Skólavarðan - 01.05.2003, Blaðsíða 24

Kjaramál
26
Borið hefur á misskilningi á túlkun
greinar 4.1.2. í kjarasamningi um
hvenær orlof leikskólakennara lengist.
Samkvæmt kjarasamningi fær leik-
skólakennari viðbótarorlof sem nemur
24 vinnuskyldustundum á því ári sem
hann verður 30 ára og aðrar 24 vinnu-
skyldustundir á því ári sem hann verð-
ur 40 ára.
Þetta þýðir að allir sem fæddir eru
1973 fá viðbótarorlof (lengist úr 24
dögum í 27 miðað við fullt ársstarf) á
þessu ári og að sama skapi fá þeir sem fæddir eru 1963 seinni
viðbótina (lengist úr 27 dögum í 30 daga miðað við fullt árs-
starf).
Orlofsuppbót leikskólakennara 2003 er kr. 10.000 og miðast
við fullt starf sl. orlofsár sem er frá 1. maí til 30. apríl. Orlofs-
uppbót skal greiða 1. júní.
Aðstoðarleikskólakennarar
Bráðabirgðasamkomulag var gert við Launanefnd sveitar-
félaga um starfsheitið leikskólaþjálfi, starfslýsingu, röðun/kjör
og félagsaðild. Nokkru síðar barst bréf frá Þroskaþjálfafélagi Ís-
lands og Iðjuþjálfafélagi Íslands þar sem notkun þessa starfs-
heitis var mótmælt með þeim rökum fyrst og fremst að enginn
beri starfsheitið „þjálfi“ nema hafa að lágmarki 90 eininga há-
skólanám að baki. Í samráði við fulltrúa þessa hóps ákvað
stjórn FL að leita samþykkis Launanefndar við því að taka upp
starfsheitið aðstoðarleikskólakennari í stað leikskólaþjálfa og
var það samþykkt á fundi samstarfsnefndar 31. mars sl. Um
leið var gengið frá röðun fyrir þennan hóp. Því miður féllust
fulltrúar Launanefndar ekki á kröfu FL um röðun í launaflokk 94
og gildir því bráðabirgðasamkomulagið um röðun frá því í
haust. Það kveður á um röðun í launaflokki 93. Fulltrúar FL létu
bóka óánægju sína vegna þessa.
Björg Bjarnadóttir formaður Félags leikskólakennara
Leikskóli
Hvenær fjölgar orlofsdögum?
var haldinn miðvikudaginn 9. apríl í Seljaskóla. Fund-
arstjóri var Friðborg Jónsdóttir Seljaskóla. Hún byrj-
aði á því að bjóða fólk velkomið og gaf svo Rúnu
Berg Petersen Seljaskóla orðið.
Rúna fjallaði um kjarasamninginn út frá sjónarhorni ungra
kennara. Helstu atriði sem hún tók fyrir voru eftirfarandi.
• Mikill launamunur er á fólki sem vinnur sömu vinnu.
• Maður öðlast bara reynslu fyrstu fjögur árin samkvæmt
kjarasamningnum en síðan ekki meir. Eini flokkurinn fyrir
reynslu í starfi er eftir fjögur ár, aðrir flokkar eru aldurstengdir.
Ef tveir kennarar útskrifast á sama tíma úr KHÍ, annar 25 ára og
hinn 40 ára, þá munar mjög miklu í launum á þeim þegar þeir
byrja að kenna. Það borgar sig í raun ekki að fara að kenna fyrr
en maður er orðinn fertugur. Þetta er ekki til þess að laða unga
kennara að störfum.
• Það er of langt í fyrsta endurmenntunarflokkinn sem maður
fær ekki fyrr en maður er orðinn 35 ára. Kennari sem útskrifast
24 ára og fer strax að kenna og tekur fullan þátt í endurmennt-
unaráætlun skólans fær ekki flokk fyrir það fyrr en eftir 11 ár.
Að loknu erindi Rúnu spunnust miklar umræður um kjaramál
kennara og voru menn almennt sammála því að ungir kennarar
þyrftu að koma sinni rödd að bæði í Kennarafélagi Reykjavíkur
og Kennarasambandinu. Jón Pétur Zimsen kennari í Réttar-
holtsskóla nefndi mörg atriði sem hann er ósáttur við í kjara-
samningi kennara. Einnig kom fram það sjónarmið að stofnun
hreyfingar ungra kennara gæti haft neikvæð áhrif á samstöðu
kennara almennt og að eldri kennarar yrðu neikvæðir gagnvart
þessu. Mikilvægt að kynna þetta þannig að allir séu sáttir.
Eftir fjörugar umræður um kjaramál gaf fundarstjóri Jóhann-
esi Þór Skúlasyni Seljaskóla orðið. Jóhannes fjallaði um félags-
leg markmið með stofnun hreyfingar ungra kennara. Þau eru:
• Að ungir kennarar hafi vettvang til að hittast og ræða sam-
an um hluti sem upp geta komið þegar kennarar eru á fyrstu
árum í kennslu. Það getur skipt sköpum að hafa einhvern sem
hefur upplifað svipaða hluti til að tala við. Þó kennarar séu í
stöðugum samskiptum við fólk allan daginn þá eru kennarar
oft mjög einangraðir í starfi. Þar sem kennarastéttin er orðin
frekar gömul þá er ekki óalgengt að ungir kennarar séu að
kenna með sér miklu eldra fólki þegar þeir hefja störf og finnst
þá oft erfitt að ræða við þá um hluti sem upp koma.
• Hreyfingin yrði vettvangur fyrir faglegar og félagslegar um-
ræður ungra kennara.
• Stuðla að jákvæðri ímynd kennara.
María Pálmadóttir formaður Kennarafélags Reykjavíkur sagði
í framhaldi af þessu frá því að Fræðslumiðstöð væri að fara af
stað með móttökuáætlun fyrir byrjendur í kennslu. Þó að
Fræðslumiðstöð væri með slíka áætlun kæmi hún þó ekki í stað
þess félagslegslega vettvangs sem hreyfing ungra kennara yrði
því það er ekki það sama að leyta til atvinnuveitanda síns og
annarra kennara sem eru í sömu stöðu og maður sjálfur.
Finnbogi Sigurðsson formaður FG sagði að félag grunn-
skólakennara gæti stutt við bakið á okkur og við gætum nýtt
okkur aðstöðu í kennarahúsinu.
Útdráttur úr fundargerð Guðrúnar Hallsteinsdóttur.
Fundargerðin í heild er á heimasíðu KÍ,
www.ki.is (undir FG, efst á síðunni).
Grunnskóli
Kynningarfundur um stofnun hreyfingar ungra kennara