Skólavarðan - 01.01.2002, Page 23

Kjaramál
24
Vinnutími starfsmanna skal
vera samfelldur
Þessi grein í kjarasamningnum er
sú stysta en jafnframt ein sú mik-
ilvægasta. Með henni er kennur-
um tryggður réttur til að fá skýrt
afmarkað hvenær vinna undir
verkstjórn skólastjóra, þ.e.
kennslan og 9,14 tímarnir, hefst
og þá einnig hvenær henni lýkur.
Þetta þýðir líka að kennari á rétt á
að fá að kenna og skila verk-
stjórnarþættinum í einni samfellu
dag hvern.
Í fyrri kjarasamningum var
ákvæði um greiðslur fyrir eyður í stundaskrá. Það átti að virka
hvetjandi á þann hátt að ódýrara yrði fyrir skólann að hafa
sem fæstar eyður í stundatöflu kennara. Ekki er lengur um að
ræða sérstakar greiðslur fyrir eyður en í staðinn kemur að þær
teljast sjálfkrafa til verkstjórnartíma. Annað sem breyttist
varðandi eyður er að þær myndast nú einnig milli kennslu og
fast bundinnar viðveru, svo sem kennarafunda.
Í nokkrum skólum hafa stjórnendur farið þá leið að skipu-
leggja ekki nema 6-7 klst. af 9,14 og segjast vilja halda eftir
tímum til að geta sett þá að vild á daga eftir þörfum. Þetta
þýðir í raun að þeir komast hjá því að greiða kennurum yfir-
vinnu því að ef ekki er skilgreint hvenær verkstjórnarvaldinu
lýkur er ekki heldur ljóst hvenær yfirvinna hefst. Þetta á ekki
síst við á foreldradögum og undirbúningsdögum á starfstíma
en þá er viðveruskylda kennara einungis það sem
vinnuramminn segir til um auk undirbúningstíma, þ.e. 60 mín.
fyrir hverja kennslustund og verkstjórnartímar þess dags að
auki. Rétt er að ítreka að lágmarks undirbúningstími kennara
og viðbótar undirbúningstíminn úr 9,14 klst. er alltaf utan
vinnuramma nema á undirbúningsdögunum fimm og for-
eldradögum.
Um vinnurammann var fjallað í trúnaðarmannabréfi nr. 9
dags. 10. janúar 2001 og þar sagði meðal annars:
Félag grunnskólakennara ítrekar að verkstjórn skólastjóra er
aukin. Skólastjórar geta ekki sökum vandræða við stunda-
töflugerð sagt kennurum að hagræða vinnu sinni og undir-
búningi til að koma fyrir auknum störfum. Þeir eiga heldur
ekki að segja kennurum „að finna bara einhvern tíma“ fyrir
samstarf og vinnufundi utan vinnurammans án þess að
greiða fyrir yfirvinnu vegna starfanna og vegna eyða sem
kunna að myndast. Hins vegar er heimilt með samkomulagi
við kennara að flytja vinnu sem er innan vinnurammans út
fyrir hann, að öðrum kosti greiðist slík vinna sem yfirvinna.
Hannes Þorsteinsson
launafulltrúi FG
Grunnskóli
Vinnuramminn Grein 2.1.3
Ágætu félagar í SÍ!
Gleðilegt ár og þökk fyrir sam-
starf liðins árs. Um áramót er
venjan að doka við, líta yfir farinn
veg og meta það sem liðið er.
Þegar hugað er að okkar félagi
var liðið ár eftirminnilegt að
ýmsu leyti. Það var í byrjun þess
sem samningar tókust við sveit-
arfélögin og fyrri hluti ársins fór í
undirbúning vegna samninganna
sem tóku gildi 1. ágúst. Margir
nýir þættir komu þar inn sem
höfðu í för með sér aukin umsvif
hjá skólastjórum og væntanlega
hafa fáir eða engir fengið lögboðið sumarfrí! Annar viðburður
hjá skólastjórafélaginu á árinu var námstefnan og aðalfundur-
inn. Á fundinum var eitt aðalmálefnið framkvæmd á nýjum
kjarasamningi og túlkun á einstökum greinum hans. Það er
eðlilegt að ýmis atriði geti orkað tvímælis þegar gerðar eru
gagngerar breytingar á kjarasamningi, eins og var hjá okkur
og FG, en hins vegar er slæmt fyrir allt samstarf innan skóla
ef ekki er hægt að fá skýr svör varðandi málefnin. Því miður
hafa komið upp all mörg mál þar sem túlkun launanefndar
sveitarfélaga og SÍ stangast á og er verið að vinna að lausn
þeirra. Í samningunum lögðum við aðaláherslu á tvö atriði,
hækkun grunnkaups og minni kennsluskyldu. Þau atriði tel ég
að hafi náðst fram. Flestir félagar okkar hækkuðu verulega í
grunnkaupi og kennsluskylda hefur minnkað. Auðvitað er
þetta þó málefni sem verður að bæta enn frekar í næstu kjara-
samningum. Aðrir samningar sem sveitarfélögin höfðu/hafa
gert við sína skólastjóra er svo annað mál og kom hvergi inn í
heildarsamninga. Einungis var bókun um það að sérsamning-
ar sveitarfélaga við skólastjóra og kennara mundu falla úr
gildi 1. ágúst enda eðlilegt þar sem þeir voru margir hverjir
bundnir ákvæðum fyrri samnings. Um það að ekki sé leyfilegt
að gera nýja sérsamninga er hvergi stafur í kjarasamningi
enda einkamál hvers og eins. Allir samningar eru lágmarks-
samningar og svo er vinnuveitendum í sjálfs
vald sett hversu vel þeir gera við starfsmenn sína.
Sú kerfisbreyting sem gerð var með nýjum kjarasamning-
um er ætluð til að efla allt skólastarf, auka sveigjanleika og
sjálfstæði hvers skóla, og ég vona svo sannarlega að sú ætlun
nái fram að ganga þrátt fyrir einhverja hnökra í byrjun.
Til þess að auka upplýsingaflæði milli allra innan SÍ stefn-
um við að því að setja stutta pistla á heimasíðu okkar u.þ.b.
hálfsmánaðarlega og svo hvet ég félagsmenn til að hafa sam-
band við okkur í stjórn og starfsmann á skrifstofu svo að við
fáum að heyra álit ykkar á hinum ýmsu málum.
Stöndum vörð um hagsmuni okkar um leið og við leggjum
okkur fram um að gera gott skólastarf enn betra. Lifið heil!
Hanna Hjartardóttir
formaður SÍ
Grunnskóli
Í tilefni liðins árs