Skólavarðan - 01.01.2002, Blaðsíða 28

Styrkir til rannsókna og þróunarverkefna
Endurmenntunarsjóður Kennarasambands Íslands, G-deild,
auglýsir styrki til félagsmanna sem vinna að rannsóknum og
þróunarverkefnum í grunnskólum skólaárið 2002-2003.
Vakin er athygli á því að allir styrkir eru einstaklingsstyrkir til
kennara eða kennarahópa.
Styrkir til þróunar og nýbreytni í kennslu og skipulags skóla-
starfs verða settir í forgang að þessu sinni. Einnig verða veittir
styrkir til þeirra sem eru að vinna að rannsókn á lokastigi fram-
haldsnáms.
Umsóknareyðublöð fást á skrifstofu Kennarasambandsins og
vefsíðu félagsins www.ki.is
Umsóknir sendist til Endurmenntunarsjóðs KÍ, G-deild, Laufás-
vegi 81, 101 Reykjavík, í síðasta lagi 1. mars 2002.
Endurmenntunarsjóður Kennarasambands Íslands, G-deild
Sókrates/Comeníusarstyrkir
Umsóknarfrestur er til 1. mars 2002
Hugmyndaflug og áhugi á skólastarfi
Sókrates, menntaáætlun ESB, styrkir kennara og menntastofn-
anir á flestum sviðum skólastarfs. Veittir eru endurmenntunar-
styrkir til kennara á leik-, grunn- og framhaldsskólastigi og
einnig eru skólar styrktir til þátttöku í samstarfsverkefnum.
Verkefnin skiptast í þrjá flokka: skólaverkefni, tungumálaverk-
efni og skólaþróunarverkefni. Dæmi um þema getur verið um-
hverfi, menning, landafræði, jarðfræði, matarvenjur og fleira.
Verkefnin takmarkast í raun af hugmyndaflugi þátttakenda og
því hvernig hægt er að tengja þau skólastarfi með skemmtileg-
um hætti.
Evrópskt samstarf í sókn
Ríflega eitt hundrað leik-, grunn- og framhaldsskólar hafa
fengið Comeníusarstyrki á liðnum sex árum. Verkefnin geta
staðið yfir í allt að þrjú ár og byggjast í öllum tilfellum á sam-
starfi skóla í að minnsta kosti þremur löndum. Auk verkefna-
styrks er ferðastyrkur til handa kennara.
Þátttaka í Comeníusarverkefnum hefur gefið mjög góða raun
og aukið víðsýni bæði kennara og nemenda. Með verkefnun-
um er komið á tengslum við erlenda starfsfélaga þar sem
reynslu og aðferðum er miðlað.
Á heimasíðu landsskrifstofu Sókratesar er að finna yfirlit yfir
skóla sem tekið hafa þátt í Comeníusi,
http://www.ask.hi.is/comenius/comskolar.html.
Nýjungar styrktar
Styrkir eru veittir til að koma á endurmenntunarnámskeiðum
fyrir kennara og einnig til að þróa námsgögn. Um er að ræða
samstarf að minnsta kosti þriggja stofnana í þremur löndum
Evrópu. Upphæð styrkja getur numið allt að tíu milljónum
íslenskra króna.
Lifandi tungumálakennsla
Evrópskir verðandi tungumálakennarar fá styrki frá heimalandi
sínu til að aðstoða við tungumálakennslu í þrjá til átta mánuði.
Árlega eru um fimmtán erlendir aðstoðarkennarar við störf
hérlendis.
Umsóknarfrestur rennur út 1.mars nk. Umsóknareyðublöð er
að finna á slóðinni: www.ask.hi.is
Nánari upplýsingar og aðstoð við umsóknir veita Ragnhildur
Zoëga rz@hi.is og Katrín Einarsdóttir katei@hi.is á
Landsskrifstofu Sókratesar/Alþjóðaskrifstofu háskólastigsins,
Neshaga 16, 107 Reykjavík, sími 525 5813/525 5853, fax 525
5850
Húsnæði / bíll í Danmörku
Tíu til fjórtán manna danskur ferðahópur býður þrjár íbúðir og
þrjá bíla til afnota í Danmörku sumarið 2002 gegn því sama
hér. Þetta er vinahópur fólks á aldrinum 50-70 ára og ætla
þau að skipta sér niður í þrjá minni hópa og ferðast þannig
um Ísland. Þau útvega húsnæði í Hilleröd en þangað er um
hálftíma akstur í bíl frá Kaupmannahöfn. Þau óska eftir hús-
næði á Snæfellsnesi (t.d. í Stykkishólmi), fyrir norðan (t.d. á
Akureyri) og að lokum nálægt Reykjavík, fyrir austan fjall
(t.d. á Selfossi) á tímabilinu frá u.þ.b. 27. júní til 12. júlí.
