Morgunblaðið - 27.09.2016, Page 17

FRÉTTIR 17Erlent
MORGUNBLAÐIÐ ÞRIÐJUDAGUR 27. SEPTEMBER 2016
Börkur Gunnarsson
borkur@mbl.is
Hjálpargögn komust til fjögurra
umsetinna borga í fyrsta skiptið í
sex mánuði í Sýrlandi að því er
Rauði krossinn tilkynnti í gær.
Samkvæmt frétt BBC komst 71
flutningabíll með hjálpargögn til
borganna Madaya og Zabadani sem
eru í höndum uppreisnarmanna, en
þær eru nálægt Damaskus. Um
40.000 búa í borgunum. Farmur
bílalestarinnar var aðallega matur.
Ástandið í umsetnu borgunum
í Sýrlandi mjög slæmt
Setið hefur verið um borgirnar
frá því í júní árið 2015. Það vakti al-
þjóðlega athygli í janúar á þessu ári
þegar fréttir bárust af því að börn
og gamalt fólk hefðu látist úr
hungri í þessum borgum. Stjórn-
arherinn lét þá undan þrýstingi og
leyfði takmarkaðan flutning hjálp-
argagna inn á svæðið. Núna var
bílalest aftur leyft að fara inn á
svæðið en þó ekki nema að á sama
tíma færi bílalest með hjálpargögn
til umkringdu borganna Foah og
Kefraya sem eru undir yfirráðum
stjórnar Assad. Þar búa um 20.000
manns. Í þessum borgum búa sjía-
múslimar sem styðja flestir Assad,
forseta Sýrlands. Ástandið hefur
verið slæmt síðan uppreisnarmenn
hófu umsátur um þessar borgir í
mars árið 2015.
Fyrir rúmri viku var ráðist á
bílalest með hjálpargögn, sem varð
til þess að Sameinuðu þjóðirnar
hættu að flytja hjálpargögn í Sýr-
landi í 48 klukkustundir. Í þeirri
árás létust a.m.k. 12 manns.
Ekki ljóst hver gerði árásina
Bandaríkin og Rússland hafa
stutt hvort sinn aðilann í þau fimm
ár sem borgarastríðið hefur staðið
yfir. Bandaríkin styðja uppreisnar-
menn en Rússar styðja stjórn
Assad. Þeir saka hvor annan um
þessa árás á bílalestina.
Árásin kom í framhaldi af því að
vopnahléð var brotið og stjórnarher
Assad hóf árásir á Aleppo á nýjan
leik.
Þótt Aleppo hafi verið stærsta
borg Sýrlands og miðstöð viðskipta
í landinu er hún orðin lítið annað en
rústir í dag. Sumir velta því fyrir
sér hvers vegna hún sé þá svo
mikilvæg fyrir stjórnarher Assad,
en borgin heldur áfram að vera
hernaðarlega mikilvæg og táknræn
fyrir þær sakir.
Lítið um mat í Aleppo
Í umfjöllun CNN um ástandið í
Aleppo er henni lýst sem drauga-
borg. „Allir eru að bíða eftir því að
geta komist út úr Aleppo,“ segir
hinn 28 ára gamli Monther Etaky í
umfjölluninni, en hann á eiginkonu
og son. „Það eru einvörðungu
sjúkrabílar og slökkviliðsbílar á
ferðinni og undanfarna þrjá daga
hafa sprengjuárásirnar verið skelfi-
legar,“ segir hann.
„Ég hafði vanist tunnusprengj-
unum og náð að sofa þrátt fyrir
þær en núna get ég ekki sofið, nýju
flugskeytin eru svo hávær og
hræðileg.“
Etaky segir að verð á matvælum
hafi rokið upp úr öllu valdi. Fjöl-
skylda Etakys treysti á linsubaunir,
hrísgrjón og eggaldin.
Í umfjöllun CNN segir að yfir
200 loftárásir hafi verið gerðar á
Aleppo um helgina. Alla borgara-
styrjöldina hefur hluti Aleppo verið
í höndum uppreisnarmanna en hinn
hlutinn í höndum stjórnarhersins.
13,5 milljónir þurfa aðstoð
Sameinuðu þjóðirnar áætla að
13,5 milljónir manns þurfi aðstoð í
Sýrlandi. Þar af eru 5,47 milljón
manna á svæðum sem er mjög erf-
itt að komast til og 600.000 þeirra á
svæðum sem eru í umsátri.
