Skólavarðan - 01.03.2011, Blaðsíða 38

38
Skólavarðan 1.tbl. 2011SkóLAStARF
Eins og allir vita eru tjáning og samskipti órjúfanlegir þættir í lífi
okkar. Strax frá fæðingu höfum við þörf til að tjá okkar líðan og leit-
umst þannig við að eiga í samskiptum við aðra. Leikskólakennarar eru
meðvitaðir um mikilvægi þess að gefa þessum þáttum mikið vægi í
námi leikskólabarna og í gegnum tíðina hefur verið lagður grunnur að
því að gera börnin færari í að takast á við daglegt líf seinna meir. Í
Aðalnámskrá leikskóla frá 1999 var til dæmis lögð áhersla á lífsleikni
sem byggir á samskiptum og rökrænni tjáningu. Í drögum að nýrri
aðalnámskrá leikskóla er gengið skrefinu lengra því samkvæmt henni
er tjáning og samskipti einn af fjórum námsþáttum leikskóla. Sam-
kvæmt námskránni ber kennurum að skapa aðstæður svo börnin fái
meðal annars tækifæri til að tjá sig með og án orða við mismunandi
aðstæður, hlusta á og semja sögur, deila skoðunum og hugmyndum,
taka þátt í heimspekilegum umræðum og leita að mismunandi lausnum.
Málörvunarkerfi vikulega
Þessu aukna vægi á tjáningu og samskipti fögnum við kennarar og
annað starfsfólk leikskólans Vesturkots því við höfum lagt mikla
áherslu á tjáningu og jákvæð samskipti í kennslu leikskólanemenda
okkar. Elsti árgangur leikskólans fer vikulega í „Tölum saman“ stundir
sem er málörvunarkerfi fyrir börn með málþroskafrávik og tvítyngd
börn eftir Ásthildi Bj. Snorradóttur, talmeinafræðing og Bjarteyju
Sigurðardóttur, sérkennara en þar er meðal annars lögð áhersla á fram-
sögn. Vikulega fara öll börn leikskólans í svokallaðar Bassastundir.
Þar læra börnin meðal annars að;
• sitja kyrr í sínu sæti
• hlusta á hvert annað
• auka úthald og einbeitingu
• svara spurningum í setningum
• efla samvinnu
• öðlast aukin skilning á ýmsum þekkingaratriðum,
t.d. formum, litum, tölum og hugtökum
• vinna úr og geyma fyrirmæli
• syngja og dansa
• hlusta á texta
• þroska tilfinningagreind sína með því að
setja sig í spor annarra
• þjálfa rökhugsun með því að leita lausna
Bassi og Mói aðstoða
Börnin fara í Bassastundir í aldursskiptum hópum og eru stundirnar
sniðnar að þroska og getu hvers hóps. Þannig fá öll börnin, frá eins
árs til fimm ára að njóta þessara ánægjulegu stunda á eigin forsendum.
Bassastund (Peabody) sem er bandarískt kennslukerfi sem hefur þann
tilgang að efla tillfinningalegan, vitrænan og málfarslegan þroska
barna. Uppistaðan í stundunum eru tvær brúður, Bassi og Mói sem
aðstoða kennarann í þessum stundum. Hver stund byrjar á því að Bassi
vinur okkar, sem er græn og myndarleg brúða, syngur lag þar sem hann
býður börnin velkomin til sín. Hann fær góða aðstoð frá kennara sem
hjálpar honum að tala. Stundum kemur Mói vinur Bassa í heimsókn og
hann þarf hjálp frá börnunum. Hann ruglast nefnilega oft þegar hann
er að telja og hefur ekki hugtök og ýmis orð á hreinu. Börnin eru því
dugleg að leiðrétta Móa sem þakkar að sjálfsögðu fyrir góða aðstoð.
Bassi birtist alltaf í lok Bassastundar og spyr börnin hvað þau voru að
fást við og kveður þau að lokum með söng. Bassastundir standa mis-
lengi yfir, allt frá fimm mínútum upp í 20 mínútur og spilar þar inn í
hversu langt úthald börnin hafa. Mikilvægt er að hætta meðan börnin
hafa enn góða einbeitingu og gildir þar hugtakið ,,hætta skal leik
hverjum þá hæst hann stendur.‘‘ Hér á eftir koma nokkrar hugmyndir
um hvað við gerum í Bassastundum og í Tölum saman - stundum.
Æfingin með bjölluna og hljómpípuna
Börnin fá bjöllu í hendurnar. Þar sem við erum að æfa framsögn þá
byrjum við á því að veita hverju og einu barni einstaklingsathygli.
Texti: Hugborg Erlendsdóttir aðstoðaleikskólastjóri og
sérkennslustjóri og Linda Hrönn Þórisdóttir deildarstjóri.
Leikskólanum Vesturkoti
Framsögn í leik-
skólanum Vesturkoti