Skólavarðan - 01.05.2003, Page 2

Þá er lokið spennandi kosningahelgi og ljóst að stjórnarflokk-
arnir héldu meirihlutafylgi þannig að líklegt er að þeir starfi
saman næsta kjörtímabil. Hvað ætli það muni hafa í för með sér
fyrir kennarastéttina? Er einhverra breytinga að vænta? Hvað
með kosningaloforðin? Verður staðið við þau, eða verða komn-
ar aðrar forsendur þegar líða tekur á júní og ytri aðstæður
orðnar svo óhagstæðar að ekkert svigrúm verður til skatta-
lækkana? Verður stöðugleikanum ógnað og verðbólgugrýlan
komin á kreik? Hvað með svigrúm til kjarabóta fyrir launþega
landsins?
Öll félög Kennarasambandsins verða með lausa samninga á
næsta ári og eru félögin þegar byrjuð að undirbúa næstu samn-
ingagerð en komin misjafnlega langt á veg í þeirri vinnu. Félag
grunnskólakennara, Skólastjórafélag Íslands og Félag fram-
haldsskólakennara munu ríða á vaðið og ekki ósennilegt að
samningar þeirra muni að nokkru leggja línurnar fyrir fram-
vindu kjarasamninga hinna félaganna. Innan kjararáðs Kenn-
arasambandsins hefur þessi staða verið rædd, m.a. með tilliti til
þess hvort félögin sameinist um einhverja meginþætti í kröfu-
gerð sinni. Hvað sem verður er ljóst að haustið komandi og
árið 2004 verður tími kjarabaráttu og engin teikn á lofti um að
það verði auðvelt viðfangsefni, hvort sem viðsemjandinn er rík-
ið eða sveitarfélögin.
Þótt kjaramálin séu ávallt fyrirferðarmikil er ekki síður
ástæða til að huga að öðrum þáttum, sérstaklega starfsumhverf-
inu. Álag, auknar kröfur og tímaskortur verða þess valdandi að
kennarar flosna upp frá starfi og leita á önnur mið. Við þessu
þarf að bregðast fyrr en seinna og leitast við að skapa kennur-
um viðunandi starfsaðstæður. Einn liður í því gæti verið að
skólarnir settu sér starfsmannastefnu sem fæli í sér ákveðin og
tilgreind viðbrögð við þeim málum sem upp kunna að koma.
Þá þarf kennurum að standa til boða ráðgjöf og handleiðsla því
sálræn og félagsleg áhætta í kennarastarfinu hefur vaxið hratt
undanfarin ár samfara breytingum á þjóðfélaginu og starfi
kennara. Nýir áhættuþættir krefjast aðgerða svo sem um vellíð-
an í starfi og vinnuumhverfið í víðasta skilningi, þar með talin
félagsleg samskipti. Forsenda árangursríks skólastarfs er vellíð-
an kennara og nemenda og launagreiðendum er mikill akkur í
að stuðla að slíku. Bætt vinnuumhverfi og vellíðan á vinnustað
mun örugglega fækka veikindadögum starfsmanna til muna.
Innan Félags grunnskólakennara hafa þessi mál verið á döf-
inni um nokkurn tíma og í athugun hvort hægt verði að ríða á
vaðið á næsta skólaári þó í smáum stíl verði. Hvað sem öðru
líður er nú komið að lokum þessa skólaárs og vonandi göngum
við öll inn í sumarið með bros á vör og sól í hjarta.
Finnbogi Sigurðsson
Formannspist i l l
3
Undirbúningur
kjarasamninga hafinn