Morgunblaðið - 27.08.2016, Blaðsíða 36
36 FRÉTTIRInnlent
MORGUNBLAÐIÐ LAUGARDAGUR 27. ÁGÚST 2016
Sjóðfélagafundur
um sameiningarmál
Sameinaði lífeyrissjóðurinn boðar til sjóðfélagafundar, til þess að
kynna fyrirhugaða sameiningu við Stafi lífeyrissjóð,
þriðjudaginn 30. ágúst 2016 kl. 17 á GrandHóteli Reykjavík.
Allir sjóðfélagar velkomnir!
Stjórn Sameinaða lífeyrissjóðsins
Landsbréf
starfrækja
sjóðinn Ice-
landic Tour-
ism Fund,
sem eingöngu
fjárfestir í
afþreyingar-
tengdri
ferðaþjón-
ustu hér á landi. Fjárfestinga-
geta sjóðsins er rúmir fjórir
milljarðar króna, en stærstu
hluthafar eru Landsbankinn,
Icelandair Group og nokkrir
lífeyrissjóðir.
Helgi Júlíusson, fram-
kvæmdastjóri sjóðsins, segir
mikinn áhuga til staðar um
þátttöku í ýmsum verkefnum.
Meðal verkefna sem sjóðurinn
er hluthafi í eru hvalasýningin
á Granda, Óbyggðasetur Ís-
lands, íshellirinn í Langjökli,
náttúrusýningin í Perlunni,
fyrirhugað eldfjallasetur á
Hvolsvelli og leiksýningin
„The Icelandic Sagas – Grea-
test Hits“ í Hörpu. „Það eru
klárlega mikil tækifæri þarna,
sérstaklega er þörf fyrir meiri
afþreyingu á kvöldin fyrir
ferðamenn í Reykjavík og á
stærri stöðum, þegar þeir
koma heim á hótel eftir t.d.
dagsferðir út úr borginni og
vita ekki hvað þeir eiga að
gera á kvöldin. Þess vegna
ákváðum við að fjárfesta í
leiksýningunni í Hörpu,“ segir
Helgi.
LANDSBRÉF ICELANDIC
TOURISM FUND
Helgi JúlíussonAukin þátttaka erlendra ferðamanna í menningartengdum viðburðum hér
á landi sést vel í tölum um kortaveltu.
Á fyrstu sjö mánuðum síðasta árs greiddu ferðamenn 2,1 milljarð með
kortum fyrir menningu, afþreyingu og tómstundir hér á landi. Á sama tíma
á þessu ári var kortaveltan í þessum útgjaldalið komin í 3,2 milljarða.
Aukningin á milli ára er 53%.
Ef aðeins er tekinn sl. júlímánuður þá var erlend kortavelta í þessum út-
gjaldalið 942 milljónir króna, 39% meira en í sama mánuði 2015. Frá ára-
mótum varð hlutfallsleg aukning á milli ára mest í febrúar sl., eða 86%.
Kortavelta erlendra ferðamanna
Í menningu, afþreyingu og tómstundum
- í milljónum króna
Febrúar Mars Apríl JúníMaí JúlíJanúar
1000
20162015
800
600
400
200
0
Heimild: Rannsóknasetur verslunarinnar
Aukin ásókn í menningu sést vel á kortaveltunni
um á vegum Listasafns Reykjavík-
ur.
Safnið hefur gefið út sérstakt
kynningarefni fyrir ferðamenn en
sýningar eru að öðru leyti ekki
sérstaklega settar upp fyrir þá.
„Ef í ljós kemur að einhver sýn-
ing höfðar meira til erlendra ferða-
manna reynum við að vekja meiri
athygli á henni,“ segir Áslaug.
Listasafn Íslands hefur einnig
fundið vel fyrir aukinni aðsókn í
sín söfn, sem rakin er til fjölgunar
ferðamanna. Miðað við tímabilið 1.
maí í vor til 23. ágúst hefur gest-
um safnsins fjölgað um 26%. Fjölg-
unin á milli ára er minni ef farið er
aftur til áramóta, en það skýrist
aðallega af því að í sumar var safn-
ið opið lengur, með því að bæta við
opnun á mánudögum.
Anna María Urbancic, fram-
kvæmdastjóri Listasafns Íslands,
segir að á sumrin sé hlutfall er-
lendra gesta um 92% en á veturna
fari það niður í 60%. Svipuð hlut-
föll sjást í aðsókn að söfnum Ás-
gríms Jónssonar og Sigurjóns
Ólafssonar. Að sögn Önnu hefur
gestum í þessum tveimur söfnum
fjölgað um 50% síðan í vor. Þá var
gestum boðið upp á að greiða einn
aðgangseyri sem gilti í söfnin þrjú
á vegum Listasafnsins.
Anna telur markaðssetningu á
menningu landsins algjörlega van-
nýtt sóknarfæri í ferðaþjónustunni.
