Félagsbréf - 01.12.1963, Side 9

ef tir
BAYARD TAYLOR
Tómas GuSmundsson
þýddi bréfin
og sd um útgdfunct
Bayard Taylor var bandarískur rithöfundur og ritstjóri, og var hann
einnig talinn gott ljóðskdld d sínum tíma, hefur m.a. gert merka þýðingu
á Faust Goethes. Hann kom til Islands til þjóðhdtíðarinnar 1874 og hafði
þá áður í för sinni heimsótt Egyptaland. Taylor var í ritstjórn bandaríska
stórblaðsins New York Tribune og skrifaði hann blaði sínu ferðapistla úr
leiðangrinum. Þeir komu út ári síðar í bók, Egypt and Iceland, og mun
sú bók ein fjalla um þessi lönd ein saman. Bókin er orðin harla sjaldgœf,
og er t.d. ekki vitað um nema eitt eintak hennar hérlendis. — Tómas
Guðmundsson skáld hefur nú þýtt flestöll ferðabréfin frá íslandi og gefur
þau út í snoturri bók. Þar er einnig birt kvœði það sem Bayard Taylor
flutti Islendingum á þjóðhátíðinni, en það er til í þýðingu Matthíasar
Jochumssonar.
Bókin kemur út fyrir jól. Hún verður ekki til sölu, en félagsmenn AB sem
keypt hafa 6 eða fleiri AB-bœkur á árinu fá hana að gjöf frá félaginu.