Skólavarðan - 01.03.2011, Blaðsíða 18
18
Skólavarðan 1.tbl. 2011SkóLAStARF
„Hér er fólk hugsi og veit ekki hvað er framundan. Það hefur
enginn niðurskurðartillaga komið fram ennþá en við vitum að
það verður niðurskurður“, segir Sigurgeir Sveinsson, formaður
Kennarafélags Fjölbrautaskóla Vesturlands á Akranesi.
Í skólanum eru um 500 nemendur og kennaraliðið telur um 50 manns.
Tveir aðrir og mun yngri framhaldsskólar eru á Vesturlandi en það eru
Menntaskóli Borgarfjarðar í Borgarnesi og Fjölbrautaskóli Snæfellinga
í Grundarfirði. Skólameistarar þessara skóla hafa nú í vetur fundað með
menntamálaráðherra um aukið samstarf eða jafnvel sameiningu. Þær
viðræður eru á byrjunarreit og því ekkert vitað hvað kemur út úr þeim.
Þingmenn varaðir við niðurskurði
Kennarar í FVA hafa sent frá sér ályktanir til þingmanna þar sem þeir
vara við niðurskurði, sérstaklega í starfs- og iðnnámi. „Nemandi sem
klárar starfs- eða iðnnám á fjórum árum er kominn með ákveðinn
starfsréttindi en nemandi sem klára bóklegt nám á sama tíma er
bara með aðgang inn í annan skóla og á þá eftir önnur fjögur ár til
starfsréttinda að lágmarki,“ segir Sigurgeir og bendir á að hætta sé á
að horft sé í kostnaðinn við starfs- og iðnnám miðað við bóknámið.
„Stærsta vandamálið í skólakerfinu varðandi iðnnemana í dag er að
ef iðnnemi, sem lokið hefur námi í skóla kemst ekki á samning hjá
meistara þá getur hann ekki lokið náminu og jafnframt ekki tekið
viðbótarnám til stúdentsprófs því skilyrði fyrir því er að hann hafi
klárað iðnnámið. Hann þarf að vera 72 vikur úti á vinnumarkaðnum.
Þetta þyrfti að breytast miðað við stöðuna sem er í þjóðfélaginu í dag.
Hins vegar ef við tökum dæmi af nemanda á náttúrufræðibraut sem
klárar hana með stúdentsprófi, þá getur hann strax eftir það farið í
iðnfræði.“
Fleiri nemendur í kennsluhópum
Sigurgeir segir kennarana í skólanum finna fyrir niðurskurðinum á
öllum brautum þannig að minna námsframboð sé fyrir nemendur og
þar með hafi nemendur minna val. „Það verður alltaf fámenni í vissum
námsgreinum sem gerir það að verkum að námið er fellt niður. Þetta
kemur ekki bara niður á starfs- og iðnmenntum heldur einnig niður á
bóknámsbrautum. Mér sýnist þetta dreifast nokkuð jafnt yfir skólann.
Við verðum líka vör við að nemendum fjölgar í kennsluhópum, sem
þýðir minni þjónustu fyrir hvern nemanda en áður var. Hvernig á t.d.
kennari sem kennir eðlis- og efnafræði að sinna um og yfir 30 nem-
endum í verklegri kennslu? Það er bara ekki hægt. Þetta þýðir einfald-
lega að nemandi fær ekki það sem hann á að fá og þarf áður en hann fer
í háskólann. Í iðnnámi er viðmiðunartalan 12 nemendur til samburðar
við þetta. Við eigum að spara og draga saman og hérna í þessum skóla
höfum við dregið verulega saman starfsemina. Nú er bara svo komið að
við þolum ekki meira. Ef skólinn þarf að skera niður meira núna þá
gerist það ekki nema til komi einhverjar stórkarlalegar aðgerðir eins og
að fækka námsbrautum og um leið kennurum,“ segir hann.
Ráðherra kom í heimsókn
Þegar drög að fjárlagafrumvarpi lágu fyrir síðasta haust sendi Kennar-
afélag FVA bréf til þingmanna og deildarstjórar skólans sendu einnig
Texti & myndir: Haraldur Bjarnason
Sigurgeir Sveinsson formaður Kennarafélags Fjölbrautaskóla Vesturlands
Óvissan fyrir kennara og
nemendur er verst
Sigurgeir Sveinsson
„Nemendum fjölgar
í kennsluhópum, sem
þýðir minni þjónustu
fyrir hvern nemanda“