Morgunblaðið - 12.09.2016, Blaðsíða 25

DÆGRADVÖL 25
MORGUNBLAÐIÐ MÁNUDAGUR 12. SEPTEMBER 2016
Laufsugur
og blásarar
Laufsuga/Laufblásari BHX2510
Makita fjórgengismótor. Hámarks loftflæði 10,1 m3/mín.
Lofthraði 65 m/sek. Laufpoki 35 lítrar. Þyngd 6,5 kg.
Laufblásari EB7650 TH
Makita fjórgengismótor. Hámarks loftflæði 19,0 m3/mín.
Lofthraði 89 m/sek. Þyngd 10,8 kg.
ÞÓR FH
REYKJAVÍK:
Krókháls 16
Sími 568-1500
AKUREYRI:
Lónsbakka
Sími 568-1555
Vefverslun:
www.thor.is
Stjörnuspá
21. mars - 19. apríl 
Hrútur Þér verður boðið í partí, á listviðburð
eða eitthvað af því tagi alveg óvænt. Láttu
ekki leti og kæruleysi ná tökum á þér í dag
því þú þarft að skila verkefni sem krefst ein-
beitingar.
20. apríl - 20. maí 
Naut Ef þú vilt endilega heyra sannleikann
verður þú að vera maður til þess að taka hon-
um. Ekki gera kröfur til eins né neins í dag.
21. maí - 20. júní 
Tvíburar Ást við fyrstu sýn gæti átt sér stað í
dag. Það þjónar engum tilgangi að sýta liðinn
tíma. Horfðu fram á veginn, hann er bjartur
og beinn.
21. júní - 22. júlí 
Krabbi Það er óþarfi að vera svo feimin/n að
þora ekki að viðra skoðanir sínar við vini og
vandamenn. Gleði þín og bjartsýni smitar
aðra.
23. júlí - 22. ágúst 
Ljón Þú hefur unnið vel og skipulega og hef-
ur nú lokið verkefni þínu í tæka tíð. Fyrir það
áttu skilið að taka þér frí það sem eftir er
dagsins.
23. ágúst - 22. sept. 
Meyja Þú finnur nýjar leiðir til tekjuöflunar,
en gömul vandamál skjóta upp kollinum á
sama tíma. Allir sem þú talar við munu taka
vel í hugmyndir þínar og samþykkja það sem
þú segir.
23. sept. - 22. okt. 
Vog Hafðu auga með bankareikningnum í
dag. Dagurinn hentar vel til viðræðna um
hluti sem skipta þig máli. Þú ert ekki af baki
dottinn í að knýja fram breytingar heima fyrir.
23. okt. - 21. nóv.
Sporðdreki Besta leiðin til þess að nýta dag-
inn er að snúa sér að verkefnum sem krefjast
einbeitingar. Reyndu að finna tíma til að vera
í ró og næði.
22. nóv. - 21. des.

Bogmaður Þig langar til að koma skipulagi á
hlutina bæði í vinnunni og á heimilinu og
hefja að því loknu nýjan kafla. Þú ávítar rang-
an aðila og færð skömm í hattinn.
22. des. - 19. janúar 
Steingeit Það er engin ástæða til að gera of
mikið úr hlutunum þótt eitthvað fari öðruvísi
en þú ætlaðir. Gefðu öðrum tækifæri og þá
mun koma í ljós hvers megnug þau eru.
20. jan. - 18. febr. 
Vatnsberi Það er ólíkt þér að vera aðgerð-
arlaus, og nú ert þú jafnvel sá eini/eina sem
berst fyrir réttlæti. Segðu öðrum að þú viljir
hugsa málin vandlega áður en þú tekur
ákvörðun.
19. feb. - 20. mars

