Morgunblaðið - 27.09.2016, Síða 12

12 DAGLEGT LÍF
MORGUNBLAÐIÐ ÞRIÐJUDAGUR 27. SEPTEMBER 2016
Baðaðu þig í gæðunum
Smiðjuvegi 76 • Kópavogi • Sími 414 1000 • Baldursnesi 6 • Akureyri • Sími 414 1050 • www.tengi.is • tengi@tengi.is
Opið virka daga frá kl. 8-18 og laugardaga kl. 10-15
Valgerður Þ. Jónsdóttir
vjon@mbl.is
B
éBé er á Facebook, In-
stagram, YouTube og
einnig með vefsíðu þar
sem áhugasömum er
boðið að bjarga beltum,
þeim sömu og oft hafa bjargað
mannslífum. Bílbeltum nánar til tek-
ið, enda er slagorð fyrirtækisins
beltin bjarga, björgum beltunum.
Afurð BéBé eru töskur fléttaðar og
saumaðar úr notuðum bílbeltum,
sem ella hefði verið fargað.
Samfélagsmiðlarnir eru enn
sem komið er helsti markaðsvett-
vangur BéBé, fyrirtækis sem skóla-
félagarnir Trausti Þór Þorsteins,
Aníta Þórunn Þráinsdóttirog Ívar
Dór Orrason stofnuðu í vor eftir
frumkvöðlaáfanga í Menntaskól-
anum við Hamrahlíð.
„Áfanginn er í boði hjá flest-
um framhaldsskólum landsins
og snýst um að nem-
endur stofna sitt eigið
fyrirtæki og framleiða
vöru. Nemendum er
skipt í hópa og lentum
við Aníta Þórunn og Ívar
Dór í sama hópi ásamt
tveimur öðrum,“ útskýrir
Trausti Þór. Þremenning-
arnir ákváðu hins vegar að
halda þróunarstarfinu
áfram þegar áfanganum lauk,
stofna alvöru fyrirtæki og
hefja framleiðslu.
Tveir bílar í tösku
„Hópurinn var samstíga í að
hafa umhverfisvernd og endurnýt-
ingu að leiðarljósi og búa jafnframt
til frumlega vöru, sem ekki ætti sér
fyrirmynd á markaðnum. Fyrst datt
okkur í hug að hanna tölvutöskur úr
viði og nota bílbelti sem axlabönd, en
við áttum ekki mikla peninga og allt
benti til að þær yrðu
of dýrar í framleiðslu
og aukinheldur
óþægilegar. Sú hug-
mynd að gera tösk-
ur eingöngu úr bíl-
beltum kom
tiltölulega seint fram í
hugmyndaferlinu, en
reyndist mikið gæfu-
spor. Töskurnar eru
bæði afar þægilegar og
sporna aukinheldur við
sóun, sem okkur finnst
mjög mikilvægt,“ segir
Trausti Þór og hefur tölur
á takteinum máli sínu ti
stuðnings. „Í fyrra var sex þúsund
bílum fargað á Íslandi og um leið
þrjátíu þúsund bílbeltum. Í eina
tösku fara átta bílbelti eða belti úr
tveimur bílum því yfirleitt eru fjögur
í hverjum bíl.“
Bjarga bílbeltum
og búa til töskur
Frumkvöðlaáfangi í Menntaskólanum við Hamrahlíð var kveikjan að fyrirtæki,
sem þau Trausti Þór Þorsteins, Aníta Þórunn Þráinsdóttir og Ívar Dór Orrason
settu á laggirnar í vor. Þar eru þau allt í öllu og sitja löngum stundum við
saumaskap og fléttugerð í kjallara einum í Kópavogi.
Samvinna Frumkvöðlarnir ungu eru orðnir býsna flinkir að sauma.
Tískutöskur Unhverfisvernd og
endurnýting í hávegum höfð.
Rúmlega hálf milljón safnaðist í
bökunarmaraþoni Blaka, sem Lilja
Katrín Gunnarsdóttir, eigandi og
stofnandi Blaka.is, hélt á heimili
sínu í Kópavogi helgina 17.- 18.
september. Allt söfnunarféð rennur
til Krafts, stuðningsfélags fyrir
ungt fólk sem greinst hefur með
krabbamein og aðstandendur þess.
