Skólavarðan - 01.03.2011, Blaðsíða 9

9
Skólavarðan 1.tbl. 2011SkóLAStARF
gefst þarna kostur á að láta hæfileikana sína njóta sín í skapandi starfi
með því að fást við áþreifanleg viðfangsefni. Við erum núna að hefja
útikennslu í sama tilgangi og vonumst þannig til að ná til stráka og
stelpna í námi. Víkurskóli er vel í sveit settur því hér er fjaran innan
seilingar og svo eru skólagarðarnir í næsta nágrenni. Esjan blasir við
okkur alla daga í öllu sínu veldi. Sú hefð hefur skapast að nemendur í
9. bekk fara ávallt í gönguferð á Esjuna að vori. Fyrirhugað er að útbúa
útikennslusvæði hérna á lóðamörkunum í samvinnu við leikskólann
Hamra. Víkurskóli fékk grænfánann afhentan í þriðja skipti í haust og
við það tækifæri helguðu nemendur og starfsfólk skólans og Hamra sér
svæði til útikennslu.
Við spólum ekki til baka
Þær hugmyndir sem uppi eru um styttingu skólatímans eru áhyggju-
efni að mati Árnýjar Ingu. „Það er í raun sama hvaða leið verður
farin í þeim efnum. Mér finnst það gleymast að börn eru bara 10 ár í
grunnskóla og við spólum ekki til baka. Ég tek undir með SAMFOK
sem lýsti áhyggjum af því að skólarnir geti ekki framvegis sinnt lög
bundnum skyldum og unnið eftir námskrá grunnskóla. Það má
ekki gerast og við verðum að verja börnin. Þau eru okkar fjöregg
og framtíð. Við eigum á þessum umrótatímum að leggja áherslu á
menntun og menningu. Í því þarf pólitísk forysta að liggja.“ Árný
Inga segir kennurum þykja sjálfsagt að spara og sína hófsemi í
rekstri. „Hins vegar hafa kennarar og stjórnendur áhyggjur af því að
geta ekki haldið úti metnaðarfullu starfi. Í dag eru tölvur stór hluti af
daglegu lífi nemenda og kennarar nýta tölvutækni mikið í sínu starfi.
Það er því mikið áhyggjuefni að ekki hafi verið fjármagn til þess að
endurnýja tölvukostinn frá árinu 2008. Grunnskólanemendur í dag
nýta þessa tækni skemmtilega og nota margmiðlun við verkefnagerð.
Auk þess er það markmið og kemur skýrt fram í námsskrá að þeir
geti nýtt tölvur í framhaldsnámi og notað tölvurnar sem vinnutæki.
Margmiðlunartæknin hefur aukið fjölbreytni í kennsluháttum.“
Gírum okkur upp úr krepputalinu
Árný Inga segir ekkert verða slegið af faglegum kröfum eða metnaði
þótt áhyggjunnar séu fyrir hendi. „Fjölbreytni í kennsluháttum kallar á
fámennari nemendahópa en nú horfum við fram á enn stærri hópa. Eftir
því sem hóparnir stækka gefur auga leið að kennari hefur minni yfirsýn
yfir hvern nemenda. Fleiri nemendur í hópum kalla á allt önnur vinnu-
brögð en verið hafa en það er allt hægt þótt það sé erfiðara.“ Hún segir
að þrátt fyrir allt finni hún ekki svo mikið fyrir þreytu hjá kennurunum.
„Mér finnst almennt að skólafólk hafi verið sammála um það á þessu
skólaári að gíra sig upp úr krepputali og einbeita sér að faglegri
umræðu um skólamál. Mér finnst kraftur og starfsgleði í hópnum,“
segir Árný Inga Pálsdóttir skólastjóri í Víkurskóla í Grafarvogi.
„Mér finnst almennt að skólafólk
hafi verið sammála um það á þessu
skólaári að gíra sig upp úr krepputali“