Fiskar Þið fáið tækifæri til þess að hitta
skemmtilegt fólk og skuluð njóta augnabliks-
ins meðan það gefst. Dagdraumar eru ágætir
í hófi.
Áföstudaginn birtist í Vísna-horni skemmtilegt smáljóð,
„Árstíðahvörf“ eftir Ólaf Stef-
ánsson. Fía á Sandi sagði á Leirn-
um að það væri „skemmtilegt“ og
bætti við:
Nú er sumarið farið svo fljótt
fátítt að heyra í spóa.
Kúrir við gluggana kolsvört nótt
kanske fer bráðum að snjóa.
Í því sama Vísnahorni var vísa
eftir Fíu, þar sem spurt var hvernig
ætti að stöðva eldgos. Þetta hreyfði
við Páli Imsland, sem heilsaði Leir-
liði á sólarlitlum degi, – sagði, „sem
gamall sérfræðingur í málinu, þá
finnst mér, Fía, að ég verði að
reyna að svara þessari spurningu
þinni.
Ég tek þó fram að sérfræðileg
þekkingarleit mín beindist aldrei
að því að stoppa eldgos, bara að
halda aftur af þeim.
En það er kannski von fólgin í
eftirfandi svari, þó stirt sé:
Að stoppa enginn Kröflu kann,
en Kölska mætti spyrja:
ef gagna myndi’ að hætti hann
hana bara að smyrja.
Fía á Sandi tók þessu vel:
Ef að leysa þarf eldgosavandann
örugglega, ég tel
að semja þurfi við sjálfan Fjandann
og sjálfsagt gengur það vel.
Bjarki Karlsson fann lausnina:
Ef að stöðva eldgos þarf
ætti að ráða strax í starf
ávæðaskáld. Ég ætl’að, Jón
Ingvar niður kveði Frón.
Oftar en ekki er það svo vegna
hins knappa forms Vísnahorns, að
ekki er unnt að koma öllum svörum
og athugasemdum við þau til skila.
Svo var um þessa limru Helga R.
Einarssonar, – sem hann kallaði
„smá eftirrétt“ til bragðbætis:
Er Fúsi folann sinn gelti
fór um hundinn sem gelti.
Seldi svo bílinn,
breytti um stílinn.
Keypti sér gyltur og gelti.
Sigurlín Hermannsdóttir skrifar
á Leir, að nú sé víst verið að breyta
stafsetningarreglum (fyrir þremur
mánuðum en enginn frétti af því
fyrr en í gær) og nú skal rita stóran
staf víða þar sem lítill var brúkaður
áður.
Mikið er gott að við nú vitum
um Vinstri Komma og Nýkrata
og með stórum stöfum ritum
Stjórnarliða og Pírata.
Þeir eru margir fíklarnir og það
er margur fíkillinn. Pétur Stef-
ánsson yrkir
Líkt og bein og hræ og hrygg,
hundur þarf að naga,
duglegur ég tygg og tygg,
tyggjó alla daga.
Halldór Blöndal
halldorblondal@simnet.is
Vísnahorn
Af spóa, Kröflu og Kölska
Í klípu
ÞAÐ ER TALIÐ MERKI UM GÆFU ÞEGAR
FUGL SKÍTUR Á HAUSINN Á ÞÉR – NEMA,
AUÐVITAÐ, UM SÉ AÐ RÆÐA HRÆGAMM.
eftir Mike Baldwin eftir Jim Unger
„MARKAÐURINN ER Í FRJÁLSU FALLI. ÉG
VAR AÐ TAPA TVÖ HUNDRUÐ KRÓNUM.“
Hermann
Ferdinand
Hrólfur hræðilegi
Grettir
... að vera hugfanginn!
SPLATT!
TANNKREM Á
TEKEXI?
UU,
NEI TAKK
OG FARÐU ÚT Í
BÚÐ!
MÉR LÍÐUR BEST
NÁLÆGT KONU SEM
ER ÓFULLKOMIN!
MEINARÐU
MEÐ YFIRBIT?
HALLÓ,
MYNDARLEGI… NEI, FREKAR
MEÐ SLÆMA
SJÓN!
Fátt finnst Víkverja skemmtilegraen ferðalög, helst í veruleikanum
en sem ímyndun ef ekki vill betur.
Hann pantar því oft ferðabækur í
gegnum vefverslun Amazon.com og
fékk fyrir helgina ágætan doðrant frá
forlagi National Geographic sem
heitir World’s best cities - celebrat-
ing 220 great destinations. Borgirnar
í bókinni eru 52, hver annari áhuga-
verðari. Áhugaverðir sögustaðir, góð
veitingahús, listviðburðir og litríkt
mannlíf. Víkverji sem er á leið til Par-
ísar og New York fékk fínar hug-
myndir um hvað skoða skyldi þar.
x x x
Fróðleiksbækur, þar sem efnið ersett fram í stuttum og vel stíl-
uðum greinum, eru eftirlæti Vík-
verja. Nýlega kom út bókin Banda-
ríkjaforsetar eftir Jón Þ. Þór
sagnfræðing. Í 45 köflum er sögð
saga jafn margra sem valist hafa til
forystu fyrir veldið í vestri. Stríðs-
rekstur, hagsmunaátök, réttindabar-
átta, kosningabrall og mannlegar
freistingar sem forsetarnir hafa stað-
ið andspænis og stundum fallið fyrir.
Víkverji fór í frí og greip þá með sér
þessa bók, sem er í þægilegu broti og
er því góður koddalestur.
x x x
Í góðum hópi var sagt frá rómuðumendurminningabókum Guð-
mundar G. Hagalín sem urðu níu
talsins og komu út á löngu árabili, hin
fyrsta 1951. Víkverji fór því í bóka-
safnið og fann bækurnar, Hér er
kominn Hoffinn og Þeir vita það fyrir
vestan. Að glugga í þessar bækur er
yndislestur og sagt er frá mörgu
fróðlegu úr veröld sem var en fæst í
þessum sögum hefur þó skírskotun í
nútímanum. Samt skín í gegn að
Hagalín, sem var fæddur 1898, hefur
verið skemmtilegur karl. Það hefði
verið gaman að kynnast honum í lif-
anda lífi.
x x x
Ari Trausti Guðmundsson skrifaraf þekkingu og listfengi bókina
Veröld í vanda - umhverfismál í
brennidepli. Í þessu spánýja kveri er
vernd og nýting náttúrunnar reifuð
og rökrædd á yfirvegaðan hátt, sem
er góð tilbreyting því svo oft einkenn-
ist umfjöllun um þennan málflokk af
hávaða og látum. víkverji@mbl.is
Víkverji
Hvað stoðar það manninn að eignast
allan heiminn, en týna eða glata sjálf-
um sér? (Lk. 9.25)