Skólavarðan - 01.03.2011, Blaðsíða 13
13
Skólavarðan 1.tbl. 2011
ingum á internetinu. Það gilda sömu lögmálin í þessu öllu en þau eru
að setja ekki neitt inn á internetið sem maður getur ekki staðið við.
Ég hef verið að segja við unglingana að það sem getur verið fyndið að
setja inn í sjöunda eða áttunda bekk er kannski ekkert rosalega fyndið
fjórum til fimm árum seinna. Þetta eyðist ekki út og það er auðvelt
að taka afrit af öllu sem fer inn. Mörg dæmi eru um að afrit hafi verið
tekið og það notað gegn viðkomandi löngu eftir að búið er að eyða
viðkomandi síðu. Þá kárnar gamanið verulega þegar fólk þarf að fara
að standa við eitthvað sem það taldi sig vera búið að eyða út. Það
eru nánast daglega að koma einhver mál af þessu tagi. Ekki bara hjá
unglingum, heldur foreldrum þeirra líka og jafnvel kennurum. Full-
orðna fólkið er oft ekkert betra en börn og unglingar í því sem það er
að segja í netheimum. Lúkasarmálið er nú eitt þekktasta eineltismál
sem upp hefur komið í netheimum á Íslandi þar sem ungur piltur var
sakaður um að hafa unnið hundi mein. Síðar fannst svo hundurinn
bráðhress eftir að pilturinn hafði verið dæmdur á netinu, kertafleyt-
ingar hafðar í frami og hvaðeina. Þessi piltur missti vinnuna og mann-
orðið. Hann er nú með dómsmál í gangi og hefur þegar samið við einn
sem raunar misþyrmdi honum á netinu. Þarna er augljóst dæmi um
hættuna og hvernig fólk missir sig á netinu.“
Bardagaleikir á leikjaneti
Hafþór segir líka að fólk gefi allt of miklar persónulegar upplýsingar
um sig á netinu. „Ég held að það sé samt að lagast. Sérstaklega finnst
mér þetta hafa lagast á Facebook. Það eru ýmsar rannsóknir um net-
notkun í gangi og þær sýna t.d. að börn og unglingar eru í auknum
mæli að átta sig á því að ákveðnar upplýsingar eiga ekki erindi á inter-
netið. Hugsanlega er fullorðna fólkið ekki alveg búið að átta sig á
þessu því mjög margir segja t.d. frá því hvert og hvenær þeir eru að
fara í frí og gefa þannig innbrotsþjófum færi á að leika lausum hala.
Leikir á internetinu kom líka mikið til umfjöllunnar hjá mér. Ég hef
vakið athygli á því hversu ofbeldisfullir margir leikir eru á netinu. Inn
á leikjanet.is eru leikir sem eiga ekkert erindi til barna. Sjálfur á ég sjö
ára strák og hef prófað þetta á eigin skinni. Ég sá að hann sótti í miður
skemmtilega leiki. Þarna inni á leikjanet.is eru 195 bardagaleikir en
það eru bara 26 barnaleikir. Hins vegar eru til síður sem eru með mjög
vandaða leiki sem geta þroskað börn. Ég bendi t.d. á nams.is en þar eru
leikir eins og innipúkinn og fleiri góðir, sem ég mæli með. Það er allt
of mikið um það að fullorðið fólk noti tölvuna sem barnapíu og segi
krökkunum bara að fara inn í herbergi í tölvuleik. Það fólk áttar sig oft
ekki á því hvaða leiki börnin fara í.“
Hann er betri í fótbolta en ég er betri í tölvuleik
Hafþór segir að foreldrar eigi snemma að byrja á því að takmarka tíma
barna sinna í tölvunni. „Margir foreldrar eiga í þessum vandræðum.
Það er best að semja um einhvern ákveðinn tíma sem fyrst. Dæmin
sýna að krakkar, sem eru orðnir mjög færir í einhverjum leikjum, sætta
sig ekki við það allt í einu að tíminn sé takmarkaður. Þegar svona er
komið vilja þau jafnvel vera fram á nótt í einhverjum leikjum og vitna
þá gjarnan í það að þau séu best í þessum leik á Íslandi en bróðirinn
„Ég hef vakið athygli á því
hversu ofbeldisfullir margir
leikir eru á netinu“
máLEFnI