Morgunblaðið - 29.06.2016, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 29. JÚNÍ 2016
Jón Birgir Eiríksson
jbe@mbl.is
Miklar annir hafa fylgt fjölda áhang-
enda íslenska landsliðsins í Frakk-
landi. Sendiráð Íslands í París held-
ur uppi mikilli þjónustu við íslenska
stuðningsmenn, en áfallalaust hefur
gengið að sinna Íslendingunum
þrátt fyrir skyndilega fjölgun þeirra
í landinu. Hafa þeir sýnt af sér staka
prúðmennsku, að sögn sendiherra
Íslands í Frakklandi, Berglindar Ás-
geirsdóttur.
„Það er svo ánægjulegt að vera
með verkefni upp yfir haus vegna
þess að svona ánægjulegur atburður
hefur gerst, það eru þúsundir Ís-
lendinga í Frakklandi. Við höfum
verið með viðbúnað á ræðisskrifstof-
unum og höfðum búið okkur undir
að liðið myndi halda áfram, eins og
það gerði,“ segir hún.
Nokkrir hafa þurft ný vegabréf
Berglind segir sendiráðið hafa
veitt mjög fjöl-
breytta þjónustu
það sem af er
móti, íslenskir
ferðamenn hafi
jafnan samband
við sendiráðs-
skrifstofuna,
frönsku lögregl-
una eða ræð-
isskrifstofur Ís-
lands í
Frakklandi.
„Þetta er mest upplýsingagjöf og
veiting neyðarvegabréfa til að kom-
ast til Íslands. Fólk getur líka lent í
árekstri, þurft að komast til læknis,
hvað sem er,“ segir Berglind, fólk
hafi jafnvel hringt í sendiráðið í von
um að þar fari fram miðasala fyrir
leiki Íslands, en svo er þó ekki.
Aðspurð hvort sendiráðið hafi
þurft að bæta við sig starfsfólki, seg-
ir hún að ekki sé til staðar fjárveit-
ing til þess, en á sendiráðsskrifstof-
unni eru fimm og hálft stöðugildi.
Auk þess eru ræðismenn víðsvegar
um Frakklandi, þ.á m. í Nice, Mar-
seille og Lyon.
„Við höfum fengið lánaðan starfs-
mann frá Brussel, sem hefur verið
með okkur frá því keppnin hófst. Svo
hefur fólk frá skrifstofunni okkar í
Genf aðstoðað okkur á ræðisskrif-
stofunum,“ segir hún.
Ísland í brennidepli
Berglind segir mikinn áhuga á Ís-
landi hafa fylgt góðu gengi landsliðs-
ins.
„Það hefur rignt yfir okkur beiðn-
um í fjölmiðlum. Ég veit ekki hve
mörg blaðaviðtöl við erum búin að
veita, það er óendanlegur áhugi og
allur svo jákvæður. Það rignir yfir
okkur heillaóskum,“ segir Berglind.
Íslendingar flykkjast næst til Par-
ísar, þar sem átta liða úrslit fara
fram, en Ísland leikur við gestgjaf-
ana, Frakka, og segist Berglind
spennt að taka á móti hópnum í höf-
uðborginni.
Sendiráðið í París sinnt
þjónustu áfallalaust
Morgunblaðið/Golli
EM Fjöldi Íslendinga fylgir íslenska liðinu til Nice, en margir þeirra nutu liðsinnis ræðisskrifstofunnar þar.
 Sendiherra Íslands hefur vart undan beiðnum um viðtöl
Berglind
Ásgeirsdóttir
BAKSVIÐ
Benedikt Bóas
benedikt@mbl.is
Velgengni Íslands á Evrópumótinu í
knattspyrnu eykur hamingju, sam-
kennd og samheldni í samfélaginu í
heild. Óttar Guðmundsson, einn
reyndasti geðlæknir landsins, segir
að velgengnin sé jákvæð fyrir þjóð-
arsálina og jafnvel þeir sem séu ut-
anveltu í samfélaginu upplifi sig sem
hluta af hóp því allir geti talað um fót-
bolta. „Velgengnin veldur jákvæðni
og samstöðu. Ókunnugir fara að tala
saman og hún opnar á öll samskipti.
Allir geta talað og glaðst yfir því
sama. Hún eykur samkennd og eyðir
daglegum ágreiningi,“ segir Óttar
sem fylgst hefur vel með íslenska
landsliðinu á Evrópumótinu.
Í rannsókn frá 2010, þar sem ham-
ingjukannanir í 12 Evrópuríkjum
voru notaðar til að sjá hvort stórmót
auki hamingju, kom fram að stórmót í
knattspyrnu gera slíkt, en áhrifin eru
oftast fremur skammvinn þó þau séu
talsverð.
Töfrar íþrótta
Í rannsókninni segir að tíðni sjálfs-
víga lækki, allir geti talað saman um
fótbolta, stríðsaxir séu jafnvel grafn-
ar, fólk hittist, fólk fagni og fólk gráti
saman þegar þjóðir taka þátt í stór-
móti karla í fótbolta. Allt þetta auki
samheldni í samfélaginu löngu eftir
að dómarinn hefur flautað leikinn af.
„Þessir töfrar íþrótta að sameina
þjóðir í gleði og sorg eru einstakir,“
segir Óttar.
