Gerðir kirkjuþings - 2010, Qupperneq 57

57
vinna að þjónustusamningi við sóknarnefnd íslensku kirkjunnar í Svíþjóð vegna
þeirrar þjónustu.

Kirkjuþing 2009 ályktaði að fagna framkominni trúfræðsluáætlun og námsskrám fyrir
börn 0-18 ára og hvatti til að gerð heildstæðrar námsskrár yrði lokið fyrir kirkjuþing
2010.
Kirkjuráð leggur fram tillögu til þingsályktunar um samþykkt námsskrár á kirkjuþingi
2010.

Kirkjuþing 2009 ályktaði að mikilvægt sé að kirkjuráð komi á framfæri við sóknir
landsins hver ávinningurinn er af lögmætri skráningu eigna og réttinda sóknanna
með þinglýsingu þeirra.
Kirkjuráð beitti sér fyrir kynningu á þessu verkefni á héraðsfundum um land allt á
fyrri hluta árs 2010. Nánar er fjallað um verkefni þetta síðar í skýrslu þessari.

Kirkjuþing 2009 ályktaði að prestar og söfnuðir sjái til þess að haldið verði vel utan
um félagaskráningu í þjóðkirkjuna.
Biskup hefur vakið athygli sóknarnefnda og presta á þessu máli í vísitasíum og þar
sem tækifæri hafa gefist.

Kirkjuþing 2009 hvetur til þess að frumvarp til þjóðkirkjulaga sem samþykkt var á
kirkjuþingi 2008 fái eðlilegan framgang.
Biskup ræddi við þáverandi dómsmála- og mannréttindaráðherra um framgang frum-
varpsins og kom þeim saman um að rétt væri að bíða átekta vegna stjórnmála-
ástandsins. Nú liggur fyrir kirkjuþingi 2010 tillaga til þingsályktunar um frumvarp til
þjóðkirkjulaga. Vísað er til greinargerðar með 6. máli kirkjuþings 2010.

Kirkjuþing 2009 leggur til að kannaðar verði leiðir til að rýmka kosningarétt til
kirkjuþings og auka á þann hátt lýðræði innan þjóðkirkjunnar.
Kirkjuráð flytur tillögu til þingsályktunar á þessu þingi um skipan nefndar til að
endurskoða starfsreglur um kjör til kirkjuþings. Í greinargerð með málinu er m.a.
vikið að því að kanna þurfi hvort rýmka eigi kosningaréttinn frá því sem nú er til að
auka lýðræði innan þjóðkirkjunnar.

2. mál. Fjármál þjóðkirkjunnar
Á kirkjuþingi 2009 setti fjárhagsnefnd þingsins fram eftirfarandi tilmæli:

a) að kirkjuráð fari þess á leit við héraðssjóði að þeir lækki framlag sókna til
sjóðanna um eitt til tvö prósentustig þar sem tök eru á.
Tilmæli fjárhagsnefndar um lækkun á framlagi sókna til héraðssjóða um eitt til tvö
prósentustig þar sem tök eru á voru kynnt héraðsnefndum.

b) að kirkjuráð sjái til þess að verkefnið um þinglýsingu kirkjulegra eigna verði
kynnt rækilega fyrir sóknum og á héraðsfundum.
Hvað varðar þinglýsingu kirkna skal vísað til umfjöllunar síðar í skýrslunni.

c) að kirkjuráð auglýsi sérstaklega eftir umsóknum um styrki til lista- og
menningarmála.
Sjá umfjöllun um 18. mál.