Morgunblaðið - 27.08.2016, Qupperneq 39

FRÉTTIR 39Innlent
MORGUNBLAÐIÐ LAUGARDAGUR 27. ÁGÚST 2016
menn að vaða yfir Bláfjallakvísl
sem er, eins og nafnið ber með sér,
tær bergvatnsá. Í sumar hefur jök-
ulvatn runnið í ána svo svipurinn er
annar en venjulega og hún vatns-
meiri en í annan tíma. Hér er einn-
ig Kaldaklofskvísl. Göngubrú þar,
sem Ferðafélag Íslands lét reisa,
tekur tálma af.
Rétt sunnan við þessar ár er ekið
inn á leiðina um Mælifellssand, sem
er hluti af Syðri-Fjallbaksleið sem
liggur alla leið í Skaftártungur. Við
ætlum hins vegar fram Emstrur og
tökum mið af Hattfelli sem rís í
suðri. Nokkru framan við fellið háa
er Emstruskáli Ferðafélags Ís-
lands, lágreist þyrping bygginga
sem eru á þrepum í hárri, brattri
brekku. Í kvos neðan þeirra eru
tjaldsvæði í lækjarbakka í hvann-
stóði og er þetta virkilega
skemmtilegur og áhugaverður stað-
ur.
Virkjunarkostir
í verndarflokki
Markarfljótsgljúfur, dimm og
djúp, eru rétt sunnan og vestan við
Hattfell. Ofan gljúfranna er brú á
fljótinu sem sprænur, lækir, kvíslar
sem hér færa Markarfljót úr milli-
stærð í eitt af mestu vatnsföllum
landsins. Í þessu landslagi eru mik-
il fallvötn og hér mætti ábyggilega
reisa virkjanir; aflmiklar og að-
rbærar. Skissur að slíkum orkuver-
um eru til en ýmsu yrði þó að
kosta til og fórna, svo sem að útbúa
í þessu viðkvæma umhverfi uppi-
stöðulón sem yrði tugir ferkíló-
metrar að flatarmáli. Því er skilj-
anlegt að í rammaáætlun um
orkunýtingu skuli þessir virkjunar-
kostir vera í verndarflokki.
Þegar hér er komið sögu nálg-
umst við byggð. Hvítur skalli Mýr-
dalsjökuls er á vinstri hönd en
beint fyrir framan okkur Einhyrn-
ingur, tilkomumikið fjall sem dreg-
ur nafn sitt af sérstæðu horni í
norðri. Einhyrningur sést víða frá
svo sem úr Þórsmörk og þar blasa
líka við Tindfjöll, hinir sunnlensku
alpar. Slóði að þeim fjallageim er
við Fljótsdal, innsta bæ í Fljótshlíð
og þar endar hringferð okkar. Við
erum komin í mark eftir skemmti-
lega dagsferð á Fjallabaki - og höf-
um tekið stóra lykkju norður fyrir
Tindfjöll um stórbrotið umhverfi og
litríkt land í meira lagi.
Markarfljótsgljúfur Dimmt og djúpt. Landið er viðkvæmt og þessar slóðir
eru með tilliti til virkjunarkosta, í verndarflokki rammaáætlunar.
Smáblóm Geldingahnappur er einn
af gullmolum íslensku flórunnar.
Náttstaður Litskrúðug tjöld ferða-
manna á tjaldsvæðinu í Emstrum.
 Markarfljótsbrú á Emstrum, sem var byggð nokkru fyrir 1980. Ár og kvíslar falla til fljótsins
hér. Safnast þegar saman kemur, segir máltækið, og úr verður ein mesta elfur landsins.
 Þetta óvenjulega horn stendur norður úr fjallinu Einhyrningi á Emstrum og af því er nafn
þess dregið. Horn þetta er tilkomumikið og setur svip á umhverfið, sama úr hvaða átt er horft.
Morgunblaðið/Sigurður Bogi
 Á djúgum spotta vestarlega á Syðri-Fjallsbaksleið verður að aka þvert
um Hagafellskvíslina enda engan annan veg að hafa. Allt hefst þó að lokum.
„Mér fannst skemmtilegt nú í
sumar að fara á fætur á morgnana
eftir rigningarnætur og sjá þá
þann tæra svip sem landið hafði
fengið þá um nóttina, jafnvel tals-
vert annan en kvöldið áður. Að
Fjallabaki er einstök eldfjallanátt-
úra sem er í sífelldri mótun,“ seg-
ir Halla Jónsdóttir, sem stóð vakt-
ina í skála Ferðafélags Íslands í
Emstrum nokkra daga nú í ágúst.
Halla þekkir Fjallabakssvæðið
vel eftir að hafa stundað göngu-
ferðir og útivist í mörg ár. „Marg-
ir staðir á Laugaveginum eru fal-
legir og útsýnið einstakt, til
dæmis þegar komið er úr Hrafn-
tinnuskeri um Jökul-tungu niður
að Álftavatni. Þar sést langt til
suðurs og fremst er Illasúla.
Raunar má taka Laugaveginn eft-
ir ýmsum leiðum og útúrdúrum
eins og færist í vöxt,“ segir Halla.
„Nei, ég varð ekki vör við neitt
óvenjulegt á sveimi í Esmstrum.
Hins vegar hefur draugagangur
viljað loða við Fjallabak. Skálinn í
Hattfellsgili hefur sérstaklega
verið nefndur í því sambandi.
Einnig get ég vitnað í vinkonu
mína sem sá – svo enginn vafi lék
á – mann af öðrum heimi við
Strútslaug á Mælifellssandi en
einmitt þar í kring bregður ýmsu
fyrir sem ekki er hægt að út-
skýra.“
Draugagangur er viðloðandi á svæðinu
Eldfjallanáttúra í mótun
Morgunblaðið/Sigurður Bogi
Fjallafólk Halla Jónsdóttir lengt t.v. og Steinunn Lilja Torfadóttir dóttir
hennar, og svo skálaverðirnir Ingólfur Árnason, Eyrún Ósk Stefánsdóttir,
og Anders Rafn Sigþórsson. Myndin er tekin í Emstrum.
ILVA Korputorgi, s: 522 4500 www.ILVA.is
laugardaga 10-18, sunnudaga 12-18, mánudaga - föstudaga 11-18:30
Nocturne Kampagne box 1000
Millistíf eða stíf dýnameð tvöfaldri fjöðrun.
25mm latex yfirdýna fylgir. 199.900 kr. Nú 139.930 kr.
25-30% AF DÝNUM OGFRÍ HEIMSENDING
25. ágúst - 11. september
180 x 200 cm.
nú139.930
SPARAÐU 59.970
SVEFNHERBERGIÐ