Í maraþoninu bakaði Lilja Katrín
samfleytt í 24 tíma til styrktar
Krafti og giskar hún á að um 400
manns hafi heimsótt hana þá
helgina. Á heimili hennar söfnuðust
um 320 þúsund krónur í beinhörð-
um peningum en þeir sem sáu sér
ekki fært að mæta lögðu rausn-
arlega inn á styrktarreikning
Krafts. Þegar allt er talið saman er
þetta rétt rúmlega hálf milljón
króna í söfnunarfé sem hún segir
framar sínum björtustu vonum.
Ekki aðeins safnaðist miklu
meira en Lilja Katrín gerði ráð fyrir
heldur vakti tiltæki hennar miklu
meiri athygli en hún átti von á. Eft-
ir að forseti Íslands, herra Guðni
Th. Jóhannesson, heimsótti hana í
Melgerði á síðustu metrum bakst-
ursins segist hún hafa gengið undir
gælunafninu „Konan sem grætti
forsetann“ – jafnt hjá kunningjum
sem og ókunnugum. Þá hafi ís-
lenskar konur sem búsettar eru er-
lendis haft samband við hana
vegna þess að þær vilja færa boð-
skap hennar út fyrir landsteinana
og halda bökunarmaraþon eftir
hennar fyrirmynd á erlendri
grundu.
Lilja Katrín þakkar fjölskyldu
sinni fyrir stuðninginn, Berglindi
Jónsdóttur fyrir að leyfa sér að
deila hennar sögu en hún barðist
fyrir lífi sínu þegar hún greindist
með krabbamein sem barn, einnig
öllum styrktaraðilum og ekki síst
öllum þeim sem styrktu Kraft í
þessu bökunarævintýri.
Bökunarmaraþon Blaka til stuðnings Krafti
Góður árangur Lilja Katrín glaðbeitt
með hluta söfnunarfjárins.
„Konan sem grætti forsetann“
safnaði rúmlega hálfri milljón
Byrjendur jafnt sem snillingar
í höndunum eru boðnir vel-
komnir í Hitt húsið við Póst-
hússtræti kl. 18 í dag, þriðju-
dag 27. september. Þá er
meiningin að hekla, prjóna
eða sitja við ýmiskonar hann-
yrðir yfir kaffi og spjalli í um
tvo klukkutíma. Áherslan
verður þó á hekl því boðið er
upp á sýnikennslu í undir-
stöðuatriðum listarinnar að
hekla. Ef að líkum lætur verð-
ur líka boðið upp á hnossgæti
með kaffinu.
Endilega . . .
. . . heklið í Hinu húsinu
Hannyrðir Hekl og prjón er skemmtileg
dægradvöl fyrir bæði kynin.
Heilsan verður í fyrirrúmi í Borgar-
bókasafninu í Sólheimum í haust.
Boðið verður upp á þrjá viðburði
undir heitinu „Heilsan að hausti“.
Fyrsti viðburðurinn er kl. 17.30 í dag,
þriðjudag 27. september, en þá mun
Sólveig Sigurðardóttir fræða gesti
um hreint mataræði og fjalla um
hvernig best sé að bera sig að við að
elda hollan og góðan mat frá grunni.
Sólveig gerði gagngerar breyt-
ingar á lífi sínu árið 2012 og má
fylgjast með henni og nýjum lífstíl
hennar á Facebook-síðunni Lífstíll
Sólvegar þar sem hún gefur upp-
skriftir og skrifar ýmsar hugleiðing-
ar sínar um mat og annað. Á síðunni
kemur m.a. fram að hún hafi skráð
sig á eins árs námskeið hjá Heilsu-
borg í mars 2012 og hafi rúmlega
þremur árum síðar verið búin að
missa 50 kíló. „Lífið er gerbreytt,“
skrifar hún.
Aðrir viðburðir sem Borgarbóka-
safnið í Sólheimum býður uppá und-
ir merkjum „Heilsan að hausti“ eru
núvitund fimmtudaginn 27. október
og jakkafatajóga fimmtudaginn 24.
nóvember.
Vefsíðan www.facebook.com/lifsstillsolveigar
Hvernig á að elda hollan
og góðan mat frá grunni?
Morgunblaðið/Eggert
Mataræði Haustið er góður tími til að taka mataræði sitt til endurskoðunar.
Skannaðu kóðann
til að fara inn á
vefsíðuna.