Kristín
Jónsdóttir formaður skólamálanefndar FG
kynnti drögin sem unnin hafa verið í sam-
vinnu við sambærilega nefnd Skólastjórafé-
lags Íslands en stefnan verður hluti af
skólastefnu KÍ eftir að hún hefur verið af-
greidd á aðalfundi félagsins. Í henni er m.a.
fjallað um hlutverk grunnskólans, samstarf
heimila og skóla, þjóðfélag fjölmenningar,
upplýsingatækni, stoðþjónustu, vinnuað-
stæður og velferð nemenda, kennara og
skólastjóra.
Fjármálin voru einnig mikið rædd auk
fyrirkomulags á kjöri fulltrúa á aðalfund
FG og þing KÍ.
Í lokaorðum um starfið á undangengnu
Ársfundur FG
34
Annar ársfundur Félags grunnskóla-
kennara var haldinn í Nesbúð á
Nesjavöllum dagana 2. og 3. nóvem-
ber sl. Umræður um kjaramál settu
eðlilega svip sinn á fundinn sem var
vel sóttur og líflegur.
Félag grunnskólakennara
fundar á Nesjavöllum