Ægir - 01.07.2015, Blaðsíða 18

18
Rússa og Nígeríumenn sem eru
okkur gífurlega mikilvæg. Níg-
ería er langstærsti markaður
okkar fyrir skreið og verulegt
hlutfall af öllum okkar uppsjáv-
arfiski fer til Rússlands þannig
að þetta ástand núna snýst ekki
bara um makríl. Þess vegna er
svo mikilvægt að við komumst
inn á þessa markaði á ný því allt
hefur þetta keðjuverkandi
áhrif.“
Friðleifur ítrekar að markaðs-
setning sé þolinmæðisvinna. Til
að vara nái fótfestu á markaði
þurfi annað tveggja; varan
komi í stað annarrar sem fyrir er
á markaði eða sé einfaldlega
betri en hún. Þar skipti verð-
lagning máli en einnig gæði.
Afhendingaröryggi lykilþáttur
„Við erum í verðsamkeppni við
okkar helstu nágrannaþjóðir,
einkum Norðmenn en núna
einnig Færeyinga. Norðmenn
setja gífurlegt magn af þorski á
markað árlega og eru einnig
með sterka stöðu í makríl og
öðrum uppsjávartegundum.
Færeyingarnir, sem eru lausir
við innflutningsbann Rússa, eru
svo aftur að mæta okkur af
hörku á mörgum mörkuðum
um þessar mundir. Hver hefur
betur á baráttu á markaði getur
ráðist bæði af verði og gæðum.
Þar með er ekki sagt að við
þurfum að bjóða allt ódýrar. Við
þurfum einfaldlega að vanda
okkur enn betur. Vanda fram-
leiðslu, tryggja afhendingu og
vera með þannig stýringu á
hlutunum að við getum gert
langtímasamninga,“ segir Frið-
leifur og heldur áfram:
„Afhendingaröryggi er lykil-
atriði í allri markaðssetningu
vöru. Þetta er hugtak sem fólk
þarf að leggja sig betur fram
um að skilja og meðtaka. Eftir
að hafa stundað viðskipti við
margar af stærstu verslunar-
keðjum Evrópu get ég staðfest
þetta. Fyrsta spurning inn-
kaupastjóranna er iðulega sú
hvort við getum samið við þá til
12 mánaða. Ef svarið er jákvætt,
fara þeir kannski fram á 24?
Getum við ábyrgst afhendingu
og gæði? Við svörum því ját-
andi og þá fyrst fara menn að
ræða um verð. Þegar kemur að
þorski stöndum við mjög vel að
vígi upp á afhendingaröryggi.
Það hefur í raun verið lykilatriði
í því hvernig við höfum byggt
upp markaði fyrir þorsk.“
Krafa um aukin þægindi
– Merkið þið einhverja áþreifan-
lega breytingu á kauphegðan
neytenda á helstu mörkuðum?
„Það sem klárlega blasir við
okkur er aukin sókn í meiri
þægindi, sem felur það fyrst og
fremst í sér að gera vöruna
meðfærilegri og stytta þannig
ferlið frá innflytjanda til neyt-
anda. Ísland er fyrst og fremst
hrávöruframleiðandi og þar af
leiðandi hefur framleiðsla á
ferskfiski farið vaxandi til þess
að mæta þessari þróun um
meiri þægindi. Ég held að hún
muni ágerast og við eigum eftir
að færa okkur enn lengra eftir
þessum farvegi.“
Friðleifur segir að sala beint
á neytendamarkað sé verkefni
sem Iceland Seafood hafi unnið
markvisst að útfærslu á. Fyrir-
tækið rekur Barraclough í Brad-
ford sem pakkar fiski í neyt-
endapakkningar og Havelok í
Grimsby, sem þjónar meira
mötuneytum og veitingahús-
um. Icelandic Group er svo með
„Við fengum óneitanlega aðeins í magann þegar eldisfiskurinn átti að taka yfir hvítfiskmarkaðinn en sú ógn snerist okkur mjög hratt í vil. Stórt at-
riði í allri markaðssetningu íslenskra sjávarafurða er að segja sögu, segja trúverðuga sögu.“
„Margir af mínum samstarfsmönnum hér hafa starfað
við markaðsmál sjávarafurða um allan heim í meira en
tvo áratugi. Við erum orðnir býsna naskir á að finna
markaði fyrir nýjar afurðir en ég get fullyrt hvar og
hvenær sem er að töfralausnir eru ekki til.
Markaðssetning er langhlaup.“