„Það snýst allt um að kynna
náttúruna en söfnin, húsakostur
þeirra og aðbúnaður sitja eftir. Þar
er mikil vannýtt auðlind,“ segir
hún.
Markaðssetningin erfið
Friðrik Friðriksson, fram-
kvæmdastjóri Tjarnarbíós, segir
reyting af erlendum ferðamönnum
hafa komið á sýningar í húsinu,
nokkrar slíkar hafi verið sýndar í
sumar í samstarfi við ýmsa leik-
hópa. Friðrik telur mörg tækifæri
liggja á þessum markaði, sem
menningarfélagið Tjarnarbíó muni
halda áfram að sækja inn á, í sam-
starfi við aðra aðila, bæði innlenda
og erlenda.
„Markaðssetningin er erfið, það
er nokkuð sem við erum ennþá að
læra og vonumst til að geta staðið
okkur betur í. Við kunnum vel að
markaðssetja fyrir Íslendinga, það
hefur ekki verið vandamál,“ segir
Friðrik, en fram að næsta vori eru
fyrirhugaðar 14 nýjar frumsýn-
ingar í Tjarnarbíói. Inni á milli
gætu komið sýningar sem ætlaðar
eru ferðamönnum sérstaklega.
Vilja blanda geði
„Hvað get ég gert í borginni?“
er sú spurning sem brennur á
vörum flestra ferðamanna sem
koma í Upplýsingamiðstöð ferða-
manna í miðbæ Reykjavíkur. Kar-
en María Jónsdóttir deildarstjóri
segir mikið og gott framboð hafa
verið af menningar- og listviðburð-
um í borginni undanfarin ár. Hins
vegar sé aukið kynningarstarf
meðal erlendra ferðamanna að
skila sér í meiri aðsókn þeirra á
viðburði margs konar. Þannig sé
stóraukin aðsókn í flestum söfnum
og tónlistarhátíðir á borð við Ice-
land Airwaves og Secret Solstice
farnar að trekkja þúsundir ferða-
manna til borgarinnar.
Á síðasta ári komu 1,3 milljónir
ferðamanna til landsins og upplýs-
ingamiðstöðin fékk til sín stóran
hluta þeirra, um 500 þúsund
manns.
„Ferðamenn sækja í viðburði til
að geta upplifað stemninguna og
mannlífið í borginni. Þeir sækja í
alls konar viðburði, ekkert endi-
lega í þá sem settir eru sérstak-
lega upp fyrir ferðamenn. Þeir
vilja blanda geði við heimamenn,“
segir Karen María.
Hún segir nauðsynlegt að ferða-
þjónustufyrirtæki og menningar-
tengd starfsemi vinni meira saman.
„Það er mikil eftirspurn eftir af-
þreyingu í borginni, bara spurning
hvernig við miðlum þessu áfram.
Við erum enn að læra og mættum
aðstoða hvert annað meira, bæði
ferðaþjónustan og menningargeir-
inn,“ segir Karen María enn frem-
ur.
„Algjörlega frábært sumar“
Hallgrímskirkja er áberandi
kennileiti í miðborginni og þangað
sækir fjöldi ferðamanna dag hvern.
Listvinafélag Hallgrímskirkju hef-
ur staðið fyrir tónleikum í kirkj-
unni í sumar, sem ferðamenn hafa
verið duglegir að nýta sér.
„Þetta hefur verið algjörlega
frábært sumar, og mjög margir er-
lendir ferðamenn. Þeir hafa alltaf
verið í meirihluta tónleikagesta.
Hingað í kirkjuna er straumur
ferðamanna frá morgni til kvölds,“
segir Inga Rós Ingólfsdóttir, fram-
kvæmdastjóri Listvinafélagsins, en
alls hafa að jafnaði 700 manns á
viku sótt tónleika félagsins. Jafnan
voru fernir tónleikar á viku og alls
40 tónleikar yfir sumarið. Þar af
voru þrennir orgeltónleikar og
Schola Cantorum hefur verið með
tónleika á miðvikudögum. Síðustu
sumartónleikar sönghópsins verða
næsta miðvikudag.
Þetta er 24. sumarið sem félagið
stendur fyrir tónleikaröð í Hall-
grímskirkju. Inga Rós segir sífellt
fleiri ferðamenn hafa sótt tónleik-
ana og líkað vel. Einnig séu þeir
duglegir að sækja messur í kirkj-
unni og skoða myndlistarsýningar.
„Kirkjan hefur mikið aðdrátt-
arafl og hefur víða komist á lista
yfir markverðustu byggingar
heims. Ferðamenn vita af þessu og
eru duglegir að heimsækja okkur.
Allt kynningarefni okkar er einnig
orðið á ensku,“ segir Inga Rós.
