Gerðir kirkjuþings - 2010, Qupperneq 67

67
þeim að draga saman í rekstri. Prestsembættin erlendis voru lögð niður, laun starfs-
manna á Biskupsstofu lækkuð, rekstrar- og aksturskostnaðar presta lækkaður o.fl.

Úthlutanir úr sjóðum kirkjunnar
Kirkjuráð gekk frá fjárhagsáætlun fyrir Biskup Íslands (einkum 139 prestsembætti,
skv. samingi ríkis og kirkju), Jöfnunarsjóð sókna, kirkjumálasjóð og fræðslu- , útgáfu-
og kynningarsjóði vegna ársins 2010. Tekjur byggjast einkum á samningum og lögum
en einnig er um að ræða sértekjur, t.d. vegna húsaleigu. Umsóknum um framlög
vegna úthlutunar ber að skila fyrir 15. júní 2009 sem og fjárhagsáætlunum stofnana.
Almennt voru styrkir lækkaðir um 10% í samræmi við skerðingu á tekjum sjóðanna
og jafnframt endurskoðað hvaða verkefni skyldu styrkt og þeim fækkað. Fjárlaga-
frumvarp vegna næsta árs er venjulega lagt fram 1. október og þá fyrst er ljóst hvaða
fjárhagsstöðu vænta má að sjóðirnir hafi á næsta ári á eftir. Fyrri umræða um
fjárhagsáætlanir sjóðanna fer í framhaldi af því fram hjá kirkjuráði í októbermánuði
ársins á undan. Að því búnu eru áætlanirnar kynntar á kirkjuþingi og þær ræddar þar.
Gengið er frá endanlegum áætlunum að jafnaði á desemberfundi kirkjuráðs. Loka-
frágangur fjárhagsáætlunar fyrir árið 2010 frestaðist þó fram í janúar 2010 þar sem
fjárlög voru ekki tilbúin fyrr en þá.

Mat á fasteignum kirkjunnar
Sveinn Arason, ríkisendurskoðandi og Ingi K. Magnússon, sviðsstjóri fjárhagsendur-
skoðunar, mættu á fund kirkjuráðs til ræða aðferðir við mat á fasteignum kirkju-
málasjóðs.
Ríkisendurskoðandi lagði fram eftirfarandi tillögur vegna mats á fasteignum sjóðsins:
- Allar fasteignir kirkjumálasjóðs verði færðar á fasteignamati nema kirkjur sem
verða færðar á brunabótamati.
- Árlegt endurmat fasteigna verði fært um höfuðstól eða eigið fé.
- Söluhagnaður og sölutap fasteigna verði fært um rekstrarreikning.
- Kaupverð nýrra fasteigna verði á kaupári fært til eignar í árslok verði eignin
endurmetin til fasteignamatsverðs og mismunur færður um eigið fé.
Þessi aðferð taki gildi 1. janúar 2011 og gildi um ársuppgjör 2010.
Kirkjuráð mun nota þessa aðferð við gerð ársreiknings kirkjumálasjóðs fyrir árið 2010
og eftirleiðis.
Kirkjuráð ræddi við ríkisendurskoðanda um breytingar á framsetningu fjárlagaliða og
stjórnsýsluúttekt.

Reglugerðir um Jöfnunarsjóð sókna og um ábyrgðir Jöfnunarsjóðs sókna
Að beiðni kirkjuráðs endurskoðaði dómsmála- og mannréttindaráðherra reglugerð um
Jöfnunarsjóð sókna. Breytingin felur í sér að ekki er lengur bundið í reglugerð hve
háu hlutfalli heildarúthlutunar má ráðstafa til þeirra verkefna sem reglugerðin kveður
á um. Reglugerð með breytingum var gefin út 20. janúar 2010. Einnig endurskoðaði
ráðuneytið reglugerð um ábyrgðir Jöfnunarsjóðs sókna, þ.e. lækkun varasjóðs
ábyrgðardeildar Jöfnunarsjóðs sókna og var breytingin staðfest 10. febrúar 2010.

Viðræður kirkjuráðs og dómsmála- og mannréttindaráðuneytis vegna
niðurskurðar fjárframlaga ríkisins til þjóðkirkjunnar árið 2011
Biskup og aðrir kirkjuráðsmenn áttu fund með fjármálaráðherra og dómsmála- og
mannréttindaráðherra að ósk kirkjuráðs til að ræða fyrirhugaðan niðurskurð á
fjárheimildum þjóðkirkjunnar, andmæla honum og skýra sjónarmið þjóðkirkjunnar.
Einnig hafa fulltrúar kirkjuráðs sótt nokkra fundi í dómsmála- og mannréttinda-