„Það er talað um að ekkert hafi
haft jafn mikil áhrif á þjóðerniskennd
Þjóðverja eftir stríð og HM árið 2006,
sem haldið var þar í landi. Allt í einu
vaknaði þjóðernissamstaða til lífsins,
fólk veifaði þýska fánanum út um allt
og mikil gleði var í samfélaginu. Þó
þeir hafi verið slegnir út úr keppninni
í undanúrslitum þá vörðu áhrifin
lengi. Velgengni hefur áhrif á vellíðan
og slæmur árangur hjá Englending-
unum, þessi trú að þeir komist aldrei
langt, hefur til dæmis slæm áhrif á
þjóðarstolt og þjóðarhamingju.“
Færa má þessa þjóðerniskennd yf-
ir á Íslendinga því nánast hvar sem
litið er blakta fánar við hún á leikdegi,
bílar eru jafnvel skreyttir, margir
klæðast bláum landsliðstreyjum og
fjölmargar verslanir eru með ein-
hverskonar EM-tilboð. „Þetta er nýtt
hér á landi en mjög jákvætt fyrir
þjóðarsálina. Svona æði hefur aðeins
verið í kringum handboltalandsliðið
en ekkert miðað við það sem er í
gangi núna enda knattspyrna vinsæl-
asta íþrótt í heimi.
Ég held að áhrifanna muni gæta
lengi því fótboltinn er þannig. Danir
til dæmis lifa enn á að hafa verið Evr-
ópumeistarar 1992. Það er stærsta
augnablik í þeirra íþróttasögu og þeir
tala enn um það afrek. Grikkir unnu
2004 og lifa enn á því. Þegar litla
þjóðin kemur og fer alla leið, það er
eitthvað sem er mikið öskubusku-
ævintýri og það er gaman að vera
öskubuska,“ segir Óttar.
Fagnaði með faðmlagi
Hafrún Kristjánsdóttir, íþróttasál-
fræðingur, var á leiknum gegn Eng-
lendingum í Nice og upplifði þessa
samkennd þar. „Ég hef ekki séð þessa
rannsókn en mér finnst það líklegt að
hamingjan aukist, a.m.k. til skamms
tíma. Hér í Nice faðmaði ég til dæmis
einhvern mann sem ég þekki ekki
neitt. Maður finnur fyrir því ofboðs-
lega sterkt að maður er með fólki í liði.
Það eru til rannsóknir sem segja frá
því að það auki samheldni að fólk sé til
dæmis eins klætt og þetta er í fyrsta
sinn sem ég upplifi að nánast allir Ís-
lendingar séu eins klæddir.“
Hamingjan eykst með velgengni
 Árangur Íslands á EM í knattspyrnu jákvæður fyrir þjóðarsálina  Opnar á öll samskipti, allir geta
talað og glaðst yfir því sama og eyðir daglegum ágreiningi  Áhrifanna mun gæta lengi hér á landi
AFP
Bláa hafið Stuðningsmenn Íslands á vellinum í Nice klæddust flestir bláu. Velgengni landsliðsins veldur jákvæðni
og samstöðu. „Ókunnugir fara að tala saman og hún opnar á öll samskipti,“ segir Óttar Guðmundsson geðlæknir.
Njóttu hálendisins
Uppselt er í tvö flug Icelandair sem
bætt var við áætlun félagsins til Par-
ísar vegna leiks Íslands og Frakk-
lands í átta liða úrslitum EM 2016.
Icelandair hefur því ákveðið að bæta
við þriðja aukafluginu til Parísar. Að
sögn Guðjóns Arngrímssonar, upp-
lýsingafulltrúa Icelandair, er um að
ræða leiguflug sem samstarfsaðili
Icelandair, Hifly, annast.
Laus sæti í flugið verða einungis
til sölu á vef Icelandair og er sala
hafin. Brottför er frá Keflavík-
urflugvelli klukkan 8 að morgni leik-
dags, sunnudagsins 3. júlí, og brott-
för frá París verður á mánudag 4.
júlí klukkan 19:40. Flugið fram og til
baka kostar kr. 116.000 með skött-
um og gjöldum inniföldum. Að-
spurður um hækkanir á flugi segir
Guðjón að engar breytingar hafi
verið gerðar á flugverði. „Þessi
aukaflug sem við höfum verið að
setja upp eru seld á kostnaðarverði.
Nú er háannatími í flugi, það þarf að
leigja inn vélar og fljúga þeim tóm-
um til Íslands og svo til baka að
verkefninu loknu.“
Reyna að gæta sanngirni í
verði
Wow air hefur bætt við einu auka-
flugi til Parísar. Flogið er út á
sunnudagsmorgni og komið heim á
mánudegi. Að sögn Svanhvítar Frið-
riksdóttur, upplýsingafulltrúa Wow,
fóru flugin í sölu seint í gærkvöldi og
snemma í morgun. „Ódýrustu sætin
seljast fyrst. Við reynum að vera
eins sanngjörn og við getum, við er-
um að bæta við flugi og það kostar
sitt að gera það,“ segir Svanhvít, að-
spurð um verð á aukafluginu.
erla@mbl.is
Fjórum auka-
flugum bætt við
 Flugferðin seld á kostnaðarverði