Norðmaðurinn Jan Egeland, sem
hefur verið ráðgjafi Sameinuðu
þjóðanna í hjálparstarfinu í Sýr-
landi, sagði að helsta vandamálið í
landinu væri að þar væru saddir og
vel nærðir embættismenn að leggja
mikið á sig til að koma í veg fyrir
að hjálpargögn kæmust til sveltandi
fólks.
Hjálpargögn komust til
umsetinna borga í Sýrlandi
 Árás á bílalest með hjálpargögn í síðustu viku stöðvaði aðstoð alþjóðasamtaka
um tíma  Bílalestir aðallega með mat komust til fjögurra borga í gær
AFP
Grimmd Myndin sýnir sýrlenskar sveitir stjórnarhersins þegar þær náðu á vald sitt mikilvægri hæð norðan við
Aleppo þaðan sem er gott útsýni yfir austurhluta borgarinnar þar sem uppreisnarmenn ráða ríkjum.
Fátt annað komst að hjá helstu
bandarísku sjónvarpsstöðvunum og
netmiðlunum í gær en vangaveltur
um sjónvarpskappræður milli fram-
bjóðendanna Hillary Clinton og
Donald Trump til forseta Bandaríkj-
anna. Sjónvarpskappræðurnar hóf-
ust klukkan eitt í nótt. Samkvæmt
skoðanakönnunum hefur Trump náð
að höggva þó nokkuð á fylgi Clinton
undanfarnar vikur.
Á vefritinu Politico var rifjað upp
að fyrsti hálftíminn væri yfirleitt
mikilvægastur í sjónvarpskappræð-
um. Á fyrsta hálftímanum hefði
Richard Nixon byrjað að þurrka
svitann af enninu með vasaklútnum
sínum sem þótti miður gott, á fyrsta
hálftímanum hefði Al Gore byrjað að
stynja og Gerald Ford komið með þá
mishugsuðu setningu: „Það eru eng-
in sovésk yfirráð yfir Austur--
Evrópu,“ sem fékk sjónvarpsáhorf-
endur til að lyfta brúnum árið 1976.
Aðeins tveir frambjóðendur
Þáttastjórnandinn kunni Lester
Holt hjá NBC-stöðinni stýrði kapp-
ræðunum frá Hofster-háskólanum.
Clinton og Trump voru aðeins tvö
á sviðinu enda er reglan sú að fram-
bjóðandi þurfi að hafa náð 15% fylgi í
skoðanakönnunum til að komast í
kappræðurnar.
AFP
Heimurinn fylgist með Í Katalóníu á Spáni er hefð fyrir því að búa til fígúr-
ur fyrir jólin af frægu fólki með buxurnar niður um sig. Siður frá 18. öld.
Spenna fyrir sjón-
varpskappræður
 Aðeins Clinton og Trump komust að
Vandræði á lög-
mannsstofu eru
talin kveikjan að
því að maður hóf
skothríð við
sólarupprás fyr-
ir utan versl-
unarmiðstöð í
Houston í Texas
í gærmorgun.
Lögreglan hefur staðfest að níu
hafi særst í árásinni. Lögreglan
skaut árásarmanninn til bana.
Árásarmaðurinn einn að verki
Lögreglustjórinn Martha Mont-
alvo segir að árásarmaðurinn hafi
verið lögfræðingur. Lögreglan
rannsakar hvort vandræði á lög-
fræðistofu hans hafi orðið kveikjan
að árásinni.
Af þeim níu sem særðust í árás-
inni voru sex fluttir á sjúkrahús en
hlúð var að hinum á vettvangi. Einn
er talinn í lífshættu og ástand ann-
ars fórnarlambs er sagt vera mjög
alvarlegt.
Lögreglan telur að maðurinn
hafi verið einn að verki.
BANDARÍKIN
Skotárás í versl-
unarmiðstöð í Texas
Skotárásin sem
var gerð í fyrra-
kvöld í Malmö
hefur leitt til
eins andláts og
þrír liggja særð-
ir á spítala.
Vitni segja að
skotið hafi verið
um 20 skotum á
bíl á meðan fótboltaleikur stóð yfir
á sunnudagskvöldinu á milli Malmö
FF og Helsingborgs IF.
Eitt vitni hélt því fram að skotið
hefði verið úr Audi-bifreið sem síð-
an keyrði á brott á miklum hraða.
Sprengingar heyrðust stuttu síð-
ar í hverfi ekki langt frá staðnum
þar sem skotárásin átti sér stað.
En í dag er talið að það sé ótengt
og hafi líklegast bara verið flug-
eldar.
Atvikið átti sér stað aðeins
nokkrum klukkutímum eftir að
sprengja fannst við skóla í Gauta-
borg.
SVÍÞJÓÐ
Skotárás í Malmö