Hugmynd þeirra er að ferðast á milli allra þessara staða og
að lokum vilja þau enda ferðina í Reykjavík síðustu nóttina.
Ef þú hefur áhuga á að dvelja ódýrt í Danmörku í sumar í
tvær vikur og getur boðið vistaskipti hafðu þá endilega sam-
band sem allra fyrst.
Nánari upplýsingar færðu hjá Mörtu Eiríksdóttur í gsm 848-
5366 eða sendu bréf á netinu í marta@fss.is
Námstefna um myndlistarkennslu
Tungumál ljósmyndarinnar
Ljósmyndin sem listform
Námstefna um myndlistarkennslu verður haldin 24. til 29. júní
nk. á Hótel Eddu, Skógum. Þema er tungumál ljósmyndarinnar
í samtíma. Fjallað verður um tengsl hugsunar og sjónskyns og
um ljósmyndun sem miðil í listsköpun. Þrír heimskunnir
myndlistarmenn og fræðimenn halda fyrirlestra og stýra rann-
sóknarvinnu ásamt Ólafi Gíslasyni listgagnrýnanda og kenn-
ara: Liborio Termine prófessor í kvikmyndasögu og kvik-
myndagagnrýni við háskólann í Torino, Victor Burgin prófess-
or í sögu vitundar við Kaliforníuháskóla, en hann er auk þess
virtur ljósmyndari og myndlistarmaður, og loks Sigurður Guð-
mundsson sem vart þarf að kynna en ljósmyndaverk hans frá
áttunda áratugnum eru víðfræg.
Dagskrá skiptist í fyrirlestra, verklegar æfingar um tungumál
ljósmyndarinnar, fræðilegar rannsóknir og vettvangsferðir.
Umsóknarfrestur er til 1. mars og þátttökugjald er kr. 49.000.
Þátttöku skal tilkynna Sigríði Sigurðardóttur sisig@ismennt.is
eða Móeiði Gunnlaugsdóttur moa@valo.is
Umsóknir í Sjúkrasjóð Kennarasambands
Íslands
Úthlutun úr Sjúkrasjóði Kennarasambands Íslands hófst
1. nóvember 2001. Þetta fyrsta starfsár sjóðsins bárust 159
umsóknir og voru 128 samþykktar til greiðslu.
20 umsóknum hefur sjóðsstjórnin hafnað þar eð þær sam-
rýmdust ekki úthlutunarreglum en 11 umsóknir eru óafgreidd-
ar vegna skorts á upplýsingum.
Nokkuð hefur borið á ófullnægjandi umsóknum þar sem um-
beðnar upplýsingar vantar og má nefna frumrit kvittana, tilvís-
un/vottorð frá lækni og staðfestingu yfirmanns á meðalstarfs-
hlutfalli síðustu 12 mánaða sem skrá verður á allar umsóknir.
Síðasta launaseðils er aðeins krafist þegar sótt er um sjúkra-
dagpeninga.
Rétt útfyllt eyðublað með tilskildum gögnum flýtir fyrir af-
greiðslu á umsókninni, því er mikilvægt að kynna sér umsókn-
areyðublaðið vel áður en það er fyllt út.
F.h. Sjúkrasjóðs Kennarasambands Íslands,
Sigríður Steinbjörnsdóttir formaður
Sænska rívíeran
Magnús Guðmundsson vill skipta á íbúð og bíl í sumar. Hann
býr í Kalmar í Svíþjóð, einum sólríkasta stað landsins. Íbúðin
er nálægt brúnni út í eyjuna Öland, í rólegu hverfi. Magnús er
bindindismaður, rólegur og reykir ekki og vill einungis íbúða-
skipti við rólynt reglufólk. Hann telur að íbúðin henti ekki fjöl-
skyldufólki. Hún er 60 fm, með sjónvarpi og öllum þægindum,
bíllinn er nokkuð við aldur eins og eigandinn en verulega góð-
ur. Magnús kysi helst að íbúðin væri í Reykjavík eða nágrenni.
Sími: (00 46) 480 420004.
Smáauglýs ingar og t i lkynningar
29