Fjölbreyttir tónleikar eru yfir
veturinn í kirkjunni og hápunktar
jafnan verið á aðventunni og pásk-
um.
„Við erum hæstánægð með að-
sóknina. Kirkjan er opin til níu á
kvöldin yfir sumarið og allan dag-
inn eru organistar að æfa sig.
Ferðamenn koma þá inn og setjast
til að hlusta. Það er stórkostleg
upplifun að koma inn í kirkjuna og
upplifa fallegan orgelleik og vera í
þetta mikilli nánd við orgelleikar-
ann. Þetta skapar ákveðna sér-
stöðu hjá okkur,“ segir Inga Rós.
Mjög vinsælt er að komast upp í
Hallgrímskirkjuturn til að fá gott
útsýni yfir borgina. Af þeim sökum
er lyftan á látlausri ferð upp og
niður. Listvinafélagið er með skrif-
stofu í turninum en Inga Rós segir
þá aðstöðu ekki nýtast yfir sum-
arið sökum aðsóknar í lyftuna.
„Við höfum orðið að skapa okkur
aðra vinnuaðstöðu á meðan, en
þetta er bara ákveðið lúxusvanda-
mál,“ segir hún.
Faldir gimsteinar
Engar sérstakar sýningar eru
haldnar í Iðnó fyrir erlenda ferða-
menn en hins vegar hafa ferða-
skrifstofur leigt salinn undir við-
burði fyrir sína hópa. Margrét
Rósa Einarsdóttir, framkvæmda-
stjóri hússins, segir fyrirhugað að
hafa tónlistarflutning á 3. hæðinni í
vetur, m.a. fyrir ferðamenn, og
næsta vor er ætlunin að setja upp
sýningu á ensku sem fjallar um ís-
lenskar konur. Þá stendur til að
setja upp leiklistarsögusýningu í
húsinu, en Iðnó er eitt elsta menn-
ingarhús landsins, með mikla og
langa sögu.
„Markaðssetning fyrir ferða-
menn tekur tíma og er kostn-
aðarsöm. Oft eru menn búnir að
gefast upp þegar eitthvað fer síðan
loksins að gera sig. Allir vilja fara
í Hörpu og Bláa lónið og aðrir
þurfa að hafa meira fyrir hlutunum
í kynningarstarfi,“ segir Margrét.
Hannesarholt er „falinn gim-
steinn“ eins og Ragnheiður Jóna
Jónsdóttir, forstöðumaður hússins,
orðar það. Hún segir erlenda
ferðamenn ekki koma þangað í
hópum, enda sé húsið ekki alveg í
hjarta miðborgarinnar. Einstaka
ferðmenn komi og dásami staðinn
að heimsókn lokinni, hvort sem
það sé eftir tónleika eða snæðing.
Ragnheiður segir viðburði ekki
setta upp sérstaklega fyrir ferða-
menn, enda sé Hannesarholt meira
ætlað fyrir Íslendinga.
Maður er manns gaman
Auk þeirra menningarhúsa sem
þegar hafa verið nefnd væri hægt
að telja upp fjölmargt annað í
lista- og menningarlífinu sem
stendur erlendum ferðamönnum til
boða. Má þar nefna leikhúsin, veit-
ingahúsin, kirkjurnar, styttur bæj-
arins, margs konar söfn, kvik-
myndasýningar í Bíó Paradís og
tónleika á ýmsum öldurhúsum
borgarinnar. Þannig hafa tónleikar
á Kex hosteli verið mjög vinsælir
meðal ferðamanna og annarra unn-
enda góðrar tónlistar.
Máltækið „maður er manns
gaman“ gildir alls staðar, óháð
þjóðerni þeirra sem koma saman
til að skemmta sér og öðrum.
Gangi spár eftir halda ferðamenn
áfram að streyma til landsins
næstu árin og viðskiptatækifæri
eru óteljandi – einnig fyrir menn-
ingu og listir.
Ferðamenn Hallgrímskirkja er vinsæll áningarstaður ferðamanna sem leið
eiga um miðborgina. Fjöldi þeirra sækir tónleika og messur í kirkjunni.
Morgunblaðið/Ófeigur
Fjárfestir
eingöngu í
afþreyingu
76%
gesta sem greiða aðgang
í Hafnarhúsinu eru erlendir
ferðamenn.
3.262
milljóna kr. kortavelta
ferðamanna í menningu
fyrstu sjö mánuði ársins
65.000
gestir komu vikulega
í Hörpu í sumar, þar af um
90% útlendingar.
20.000
ferðamenn hafa séð
leiksýningar og tónleika
í Hörpu í sumar
20.180
ferðamenn komu í
Hafnarhúsið á síðasta ári,
23% fleiri en árið 2014.
26%
fjölgun ferðamanna
í Listasafn Íslands.frá
maí sl., miðað við í fyrra.
MENNING OG FERÐAMENN
»