Skólavarðan - 01.01.2002, Page 25

Kjaramál
26
Með bréfi í júní 2001 fram-
seldi fjármálaráðherra skól-
unum sjálfum umboð til
framkvæmdar kjarasamn-
inga í framhaldsskólum. Með
þessu færast framhaldsskól-
ar nær fyrirkomulagi hjá öðr-
um stofnunum ríkisins og
þurfa að feta fyrstu skrefin
inn á braut dreifstýrðrar
samningagerðar um störf og
kjör kennara, námsráðgjafa
og skólastjórnenda annarra
en skólameistara.
Hlutverk samstarfsnefnda er skil-
greint í gildandi kjarasamningi en þar
segir m.a. að þær hafi það hlutverk að
fjalla um forsendur starfaflokkunar og
röðunar starfa í launaflokka og koma á
sáttum í ágreiningsmálum sem rísa
kunna út af samningi þessum.
Í samstarfsnefndum eiga sæti tveir
fulltrúar frá hvorum samningsaðila eða
með öðrum orðum tveir fulltrúar kenn-
ara sem sitja í umboði stéttarfélagsins
og tveir fulltrúar skólameistara sem
sitja í umboði ríkisins eða fjármálaráð-
herra. Í kjarasamningnum er skýrt kveð-
ið á um fyrirkomulag nefndastarfsins og
skyldur aðila sem hafa í raun tekið á sig
allar sömu skyldur og áður voru ræktar
í einni miðlægri samstarfsnefnd stéttar-
félagsins og fjármálaráðuneytis.
Þetta er eitthvert stærsta viðfangsefni
í félags- og kjaramálum sem Félag
framhaldsskólakennara hefur tekist á
hendur til þessa og skiptir miklu hvern-
ig til tekst. Stjórnendur framhaldsskóla
jafnt sem kennarar fá þarna hlutverk
brautryðjenda og jafnframt nýjar starfs-
skyldur.
Samstarfsnefnd KÍ og fjármálaráðu-
neytis enn að störfum
Samstarfsnefnd KÍ og fjármálaráðu-
neytis, sem hefur í áraraðir túlkað kjara-
samninga framhaldsskólans og eftir at-
vikum gert samkomulag um nauðsynleg mál á hverjum tíma,
er enn að störfum skv. sérstakri ákvörðun samningsaðila sem
er svohljóðandi:
Til að tryggja umræðuvettvang fyrir þau álitamál sem upp
kunna að koma við innleiðingu nýs launakerfis, eða annarra
atriða, mun núverandi samstarfsnefnd starfa áfram þar til að-
ilar meta það svo að þess sé ekki sérstök þörf.
Sérstaklega skal þó undirstrikað að gamla samstarfsnefndin
er ekki yfirnefnd, sem samstarfsnefndir í einstökum fram-
haldsskólum geta skotið málum til, en borið hefur á misskiln-
ingi um það. Nefndin hefur þó haft ærinn starfa á fyrsta ári
nýs kjarasamnings, m.a. vegna miklu fleiri vandamála er
tengjast grunnröðun en samningsaðila óraði fyrir en einnig
vegna framkvæmdar ýmissa annarra ákvæða kjarasamnings-
ins, svo sem um sölu á hluta af kennsluskylduafslætti sl. sum-
ar og um kjarasamninga vegna sérkennslu í framhaldsskólum.
Varðandi spurningar er upp kunna að koma vegna starfa í
samstarfsnefndum einstakra framhaldsskóla, til dæmis um
vinnubrögð, skyldur og viðfangsefni sem liggja fyrir eða
þvíumlíkt, er mikilvægt að fulltrúar félagsmanna KÍ leiti til
Félags framhaldsskólakennara og Félags stjórnenda í fram-
haldsskólum um aðstoð og ráðgjöf sem veitt er í umboði
Kennarasambandsins en fulltrúar skólanna til fjármálaráðu-
neytis sem er hinn samningsaðilinn.
Viðfangsefni samstarfsnefnda vegna
kjarasamnings frá 7. janúar 2001
Kjarasamningur framhaldsskólans inni-
heldur nú í fyrsta skipti ákvæði sem út-
færa skal og semja um í einstökum fram-
haldsskólum. Vettvangur þeirrar samn-
ingagerðar er samstarfsnefndirnar sem
nú hafa hafið störf í flestum eða öllum
framhaldsskólum.
Samstarfsnefndirnar eru því annars
vegar fastur vettvangur í hverjum fram-
haldsskóla sem tekur til dæmis á ágrein-
ingi um eða túlkun á kjarasamningi, ým-
ist að eigin frumkvæði eða vegna erinda
sem berast nefndinni í hverjum skóla, en
hins vegar eru þær vettvangur til að fjalla
um og gera samkomulag um störf, starfs-
kjör og launakjör sem tengjast beinlínis
markmiðum og einstökum greinum nýs
kjarasamnings og breytingum á samspili
kjarasamnings og reglugerða sem áttu
sér stað sem hluti af kjarasamningsgerð
framhaldsskólans kringum áramótin
2001.
Í inngangskafla kjarasamnings fram-
haldsskólans eru samningsaðilar m.a.
sammála um að endurskoða skipan starfa
og stjórnkerfi framhaldsskóla og að en-
durskilgreina störf kennara og stjórnenda
og er yfirlýstur tilgangur þessara aðgerða
og fleiri nýmæla sá að laga starfsemi
skólanna að nýju starfsumhverfi sem
grundvallast á lögum, reglugerðum, nýrri aðalnámskrá og
nýjum kjarasamningi.
Samhliða kjarasamningsgerðinni voru gefnar út nýjar reglu-
gerðir, m.a. um störf kennara og faglegra stjórnenda og um
ýmsa starfsþætti sem tilheyra innra starfi skóla og geta verið
breytilegir.
Í kjarasamningnum sjálfum er að finna ákvæði sem eru
sniðin að þessum nýmælum um að flytja hluta af ákvarðana-
töku um störf og kjör út í skólana. Kjarasamningsgreinarnar
sem í daglegu tali ganga undir heitinu ,,stofnanahluti kjara-
Framhaldsskóli
Samstarfsnefndir um framkvæmd kjarasamninga
í öllum framhaldsskólum
Varðandi spurningar er
upp kunna að koma
vegna starfa í sam-
starfsnefndum einstakra
framhaldsskóla, til
dæmis um vinnubrögð,
skyldur og viðfangsefni
sem liggja fyrir eða
þvíumlíkt, er mikilvægt
að fulltrúar félags-
manna KÍ leiti til Félags
framhaldsskólakennara
og Félags stjórnenda í
framhaldsskólum um
aðstoð og ráðgjöf sem
veitt er í umboði Kenn-
arasambandsins en full-
trúar skólanna til fjár-
málaráðuneytis sem er
hinn samningsaðilinn.