Gerðir kirkjuþings - 2010, Page 72

72
mundsdóttur, félagsráðgjafa hjá Fjölskylduþjónustu kirkjunnar, og Halldóri Reynis-
syni, verkefnisstjóra fræðslusviðs Biskupsstofu, í samráði við biskup Íslands. Drög að
vímuvarnastefnu fylgja skýrslunni.

Umfjöllun kirkjuráðs um meint kynferðisbrot innan kirkjunnar
Í ágúst 2010 kom Guðrún Ebba Ólafsdóttir að eigin ósk á fund kirkjuráðs til að ræða
kynferðisbrot innan kirkjunnar og brýna kirkjustjórnina til að taka skýra afstöðu gegn
kynferðislegu ofbeldi. Jafnframt tjáði hún sig um reynslu sína. Í framhaldi af þessum
fundi hófst umræða um kynferðisbrot innan kirkjunnar og var þess vænst að kirkjuráð
brygðist við með áþreifanlegum hætti. Biskup ræddi við dómsmála- og
mannréttindaráðherra, svo og kirkjuráð og forseta kirkjuþings, um þau úrræði sem
kirkjan gæti gripið til. Í framhaldi af þessum viðræðum sendi kirkjuráð frá sér tvær
yfirlýsingar svohljóðandi:
I. „Kirkjuráð ákvað á fundi sínum í dag, 25. ágúst 2010, að beina því til
forsætisnefndar kirkjuþings að undirbúa fyrir kirkjuþing 2010 tillögur að
rannsóknarnefnd til þess að rannsaka alla starfshætti og viðbrögð kirkjunnar vegna
ásakana á hendur Ólafi Skúlasyni biskupi um kynferðisbrot. Rannsóknarnefndin verði
skipuð faglærðu fólki óháð stofnunum og embættum þjóðkirkjunnar. Lögð verði
áhersla á að rannsóknarnefndin hraði störfum svo sem kostur er og skili kirkjuþingi
niðurstöðum sínum sem jafnframt verði kynntar opinberlega. Kirkjuþing hefur æðsta
vald í málefnum þjóðkirkjunnar og er að meiri hluta skipað leikmönnum undir forsæti
Péturs Kr. Hafstein fyrrverandi hæstaréttardómara. Forsætisnefnd skipa auk hans
Margrét Björnsdóttir bæjarfulltrúi og Ásbjörn Jónsson lögmaður.“

II. „Kirkjuráð hefur átt fund með Sigrúnu Pálínu Ingvarsdóttur og Guðrúnu Ebbu
Ólafsdóttur þar sem þær lýstu sögu sinni sem þolendur kynferðisbrota. Kirkjuráð
trúir frásögnum þeirra og tekur undir orð biskups Íslands í fjölmiðlum í dag þess
efnis. Fyrir hönd þjóðkirkjunnar biður kirkjuráð þær og aðra þá sem brotið hefur
verið á af hálfu starfsmanna og þjóna kirkjunnar fyrirgefningar. Kirkjuráð harmar þá
þjáningu og sársauka sem þau hafa liðið. Kirkjuráð ítrekar að kynferðisbrot eru ekki
liðin innan kirkjunnar og lýsir samstöðu við þá einstaklinga og félagasamtök sem
styðja þau sem líða og vinna að forvörnum og vitundarvakningu meðal þjóðarinnar
um þessi alvarlegu mál.“

Mál lögð fram á kirkjuþingi 2010
Kirkjuráð undirbýr að venju mál þau sem ráðið leggur fyrir þingið. Kirkjuráð leggur
nú 17 mál fyrir kirkjuþing. Þau eru eftirfarandi:
2. mál 2010. Skýrsla kirkjuráðs ásamt skýrslum og öðrum fylgigögnum
Að venju leggur kirkjuráð fram skýrslu um störf sín á kirkjuþingsárinu. Skýrsla þessi
ásamt fylgiskjölum er lögð fyrir kirkjuþing 2010 skv. starfsreglum um kirkjuráð nr.
817/2000. Að venju er vísað til Árbókar kirkjunnar þar sem einnig er að finna
greinargóðar skýrslur um kirkjustarfið.
3. mál. Fjármál þjóðkirkjunnar
Fjármál þjóðkirkjunnar eru lögð fram á kirkjuþingi. Reikningar stofnana og sjóða
vegna ársins 2009 eru aðgengilegir öllum kirkjuþingsfulltrúum. Útdráttur úr helstu
ársreikningum er í Árbók kirkjunnar. Ríkisendurskoðun skilar endurskoðunarskýrslu
vegna sjóða og stofnana kirkjunnar og Biskupsstofu fyrir árið 2009.