Skólavarðan - 01.01.2002, Page 26

samnings framhaldsskóla“ fjalla um tvö svið. Annars vegar
ráðningu kennara til að gegna störfum öðrum en kennslu, svo
sem faglegri stjórnun ýmiss konar og innra starfi sem varðar
ýmsa þjónustu og aðstoð við nemendur, skólaþróun o.fl. en
um störfin er vísað beint í nýja reglugerð um starfslið fram-
haldsskóla sem að ofan er getið. Hins vegar er svo fjallað um
forsendur fyrir launaröðun félagsmanna KÍ í framhaldsskólum
umfram miðlæga grunnröðun samkvæmt kjarasamningi aðila.
Misvel miðar í starfi samstarfsnefnda
Óhætt er að segja að framhaldsskólum gangi misvel að fóta
sig við nýjar aðstæður. Í nokkrum skólum voru samstarfs-
nefndir stofnaðar strax á útmánuðum 2001 og gengið frá
samkomulagi til lengri og skemmri tíma á nokkrum stöðum,
einkum í stærri skólum, og er þar yfirleitt fyrst og fremst fjallað
um nýja uppröðun eða flokkun og skilgreiningu starfa og
starfskjör vegna þeirra, bæði vinnutíma, launaröðun umfram
grunnröðun og ráðningartíma. Í fáeinum skólum er grein um
kennslu og kennslutengd störf komin til framkvæmda en hún
fjallar um einstaklingsbundnar forsendur fyrir launaröðun
kennara umfram grunnröðun.
Miklu skiptir að stjórnendur framhaldsskóla sýni framsýni og
kjark og knýi á um auknar fjárveitingar umfram það sem kenn-
urum tókst með samstilltu átaki að veita til framhaldsskólans
beint í gegnum ákvæði kjarasamningsins. Miklu skiptir einnig
að kennarar í samstarfsnefndum vinni fagmannlega að því að
semja um vinnutíma og launakjör fyrir þau sérhæfðu verkefni
sem kjarasamningurinn og ný reglugerð um starfslið fram-
haldsskóla skilgreina auk þess að ýta úr vör framkvæmd á
kjarasamningsákvæðum um mat á kennslu og kennslutengd-
um þáttum eða einstaklingsmati til viðbótarlaunaröðunar um-
fram grunnröðun samkvæmt kjarasamningi.
Elna Katrín Jónsdóttir
Formaður FF
Kjaramál
27
Símenntunarstofnun Kennaraháskóla Íslands hefur ákveðið að
sækja að þessu sinni ekki um styrki til endurmenntunarsjóðs
menntamálaráðuneytis til að halda einstök námskeið heldur
leitast við að verða við óskum skóla- og fræðsluskrifstofa um
kennslu og leiðsögn á þeim námskeiðum sem þar eru ákveðin.
Þetta kemur fram í bréfi sem Ólafur H. Jóhannsson for-
stöðumaður Símenntunarstofnunar KHÍ hefur ritað fræðslu-
og skólaskrifstofum og skólastjórum grunnskóla.
Í bréfinu er vakin athygli á því að Símenntunarstofnun KHÍ
bjóði fram fjölbreytta fræðslu og ráðgjöf fyrir starfsfólk grunn-
skóla. Þróunin undanfarin ár hafi orðið sú að símenntun færist
í auknum mæli til skólanna sjálfra og fari fram á starfstíma
skóla. Af þessum ástæðum hafi verið tekin ákvörðun um að
sækja að þessu sinni ekki um styrk úr endurmenntunarsjóði
menntamálaráðuneytis til að halda sérstök námskeið.
Einnig er bent á að erfitt sé að velja úr tiltekin námskeið
sem Símenntunarstofnun fengi styrki til að bjóða fram á nið-
urgreiddu verði eða þátttakendum að kostnaðarlausu en önn-
ur væru seld á kostnaðarverði. Tekið er fram að umrædd til-
högun hafi verið kynnt á fundi samráðsnefndar Kennarasam-
bandsins, Sambands íslenskra sveitarfélaga og menntamála-
ráðuneytis. Upplýsingar um þjónustu sem í boði er á vegum
Kennaraháskólans er að finna á vefsíðu Símenntunarstofnun-
ar: http://simennt.khi.is/
Símenntunarstofnun KHÍ stendur ekki fyrir
einstökum námskeiðum
Bókaflokkurinn Tölur - magn - verðmæti er
ætlaður nemendum í framhaldsskólum og
fullorðinsfræðslu sem ráða ekki við flókna
stærðfræði og fólki með stærðfræðiörðug-
leika (dyscalculia). Námsefnið miðar að því
að kenna nemendum að beita undirstöðuat-
riðum reikningsaðgerða. Menntamálaráðu-
neytið veitti styrk til gerðar námsefnisins.
Útgefandi er Klingenbergs-útgáfan en á
vegum hennar hefur einnig verið gefið út
kennsluspil sem leggur áherslu á þjálfun í
meðferð peninga á aðgengilegan hátt og er
það ætlað sama aldurshópi og námsefnið
Tölur - magn - verðmæti. Kennslupeningar
sem Námsgagnastofnun gefur út eru notað-
ir við úrlausn verkefnanna.
Höfundur er Helgi Jósefsson sérkennari og aðstoðarskólastjórnandi Full-
orðinsfræðslu fatlaðra á Norðurlandi. Hann selur sjálfur kennslugögnin,
símar eru 462 5456 og 862 4433, netfang helgijo@ismennt.is
Námsgögn
Tölur - magn - verðmæti
Frétt i r
Í 9. tbl. Skólavörðunnar 2001 birtist viðtal við
Þorgerði Sveinsdóttur sem átti sjötíu ára út-
skriftarafmæli sem kennari sl. vor. Þau mis-
tök urðu að ábendingar Þorgerðar við yfir-
lestur viðtalsins komust ekki til skila. Í viðtal-
inu kemur fram að Þorgerður sé ein á lífi af
nítján útskriftarnemendum en eins og hún
benti á í yfirlestri er þetta ekki rétt. Skóla-
varðan biður alla hlutaðeigandi innilega af-
sökunar á þessum mistökum.
Leiðrétting
Þing KÍ verður haldið dagana 8.-9. mars í
Rúgbrauðsgerðinni, Borgartúni 6, í Reykja-
vík. Yfirskrift þingsins er Kennsla - aðlaðandi
ævistarf. Aðalfundir FG, FF og FL verða
haldnir á undan þinginu. Undirbúningur fyrir
þing og aðalfundi er í fullum gangi og
félagsmenn eru minntir á heimasíðu KÍ en
þar er að finna nýjustu fréttir hverju sinni.
Þing KÍ