Skólavarðan - 01.05.2003, Side 15

framt þarf hann að skila verkefnum af ýmsu
tagi á tilsettum tíma.
Til að gefa skýrari mynd af framkvæmd IB
stúdentsprófa tek ég sem dæmi námsmat í
íslensku:
Nemendur skrifa eina eða tvær 1500 orða
ritgerðir sem byggja á heimsbókmenntum.
Þessar ritgerðir eru sendar til prófdómara
erlendis, sem gefur þeim einkunn á skalan-
um 1-20, en þær gilda 20% af lokaeinkunn.
Síðan sendir prófdómarinn úrtak af þessum
ritgerðum til yfirprófdómara, sem samræm-
ir fyrirgjöf þess fyrrnefnda og annarra er
dæma samskonar verkefni. Að lokum fara
allar ritgerðirnar til Cardiff þar sem loka-
niðurstaða er fengin (af hópi yfirdómara í
fjölmennum greinum). Nemendur taka
munnlegt próf úr hluta námsefnisins sem er
hljóðritað. Kennarinn gefur nemendum ein-
kunn fyrir prófið og aðra munnlega frammi-
stöðu þeirra á bilinu 1-30. Þessar einkunnir
eru síðan sendar til Cardiff en þar er ákveð-
ið hvaða fimm úrlausna úrtak eigi að senda
til prófdómara erlendis (sem getur verið
hvar sem er, þess vegna í Ástralíu). Hann
metur síðan fyrirgjöf kennarans og hliðrar
öllum einkunnunum í samræmi við niður-
stöðu sína. Eru þá komin 50% af heildarein-
kunn. Um vorið tekur nemandinn tvo próf-
þætti á mismunandi dögum sem hvor um
sig gildir 25%. Fyrra verkefnið er bók-
menntarýni á ólesnum texta en seinna verk-
efnið ritgerð sem byggir á lesnum íslenskum
ritverkum. Prófin eru haldin á sama tíma
um allan heim og til að fyrirbyggja misferli
má kennarinn ekki vera viðstaddur prófið né
berja verkefnið augum fyrr en sólarhring
síðar. Prófverkefnin eru sett í lokuð umslög
og send samstundis til þess prófdómara sem
orðið hefur fyrir valinu. Eftir lestur prófsins
er kennaranum ætlað að miðla yfirprófdóm-
ara í Cardiff skoðun sinni á þyngd og sann-
girni prófþáttanna með samanburði við fyrri
próf. Þetta mat, sem og álit hinna ýmsu
prófdómara, er skimað áður en kemur að
lokafyrirgjöf á fundi í prófamiðstöðinni.
IB stúdentspróf eru haldin í maí og lýk-
ur þeim 23.maí í ár en nemendur fá ekki
niðurstöðuna fyrr en viku af júlí.
IB námið í MH
Kennsla á IB braut skólans fer fram á
ensku. Nemendur þurfa því að vera í stakk
búnir til að fást við krefjandi verkefni á því
máli. Þeir hafa gjarnan brennandi áhuga á
bóknámi og til að ná góðum árangri þurfa
þeir að hafa tileinkað sér öguð vinnubrögð.
Nemendur sem koma beint úr grunnskóla
byrja á undirbúningsári á ensku, en þurfa
síðan að velja þær sex greinar sem þeir ætla
að stunda í tvö ár til IB prófs. Þar sem
þetta er eina brautin í framhaldsskólum
hérlendis sem býður upp á fullt nám á
ensku en sem jafnframt er hægt að ljúka
skemur en á fjórum árum þjónar brautin
aðallega þremur hópum. Í fyrsta lagi af-
burðanemendum, í öðru lagi nemendum af
íslensku bergi sem hafa verið í ferðalögum
og í þriðja lagi nýbúum sem hafa nægt vald
á ensku til að nýta sér námið.
Námsgengi nemenda fer mikið eftir því
hversu gott vald þeir hafa á ensku, jafnt tal-
máli og hlustun sem lestri og ritun og jafn-
ramt því hversu mikið þeir helga sig nám-
inu. Nokkuð er um að nemendur hverfi frá
IB námi eftir undirbúningsárið en þeir fá
árangur sinn þar eftir atvikum metinn til
náms til venjulegs stúdentsprófs. Einnig er
nokkuð um að nemendur falli á IB stúd-
entsprófum en þeir hafa rétt til að endur-
taka prófin tvisvar. Nemendur þurfa auk
venjulegra skólagjalda að greiða prófagjöld
og nema þau nú samtals 80.000 krónum
fyrir 4 annir. Þannig verður ekki sagt að
allir nemendur hafi jafnan aðgang að IB
námi óháð efnahag.
Jón Hannesson
Höfundur er stallari IB náms í
Menntaskólanum við Hamrahlíð.
Samræmd stúdentspróf
16
„Námsgengi nemenda fer mikið eftir því hversu gott vald þeir hafa á ensku,“ segir Jón Hannesson,
„jafnt talmáli og hlustun sem lestri og ritun og jafnramt því hversu mikið þeir helga sig náminu.“