Morgunblaðið - 20.02.2016, Síða 20

20 FRÉTTIRInnlent
MORGUNBLAÐIÐ LAUGARDAGUR 20. FEBRÚAR 2016
B
ra
nd
en
b
ur
g
Ekki laumupokast
Breyting á endurvinnslustöðvum. Gerðu öllum auðveldara
fyrir og komdumeð blandaða úrganginn í glærum poka
Gylfaflöt 5 | 112 Reykjavík | 520 2200 | sorpa@sorpa.is
Náms- og starfsráðgjöf Háskóla Ís-
lands (NSHÍ) og Stúdentaráð Há-
skóla Íslands (SHÍ) hafa opnað nýj-
an vef, tengslatorg.hi.is, sem
helgaður er atvinnumálum stúdenta
við skólann. Nú þegar hefur fjöldi
fyrirtækja ákveðið að taka þátt í
verkefninu en yfir 500 stöðugildi
bjóðast nemendum n.k. sumar, segir
í frétt frá Háskóla Íslands.
Þar kemur fram að vefnum sé ætl-
að að leiða saman stúdenta og eftir-
spurn fyrirtækja og stofnana eftir
starfskröftum með sérfræðiþekk-
ingu. Þannig sé markmið vefjarins
að auðvelda nemendum skólans að
finna starf við hæfi annars vegar og
fyrirtækjum og stofnunum að ná til
nemenda hins vegar.
Gert er ráð fyrir því að vefurinn
muni stækka og eflast eftir því sem
fram líður en fleiri sumarstörf munu
bjóðast nemendum strax í upphafi
marsmánaðar, m.a. hjá Reykjavík-
urborg.
Vefurinn er opinn og fyrirtækjum
og stofnunum mun áfram bjóðast að
sækjast eftir starfskröftum næsta
sumar endurgjaldslaust. „Fjölbreytt
flóra fyrirtækja sækist nú eftir há-
skólanemum allt frá fjármálafyrir-
tækjum á borð við Íslandsbanka til
stærstu heilbrigðisstofnunar lands-
ins, Landspítalans.“
Í upphafi er einkum horft til sum-
arstarfa en vefurinn er annars hugs-
aður sem alhliða atvinnumiðlun fyrir
nemendur Háskóla Íslands. Ávinn-
ingur fyrirtækja og stofnana af því
að auglýsa laus störf á Tengslatorgi
Háskóla Íslands felist fyrst og
fremst í þeim mikla mannauði sem
skólinn búi yfir. Vefsvæðið nær til
allt að 13.000 nemenda í 132 náms-
greinum
500 stöðugildi
bjóðast nemum
 Nýr vefur helgaður atvinnumálum
Háskólinn Stúdentum mun bjóðast
fjöldi starfa í sumarleyfinu.
Benedikt Bóas
benedikt@mbl.is
Nýr búvörusamningur var undirrit-
aður í gær, sem gildir frá 2017 til
2026. Útgjöld ríkisins til landbúnað-
armála hækka um rúmar níu hundr-
uð milljónir árið 2017 en fara síðan
stiglækkandi út samningstímann og
verða heldur lægri á síðasta ári
samningsins. Viðræður á milli full-
trúa bænda og stjórnvalda hafa stað-
ið yfir frá því í september á síðasta
ári og var markmiðið að sníða galla
af gömlu samningunum. Þannig hef-
ur töluverð umræða átt sér stað um
kvótakerfi í mjólk, m.a. þann kostn-
að sem bændur hafa þurft að leggja í
kvótakaup.
Sú stefna var tekin að fresta um
sinn ákvörðun um afnám kvótakerf-
isins en almenn atkvæðagreiðsla um
málið verður haldin meðal bænda ár-
ið 2019 samhliða fyrstu endurskoðun
samningsins. Þó verða nokkrar viða-
miklar breytingar gerðar strax,
meðal annars að frjálst framsal á
greiðslumarki verður óheimilt, sem
þýðir að þeir sem vilja selja sitt
greiðslumark geta nýtt sér það að
ríkið innleysi kvótann á fyrirfram
ákveðnu verði. Ríkið mun svo bjóða
kvótann til sölu á sama verði og
munu nýliðar og þeir framleiðendur
sem framleitt hafa umfram kvóta
njóta forgangs.
Í sauðfjársamningi var einnig
hægt á afnámi beingreiðslna fyrstu
árin auk þess sem tekinn verður upp
sérstakur býlisstuðningur. Í garð-
yrkjusamningi eru litlar breytingar.
Áfram er gert ráð fyrir bein-
greiðslum til tómata-, gúrku- og
paprikuframleiðslu og niðurgreiðslu
á raforku til ræktunar með lýsingu.
Samningar skoðaðir tvisvar
Um er að ræða rammasamning
um almenn starfsskilyrði landbúnað-
arins og samninga um starfsskilyrði
garðyrkju, nautgriparæktar og
sauðfjárræktar. Gert er ráð fyrir að
samningarnir verði teknir til endur-
skoðunar tvisvar á samningstíman-
um, árin 2019 og 2023. Það er ný-
mæli að gildistíminn sé svo langur,
en ástæða þess er að með samning-
unum er verið að ráðast í umfangs-
miklar breytingar á starfsumhverfi
landbúnaðarins sem kallar á lang-
tímahugsun og hleypa landbúnaðin-
um inn í nútímann.
