Morgunblaðið - 29.06.2016, Blaðsíða 14

14 FRÉTTIRInnlent
MORGUNBLAÐIÐ MIÐVIKUDAGUR 29. JÚNÍ 2016
Þórunn Kristjánsdóttir
thorunn@mbl.is
„Nei. Okkur skildist að allir hafi verið
svo þreyttir eftir leikinn að þeir hafi
farið beint að sofa,“ segir Pétur
Björnsson lögreglumaður, spurður
hvort lögreglan hafi sinnt eftirlits-
störfum á Landsmótinu á mánudags-
kvöld eftir sigur íslenska karlalands-
liðsins í knattspyrnu á Englend-
ingum.
Sýnt var frá leiknum í tveimur reið-
höllum á stórum skjám á mótssvæð-
inu og var stemningin vægast sagt
svakalega góð eins og alls staðar á
landinu.
Löggæsla á Landsmótum er mik-
ilvægur þáttur á jafn fjölmennu
mannamóti og Landsmótið er en bú-
ist er við að um tíu þúsund manns
muni leggja leið sína í Hjaltadalinn.
Pétur og Kjartan Jón Bjarnason
lögreglumenn sinna löggæslu á
mótinu ásamt fleirum. „Við erum að
koma okkur upp aðstöðu, lögreglu-
stöð eins og er í öðrum þéttbýlis-
kjörnum. Við erum að sníða af agnúa
eins og innakstur á svæðinu svo þetta
gangi allt smurt þegar allir eru komn-
ir á svæðið,“ segir Pétur. Hann sinnti
einnig löggæslu á síðasta Landsmóti
sem haldið var í Skagafirðinum, nán-
ar tiltekið á Vindheimamelum árið
2011. Honum líst vel á mótið, sérstak-
lega svæðið allt sem hann segir vera
til fyrirmyndar.
„Það eru allir svo ánægðir með
svæðið að þetta verður bara gleði.“
Kjartan Jón tekur í sama streng en
þetta er fyrsta sumarið hans í lögregl-
unni og líkar vel. „Þetta er víðfeðmara
en ég hélt. Það er miklu meira sem
þarf að hugsa út í og taka á en ég hafði
gert mér grein fyrir,“ segir Kjartan
Jón, spurður hvort eitthvað komi hon-
um á óvart í starfi lögreglumannsins.
Góð tilfinning að standa efst
Hrannar frá Flugumýri II stendur
efstur eftir forkeppni í A-flokki með
einkunnina 9,04. Knapi hans er Ey-
rún Ýr Pálsdóttir. A-flokkurinn var
mjög sterkur í ár en til að komast í
milliriðla þarf einkunnina 8,54. „Til-
finningin er góð. Vonandi gengur jafn
vel á morgun (í dag) en ég er full til-
hlökkunar,“ segir Eyrún Ýr Pálsdótt-
ir knapi Hrannars. Eyrún Ýr og
Hrannar eru engir nýgræðingar en
þau eru Íslandsmeistarar í fimm-
gangi.
„Þetta er ofboðslega þægur, yfir-
vegaður og jákvæður hestur. Hann er
alltaf til í að gera það sem hann er
beðinn um. Frábær hestur,“ segir
Eyrún Ýr. Hesturinn er úr ræktun og
í eigu fjölskyldunnar á Flugumýri.
Hann er undan Krafti frá Bringu og
Hendingu frá Flugumýri.
Milliriðlar í A-flokki eru í dag.
Blautur dagur
Þegar leið á gærdaginn fór að rigna
en áhorfendur létu það ekki á sig fá
heldur klæddu sig í pollagalla og
horfðu stíft á gæðingana.
Eftir forkeppni í unglingaflokki
standa Villimey frá Hafnarfirði og
Hafþór Hreiðar Birgisson með 8,62 í
einkunn. Milliriðlar eru á morgun.
Eftir keppni í milliriðlum í B-flokk
stendur Loki frá Selfossi með 8,85 í
einkunn og efstur inn í A-úrslit. Knapi
hans er Árni Björn Pálsson.
Morgunblaðið/Þórunn
Keppendur Eyrún Ýr Pálsdóttir og Hrannar frá Flugumýri II, Íslandsmeistarar í fimmgangi.
Hestamenn spakir
eftir EM-leikinn
 „Tilfinningin er góð,“ segir Eyrún með efsta hestinn í A-flokki
Gæsla Pétur Björnsson og Kjartan Jón Bjarnason sinna löggæslu á mótinu.
Það eru ekki horfur á veðurblíðu það
sem eftir er vikunnar. „Næstu daga
gæti veðrið verið með þeim hætti að
lægðasvæði verði fyrir sunnan og
austan landið. Það þýðir að það verð-
ur ríkjandi norðaustlæg vindátt sem
hefur í för með sér að flesta dagana
verður dumbungur og frekar svalt í
veðri norðan- og austanlands, bjart-
ara syðra og hiti nálægt eða undir
meðallagi fyrir þennan árstíma,“ seg-
ir Einar Sveinbjörnsson veðurfræð-
ingur.
