Gerðir kirkjuþings - 2010, Síða 80

80
Kirkjuþing afgreiddi skýrslu kirkjuráðs með eftirfarandi:

þingsályktun:

Kirkjuþing 2010 tekur undir ávarpsorð biskups við setningu kirkjuþings: „Starf og
þjónusta kirkjunnar nær til landsmanna allra til ystu nesja og innstu dala. Hið þétta og
víðtæka samfélagsnet sem þjóðkirkjan myndar í íslensku þjóðfélagi mótar þjóðar-
vefinn og menninguna meir en okkur er alla jafna ljóst“.

Kirkjuþing 2010 minnir á að þjóðkirkjan hefur tekið þátt í þeim niðurskurði og að-
haldsaðgerðum sem gengið hafa yfir þjóðfélagið. Kirkjuþing minnir á hina mikilvægu
þjónustu að andlegri velferð sem unnin er á vettvangi sókna og trúarsafnaða og mót-
mælir þeirri miklu skerðingu sóknargjalda sem átt hefur sér stað og er farin að bitna
tilfinnanlega á þjónustunni.

Kirkjuþing 2010 þakkar einstaklingum, stofnunum, fyrirtækjum og sóknum fyrir þann
hlýhug sem felst í auknum framlögum til Hjálparstarfs kirkjunnar og hvetur til áfram-
haldandi samstöðu og stuðnings. Ljóst er að fjöldi þeirra sem þarf aðstoð hefur aukist
til muna og nú sem aldrei fyrr er þörf fyrir þetta göfuga starf. Vinnubrögð Hjálpar-
starfsins eru til fyrirmyndar. Þá ber að þakka söfnuðum landsins fyrir hjálparstarf í
héraði í samvinnu við ýmsa aðila.

Kirkjuþing 2010 leggur áherslu á nauðsyn þess að endurskoða kosningarétt til kirkju-
þings með það að markmiði að auka þátttöku og lýðræði innan þjóðkirkjunnar.

Kirkjuþing 2010 hvetur kirkjuráð til að fullvinna Stefnumótun um málefni fatlaðra
innan íslensku þjóðkirkjunnar, Vímuvarnastefnu þjóðkirkjunnar og Samskiptastefnu
þjóðkirkjunnar og leggja fyrir kirkjuþing 2011.

Kirkjuþing 2010 leggur áherslu á mikilvægi þess að námskrá fyrir fræðslu þjóð-
kirkjunnar verði kynnt kirkjufólki í héraði til að tryggja sem best að hún nái fram að
ganga.

Kirkjuþing 2010 vekur athygli á öflugu æskulýðsstarfi kirkjunnar eins og glæsilegt
landsmót æskulýðsfélaga kirkjunnar sem haldið var á Akureyri vitnar um og felur
kirkjuráði að undirbúa stofnun æskulýðsnefndar og leggja fyrir kirkjuþing 2011.

Kirkjuþing 2010 hvetur til að áfram verði unnið að því að efla sjálfboðaliðastarf innan
þjóðkirkjunnar með umræðu, fræðslu og stefnumótun.

Kirkjuþing 2010 telur nauðsynlegt að gerð verði úttekt á því hvernig til tókst með
Stefnu og starfsáherslur 2004-2010 til að unnt sé að nýta hana til stefnumótunar næstu
ára.

Kirkjuþing 2010 ályktar að áfram verði boðin aðstoð til sókna varðandi þinglýsingu
kirkna og lögmæta skráningu eigna og réttinda sókna og hvetur söfnuði til að fylgja
málinu eftir.

Kirkjuþing 2010 tekur undir orð forseta kirkjuþings í þingsetningarræðu hans: „Það
má vera alveg skýrt að þjóðkirkjan vill áfram vera þjóðkirkja í dýpsta skilningi þess