Velferð kostar sitt
Þeir Sigurður Ingi Jóhannsson,
sjávarútvegs- og landbúnaðarráð-
herra, og Bjarni Benediktsson, efna-
hags- og fjármálaráðherra, undirrit-
uðu fyrir hönd ríkisins. Ástæður
fyrir 900 milljóna króna aukningu
eru þær helstar að tímabundið fram-
lag vegna innleiðingar á nýjum
reglugerðum um velferð dýra hefur
mikinn kostnað í för með sér, stuðn-
ingur við átak í tengslum við inn-
flutning á nýju erfðaefni af hold-
anautastofni til að efla framleiðslu og
auka gæði á nautakjöti, aukinn
stuðningur við lífræna ræktun og
framlög til að skjóta stoðum undir
aukna fjölbreytni í landbúnaði.
Aukið fé í búvörusamning
 Framlag ríkisins til landbúnaðar eykst um 900 milljónir  Samningurinn er til tíu ára  Um er að
ræða rammasamning um almenn starfsskilyrði landbúnaðarins  Landbúnaðurinn fer inn í framtíðina
Morgunblaðið/Styrmir Kári
Undirskrift Það var glatt á hjalla þegar pennarnir voru dregnir á loft og skrifað undir. Frá vinstri: Gunnar Þor-
geirsson, Sigurður Ingi Jóhannsson, Sindri Sigurgeirsson, Sigurður Loftsson og Þórarinn Ingi Pétursson.
Sigurður Ingi Jóhannsson, sjávarútvegs- og landbún-
aðarráðherra, var ánægður með samninginn, hann væri
sveigjanlegri og með tveimur endurskoðunarákvæðum.
„Við erum að gera samninginn sveigjanlegri, meira lif-
andi með tveimur endurskoðunum, heimildum til að
færa milli liða eftir því hvort er skortur á framleiðslu
eða offramleiðsla og einnig að svara því ákalli að hing-
að koma tvær milljónir ferðamanna.“
Samningurinn er til tíu ára og verða töluverðar
breytingar á starfsumhverfi bænda með tilkomu samn-
ingsins en stefnt er að því að leggja af kvótakerfið í mjólkurframleiðslu
og sauðfjárrækt. „Það er markmið að hjálpa til við nýliðun og að hún
verði auðveldari. Það gerist með þessu markmiði að hverfa frá því að
menn þurfi að kaupa sig inn í greinarnar, bæði í mjólkinni og í greiðslu-
markinu í sauðfé.“
Svara ákalli um svanga ferðamenn
Sindri Sigurgeirsson, formaður Bændasamtakanna, var
ánægður að samningar væru komnir í höfn. „Við erum að
þróa okkur til framtíðar og stökkva til nýrra tíma. Upp-
leggið í upphafi okkar viðræðna var að gera breytingar
og sníða galla af kerfinu. Til þess að geta gert það er tíu
ára samningur nauðsynlegur.“ Teknar verða upp gripa-
greiðslur í sauðfjárrækt þegar liðið er á samninginn, en á
öðru ári hans hefjast greiðslur sem kallast býlisstuðn-
ingur og eru sérstaklega ætlaðar til að styðja minni bú.
Einnig verður kostur á fjárfestingastuðningi í sauðfjár-
rækt og stuðningur við svæði sem eru sérstaklega háð sauðfjárrækt verður
aukinn. „Allt verður einfaldara og skýrara og engar aðgangshindranir fyrir
nýliða.“ Sindri segir að tillit hafi verið tekið til athugasemda sem bárust.
„Það var mikil óánægja en við meðtókum það og gerum ákveðnar breytingar
sem við teljum líklegar til að ná sátt. Það er að fresta ákvörðun um að af-
nema kvótakerfið sem samningurinn miðast samt við.“
Miðast við að kvótakerfið hverfi
Fjárhæðir í rammasamningi nema 1.743 milljónum kr.
árið 2017 en enda í 1.516 milljónum kr. árið 2026 við lok
samnings. Gerð er hagræðingarkrafa í samningunum
sem nemur 0,5% fyrstu 5 ár samninganna en 1% næstu 5
ár á eftir. Þetta á við um alla þætti samninganna nema
þá sem lúta að niðurgreiðslu raforku og framlögum til
Framleiðnisjóðs landbúnaðarins. Heildarútgjöld ríkisins
vegna samninganna verða nánast þau sömu í lok samn-
ingstímans (á föstu verðlagi) og þau eru nú. Sett er þak á
stuðning í alla samningana þannig að enginn framleið-
andi getur fengið meira en ákveðið hlutfall af heildarframlögum.
Árið 2014 var verðmæti landbúnaðarafurða 51 milljarður kr. en að við-
bættri annarri starfsemi 54 milljarðar. Um 4.200 lögbýli eru hér á landi og
tæplega 4.000 manns starfandi í landbúnaði, samkvæmt tölum Hagstofu Ís-
lands.
Þak er sett á stuðning í nýju samningunum