Skólavarðan - 01.01.2002, Blaðsíða 21

Hann hefur brennandi áhuga á raftónlist,
kennir á þremur stöðum, er tölvuáhuga-
maður sem heldur úti tveimur öflugum
vefsíðum á veraldarvefnum og þetta er að-
eins brot af öllu því sem hann hefur tekið
sér fyrir hendur og er að bauka þessa dag-
ana. Sólarhringurinn er ekkert lengri hjá
honum en okkur hinum en hann þekkir
ekkert annað en að hafa mörg járn í eldin-
um og kann því vel. Tónlistaráhugamenn
eru eflaust búnir að átta sig á við hvern er
átt, maðurinn er Jón Hrólfur Sigurjónsson.
Við mæltum okkur mót með aðstoð
tölvutækninnar enda kom ekki annað til úr
því hann átti hlut að máli. Og í raun var
það viðeigandi þar sem okkur langaði með-
al annars að forvitnast um hvað hann er að
gera á vefnum.
Hljóðgervlar, sequencerar og
samplerar
Jón Hrólfur hóf tónlistarnám sitt við
Tónskóla Sigursveins en áður en námi þar
lauk hélt hann utan til Bandaríkjanna til
Bloomington þar sem hann stundaði nám
sumarlangt við Indiana University. Síðan
færði hann sig yfir í University of Illinois,
Urbana-Champaign, þar sem hann var við
nám næstu árin.
„Aðstaðan þarna úti var engu lík, þarna
var gífurlega stórt bókasafn, stúdíó með
öllum þeim græjum sem hugsast gat og allt
til alls sem stórir háskólar bjóða upp á.
Þetta var frábær tími og í raun var ég þarna
eins lengi og ég gat,“ segir Jón Hrólfur.
Verunni þar lauk með doktorsprófi í
tónlistarkennslufræðum og leiðin lá heim á
ný. Þegar heim var komið tóku við kennsla
og önnur verkefni tengd tónlist. Í náminu
kynntist Jón Hrólfur notkun tölvu í tónlist-
arnámi, vefnum og öllum þeim möguleik-
um og plássi sem hann býður upp á. Hann
heillaðist af möguleikum þessarar tækni,
ekki bara í samskiptum heldur líka í
kennslu.
„Ekki hefur þótt ástæða til að nota tölvur
eða tölvutækni af neinu tagi í menntun
tónlistarkennara á Íslandi. Verðandi tón-
listarkennarar kynnast því ekki í námi sínu
hvernig má nota í tónlistarkennslu hljóð-
gervla, sequencera, samplera, CD ROM,
kennsluforrit af ýmsu tagi, nettengingu
tölva eða önnur tölvutengd tól og tæki sem
stöðugt verða algengari og ódýrari. Eigin-
leg tölvunotkun í tónlistarkennslu á Íslandi
er því lítil sem engin,“ segir Jón Hrólfur.
Í febrúar árið 1995 skrifaði hann grein-
ina Vefurinn og tónlist á Íslandi. Þar reifaði
hann skoðanir sínar á því hvernig hægt
væri að nýta tæknina betur í tónlistar-
kennslu í landinu. Hann segir meðal annars
í niðurlagi greinarinnar:
„...almenningi hafa verið færðir áður
óþekktir tjáningarmöguleikar. Spáð var að
þetta mundi aftur leiða til róttækra breyt-
inga í tölvusamskiptum almennt, auka
notkun tölva og tölvutækni í tónlistarnámi
og kennslu og bent var á möguleika Íslands
til að verða fyrsta landið sem kynna mætti
ítarlega á veraldarvefnum í tónlistarlegu
tilliti.“
Jón Hrólfur fékk hugmyndina að tónlist-
arsíðu í jólafríinu 1994. Markmið hans var
að safna saman á einum vef vísunum í alla
vefi, sem tengdust á einhvern hátt íslenskri
tónlist eða tónlistarmönnum, og að Ísland
yrði þá um leið fyrsta landið sem kynnti
tónlistarsíðu á netinu yfir allt sem væri að
gerast í tónlist á Íslandi og meira til.