Einar segir veðráttuna á sumrin
oft skiptast í tímabil, þannig geti
sama veður verið ríkjandi í fimm til
fimmtán daga og síðan verði um-
skipti. Erfitt sé að sjá fyrir þessi um-
skipti en ljóst að það verður engin
sumarblíða á næstunni.
„Það er ekkert sérstakt sum-
arveður á landinu en heldur ekki al-
slæmt. Við erum ekki að sjá daga
framundan eins og við sáum í júní
þegar það var gott veður um land
allt,“ segir Einar.
Gott í París, slæmt á Englandi
Margir Íslendingar munu að öllum
líkindum leggja leið sína til Parísar
um næstu helgi. En hvernig verður
veðrið þar? „Það ætti að verða fyr-
irtaksveður í París á sunnudaginn,
þar verður sól og sumarblíða,“ segir
Einar. Bretar eiga hinsvegar ekki sjö
dagana sæla um þessar mundir en
Einar segir veðrið þar vera hundfúlt
og hvert úrkomusvæðið af öðru
ganga þar yfir. elvar@mbl.is
Dumbungslegt
næstu daga
 Lægð fyrir sunnan og austan landið
Morgunblaðið/Eggert
Dumbungur Það gæti orðið þung-
skýjað yfir landinu næstu daga.
Álagning opinberra gjalda einstak-
linga vegna tekna á síðasta ári verð-
ur lögð fram á morgun hjá ríkis-
skattstjóra.
Þá verða inn-
eignir s.s. vaxta-
bætur og barna-
bætur og
ofgreidd stað-
greiðsla greiddar
inn á bankareikn-
inga á föstudag-
inn 1. júlí.
Sú breyting
hefur verið gerð
að gjalddagarnir til áramóta verða
núna sex en ekki fimm eins og verið
hefur samkvæmt upplýsingum rík-
isskattstjóra.
Mánuði fyrr á ferðinni
Álagningin er núna fyrr á ferðinni
en vant er eða mánuði fyrr en verið
hefur á umliðnum árum og verður
skattskráin formlega birt 30. júní
eins og fyrr segir en Skúli Eggert
Þórðarson ríkisskattstjóri sagði að
aðgangur að álagningunni á netinu
væri nú þegar opinn á svæði hvers
skattgreiðanda.
Ekki er því útilokað að einstak-
lingar geti strax í dag farið inn á sitt
vefsvæði á skattur.is og skoðað
álagningarseðlana. omfr@mbl.is
Skattaálagning á einstak-
linga lögð fram á morgun
 Inneignir verða lagðar inn á bankareikninga 1. júlí
Skúli Eggert
Þórðarson
Forvarnarverkefni, tengd erlend-
um ferðamönnum, hafa gengið
framar vonum, þrátt fyrir öra fjölg-
un ferðamanna síðustu ár, að sögn
Jónasar Guðmundssonar, verk-
efnastjóra slysavarna hjá Lands-
björg.
Stór liður í forvörnum er að
ferðamönnum gefist kostur á að
senda inn ferðaáætlanir sínar.
„Tölfræðin sýnir að þessi for-
varnarverkefni sem eru í gangi hjá
okkur og fleirum eru að skila ár-
angri. Við erum að fá nokkur þús-
und ferðaáætlanir á hverju ári í
gegnum SafeTravel-vefinn okkar,“
segir hann. Þetta hafi í för með sér
að síður þarf að hefja leitir að fólki,
smærri leitarhópa þurfi í hvert
skipti og björgunarsveitarfólk sé
vel úthvílt fyrir stór verkefni.
Einnig er boðið upp á vöktun,
sem er einstök í heiminum. Sé
ferðamaður ekki kominn heim úr
ferðalagi á tilsettum tíma hefst eft-
irgrennslan í samstarfi við lög-
reglu. Aukinn þungi er síðan settur
í leitina finnist viðkomandi ekki.
Landsbjörg ráðleggur ferðalöng-
um einnig að leigja ferðasenda seg-
ir Jónas, nákvæm staðsetning berst
þá innan þriggja mínútna og þá
megi senda fámennari hóp leit-
armanna á vettvang og auka líkur á
að viðkomandi finnist fljótt og að
hann sé í góðu ásigkomulagi.
Forvarnaverkefni
gefa góða raun
 Fleiri senda inn ferðaáætlanir sínar
Morgunblaðið/Sigurður Bogi
Leit Björgunarsveitarfólk í útkalli.
Forvarnir minnka álagið til muna.
Kæli- og frystibúnaður
í allar gerðir sendi- og flutningabíla
Funahöfða 7, 110 Reykjavík, s. 577 6666
„Það eru alltaf fleiri og fleiri
sem fara yfir í rafræn framtöl.
Hefðbundin pappírsframtöl eru
innan við 40 núna,“ segir Skúli
Eggert Þórðarson.
Kærufrestur vegna álagn-
ingar hefur verið lengdur úr 30
dögum í 60 og er núna til mið-
vikudagsins 31. ágúst.
Færri en 40
HEFÐBUNDIN PAPPÍRS-
FRAMTÖL SKATTSINS