Skólavarðan - 01.01.2002, Side 19

Meginverkefnin eru ráðgjöf, mat, fræðsla
og aðstoð við val á tölvubúnaði, forritum
og sérbúnaði. Fræðslufundir og námskeið
eru haldin reglulega og eru vaxandi þáttur í
starfsemi miðstöðvarinnar.
Allir geta leitað til Tölvumiðstöðvar fatl-
aðra óháð fötlun, aldri og búsetu. Á síðasta
starfsári sóttu 363 einstaklingar ráðgjöf og
upplýsingar í smiðju hennar. Þá hafði for-
stöðumaður samvinnu við 39 skóla og
stofnanir. Þeir sem leita eftir ráðgjöf og
fræðslu eru helst fagfólk og foreldrar en
einnig fatlaðir á eigin vegum. Fagfólk sem
leitar til Tölvumiðstöðvar starfar í mis-
munandi kerfum, kennarar í leik-, grunn-
og framhaldsskólum, iðjuþjálfar sem starfa
með börn eða fullorðna og starfsfólk sam-
býla og endurhæfingarstofnana. Þannig
tengist Tölvumiðstöðin nánast öllum þeim
kerfum sem fatlaðir lifa og starfa í.
Starfsemin
Verkefni Tölvumiðstöðvar eru mörg og
hefur farið fjölgandi á undanförnum árum í
takt við aukna tölvunotkun almennt. Þjón-
ustu hennar má skipta í fjóra meginþætti:
1. Ráðgjöf sem felur í sér mat á þörf fyr-
ir tölvubúnað, val á búnaði, prófun og leið-
sögn í notkun búnaðar. Ráðgjöfin er ein-
staklingsmiðuð og unnin í samvinnu við
aðila úr nánasta umhverfi skjólstæðings.
2. Ráðgjöf til hópa, svo sem kennara,
iðjuþjálfa, þroskaþjálfa, foreldra og fatlaðra
einstaklinga, þar sem fram fer kynning á
lausnum og/eða kennsla í að nota búnað og
forrit sem getur hentað tilteknum hópi. Sí-
fellt fleiri hópar telja það eðlilegan þátt í
starfsemi sinni að leita reglulega til Tölvu-
miðstöðvar um ráðgjöf.
3. Námskeið og upplýsingamiðlun.
Tölvumiðstöðin leitast við að fylgjast vel
með nýjungum í tækni, notkun og aðferð-
um. Haldin eru námskeið reglulega þar
sem upplýsingum er miðlað, leiðbeint og
hvatt til notkunar með það að leiðarljósi að
búnaður komi að sem bestum notum.
Fræðslufundir og námskeið eru vaxandi
þáttur í starfsemi miðstöðvarinnar.
4. Tengslahlutverk, samþætting. Tölvu-
væðing og tölvunotkun hafa stóraukist á
undanförnum árum. Samráð og upplýs-
ingastreymi milli aðila verða því sífellt
mikilvægari. Tölvumiðstöðin leggur
áherslu á að aðilar sem tengjast einstökum
málum vinni saman að settu marki og að
aðgerðir séu samræmdar. Hvatning og
leiðsögn varðandi það hvernig búnaður og
forrit nýtast einstaklingi sem best þurfa að
vera í stöðugri þróun.
Námskeið og fræðslufundir
Tölvumiðstöð fatlaðra leggur áherslu á
að kynna þjónustu sína og nýjungar á sviði
tölvu- og tæknibúnaðar sem nýtist fötluð-
um.
Haldin eru námskeið og fræðslufundir
reglulega á vegum miðstöðvarinnar um
tækniúrræði, notkun tækninnar og ýmis
tengd málefni.
Námskeið vorannar 2002 eru nú hafin,
nánari upplýsingar er að finna á heimasíðu
Tölvumiðstöðvar www.tmf.is, einnig er
hægt að fá upplýsingar í síma 562 9494 og
699 6713. Forstöðumaður er Sigrún Jó-
hannsdóttir talmeinafræðingur. Hún hefur
áralanga reynslu af tölvu- og tæknimálum í
þágu fatlaðra.
Ráðgjöf og fræðsla fyr i r fat laða
20
Tölvumiðstöð fatlaðra er í eigu sex
aðildarfélaga fatlaðra en þau eru:
Blindrafélagið, Félag heyrnarlausra,
Landssamtökin Þroskahjálp, Styrktar-
félag lamaðra og fatlaðra, Sjálfsbjörg,
landssamband fatlaðra og Öryrkja-
bandalag Íslands. Félagsmálaráðu-
neytið hefur gert þjónustusamning
við Tölvumiðstöð fatlaðra en fjár-
framlög til hennar hafa aðeins staðið
undir einu stöðugildi sem setur henni
óneitanlega þröngar skorður.
Tölvumiðstöð fatlaðra
Námskeiðið Haukur í horni var haldið í þriðja sinn
skólaárið 2000-2001, vetrarlangt námskeið á veg-
um Endurmenntunarstofnunar Háskóla Íslands
ætlað umsjónarkennurum í framhaldsskólum.
Anna Sjöfn Sigurðardóttir hafði umsjón með nám-
skeiðinu.
Í lok hvers námskeiðs hafa nemendur unnið efni
til útgáfu og hafa þrjú hefti litið dagsins ljós; fyrst
var handbókin gefin út 1999, árið 2000 bættust við
tveir kaflar og síðastliðið vor kom út hefti um for-
eldrasamstarf.
Ólöf S. Björnsdóttir kennari við FB og Sólveig
Friðriksdóttir kennari við VÍ hafa nú ásamt Önnu
Sjöfn sett allt efnið í eina bók og bætt við kafla um
viðtalstækni eftir Guðmund Pál Ásgeirsson.
Ótvíræður fengur er að þessari handbók sem
hefur verið send námsráðgjafa í hverjum skóla til
kynningar. Hægt er að panta ritið á skrifstofu Endurmenntunar í síma 525 4444 eða
með tölvupósti til endurmenntun@hi.is. Handbókin kostar kr. 1.400,- magnafsláttur
er gefinn.
Handbók fyrir umsjónarkennara í framhaldsskólum
Sannarlega haukur í horni
Frétt