„Þetta var einstakt tækifæri og í raun
mjög einfalt að gera þetta hér. Við erum
það fá og tæknivædd að þetta átti ekki að
verða erfitt, tónlistarsagan er það stutt hér
á landi og tónlistarmenn ekki margir,“ seg-
ir Jón Hrólfur.
400 vefsíður og 3000 vefslóðir
Nú eru tæp sjö ár síðan musik.is var opn-
uð. Jón Hrólfur telur síðuna vera frekar
einfalda, hún sé uppfærð um leið og hann
fær vitneskju um eitthvað nýtt og óvirkar
slóðir teknar út um leið og af þeim fréttist.
Á þessum árum sem liðið hafa frá því að
síðan fór út á netið hefur vefurinn vaxið
hratt. Nú telur hann yfir 400 vefsíður, um
3000 vefslóðir og er nærri tæmandi hvað
varðar íslenska tónlist á vefnum. Auk ís-
lensku síðnanna er listi yfir valdar erlendar
slóðir er geta talist gagnlegar fyrir áhuga-
fólk um tónlist. Verkefnið virðist hafast
heppnast því að eftirspurn eftir síðum af
þessu tagi er mikil.
„Í október á síðastliðnu ári voru sóttar
33.000 síður á slóðina musik.is, en það sem
mér fannst merkilegt og kom mér að óvart
er að um helmingurinn af fyrirspurnunum
kemur frá tölvum utan Íslands. Sú upp-
götvun varð til þess að ég útbjó síður á
ensku. Nú í haust hafa rúmlega 20.000 síð-
ur verið sóttar á mánuði,“ segir Jón Hrólf-
ur og bætir við að það sé lágmarksnotkun
því að síður sem sóttar eru af minni tölvum
sem hafa áður sótt síður koma ekki fram í
þessari tölu.
Á musik.is er hægt að sjá allt það nýjasta
sem er að gerast í tónlist og skoða tímarit
tengd tónlist, tónfræðin fær sína tengingu
svo og tónlistarmenn og hópar sem hafa
vefsíður. Þarna má finna útgefendur, nótur
og bækur, einnig er hægt að sjá á síðunni
hvað sé á döfinni í tónlist. Íslensk tónlistar-
saga, tónlistarskólar, félög og samtök, tól
og tæki, söfn og hvað eina sem tengist tón-
list eru á síðunni.
„Þetta er í raun ekkert svakalega mikið
en tekur tíma að raða því upp, flokka og
uppfæra reglulega. Ég legg mikla vinnu í
þetta og reyni að uppfæra síðuna í það
minnsta þriðja hvern dag þannig að það
sjáist hreyfing á henni.“
Á musik.is er líka haldið úti póstlista þar
sem menn geta sent inn hvað eina sem
tengist tónlist, hvort sem um er að ræða
fréttatilkynningar eða gagnrýni, allt sem
mönnum dettur í hug.
„Nú eru um 160 áskrifendur að þessum
lista, hann er orðinn einn af elstu póstlist-
um og að ég held eini listinn af þessu tagi
sem er í gangi. Hann mætti vera virkari en
það sem þar fer fram fer mjög víða. Listar
Viðta l
22
„Framfarir síðustu ára í tölvutækni
hafa ekki náð að hreyfa við tónlistar-
kennurum á Íslandi að neinu marki.“
Sá sem mælir þessi orð fór seint að
læra til tónlistar. Hann lærði á fiðlu
og gítar, fór utan til lands tækifær-
anna til meira náms, stofnaði þar fjöl-
skyldu og lauk doktorsprófi i tónlist-
arkennslufræðum.
Maðurinn að baki músík punktur is
„Það er fáranlegt hve
íslenskri tónlistarsögu
eru gerð lítil skil í
menntakerfinu. Krakkar
þekkja meira til Mozarts
en íslenskra tónskálda.“
Markmið með músík.is
var að safna saman á
einum vef vísunum í
alla vefi, sem tengdust á
einhvern hátt íslenskri
tónlist eða tónlistar-
mönnum. Ísland yrði þá
um leið fyrsta landið
sem kynnti tónlistarsíðu
á netinu yfir allt sem
væri að gerast í tónlist á
Íslandi.