Morgunblaðið - 04.11.2016, Síða 54

54 UMRÆÐAN
MORGUNBLAÐIÐ FÖSTUDAGUR 4. NÓVEMBER 2016
Föst lág söluþóknun - Allt innifalið
399.990
Verðmat - Gagnaöflun - Fagljósmyndun - Sýningar
Opin hús - Eftirfylgni við kaupendur - Skjalagerð
Lárus Óskarsson
Lögg. fasteignasali
823-5050
Ólafur Sævarsson
Nemi til löggildingar
820 - 0303
Anna Teitsdóttir
Nemi til löggildingar
787-7800
BOÐSKORT
Ársalir- fasteignamiðlun kynna með stolti samstarf
sitt við Euromarina sem er öflugt og traust
byggingarfyrirtæki á Spáni.
Þér/ykkur er boðið á kynningu laugardaginn 5. nóvember
nk. á Grand Hótel Hvammi milli kl. 13 og 17. Þar verða
fulltrúar þeirra ásamt okkur.
Upplagt tækifæri til að skoða kynningar efni um glæsi-
legar fasteignir af ýmsum stærðum og gerðum og fá
upplýsingar um öll þau atriði er tengjast því að kaupa og
eiga fasteign á Spáni.
Við verðum einnig með kynningu 6. nóvember á
skrifstofu Ársala að Engjateigi 5, milli kl. 13 og 17.
Verið velkomin
Um miðjan október
birtum við hjá Lands-
neti skýrslu þar sem
kostir sem hafa verið
til umræðu við lagn-
ingu Suðurnesjalínu 2
eru tilgreindir og
bornir saman.
Suðurnesjalína 2 er
liður í styrkingu meg-
influtningskerfisins til
að mæta vaxandi þörf
fyrir raforkuflutning á Suð-
urnesjum og kröfum um bætt af-
hendingaröryggi. Undirbúningur
vegna hennar hefur staðið yfir í
mörg ár og ítarleg gögn hafa verið
lögð fram. Framkvæmdir við lín-
una hafa tafist vegna ágreinings
við eigendur jarða sem línan á að
liggja um og dóma í Hæstarétti
vegna eignarnámsheimildar og
leyfis Orkustofnunar.
Skúli Jóhannsson verkfræðingur
skrifar um valkostaskýrsluna í
Morgunblaðið fyrr í vikunni og
viljum við þakka honum fyrir að
vekja athygli á henni en bendum
jafnframt á að í skýrslunni er m.a.
farið ítarlega yfir þörfina fyrir
bætta tengingu Suðurnesja við
meginflutningskerfið.
Mikilvægt er að til staðar séu að
lágmarki tvær tengingar við Suð-
urnes til að afhendingaröryggi á
rafmagni á svæðinu sé ásætt-
anlegt. Ein raflína til Suðurnesja
þýðir að raforkuvinnsla og raf-
orkunotkun eru háð þessari einu
línu og truflanir valda skerðingu
og straumleysi bæði hjá íbúum og
atvinnulífi á svæðinu auk þess sem
virkjanir á svæðinu nýtast lítið eða
ekki til orkuvinnslu. Það sama
gildir þegar taka þarf línuna út
vegna viðhalds. Rekstur jarð-
varmavirkjana hefur einnig reynst
illmögulegur þegar flutningur um
Suðurnesjalínu 1 hefur rofnað og
Suðurnesin þar með aðskilin meg-
influtningskerfinu.
Raforkuflutningur til og frá Suð-
urnesjum ræðst af því hversu mik-
il raforka er framleidd og notuð á
svæðinu á sérhverjum tíma. Við
uppbyggingu flutn-
ingskerfisins þarf að
horfa til framtíðar og
taka tillit til beggja
þessara þátta, óháð
hvor öðrum. Til lengri
tíma getur álag aukist
á Suðurnesjum, án
þess að orkuvinnsla
þar aukist samhliða.
Það kallar á aukinn
innflutning inn á
svæðið. Eins getur
orkuvinnslan aukist,
án þess að notkunin
fylgi eftir og þá þarf að flytja orku
út af svæðinu þar sem orku-
framleiðendum er frjálst að selja
orku hvert á land sem er og kaup-
endum að kaupa hvaðan sem er.
Í skýrslunni eru settar fram
þrjár sviðsmyndir álagsþróunar á
Suðurnesjum og þrjár sviðsmyndir
þróunar orkuvinnslu – sviðsmyndir
sem allar leggja áherslu á að
Landsnet geti staðið við loforð sitt
um rafvædda framtíð í takt við
samfélagið.
Valkostaskýrslan er aðgengileg
á vef Landsnets, www.landsnet.is.
Þar er einnig að finna myndband
sem sýnir þá þrjá meginkosti sem
eru í umræðunni, einn kost sem
gerir ráð fyrir loftlínu og tvo sem
gera ráð fyrir jarðstreng.
Við hjá Landsneti hvetjum alla
til að lesa skýrsluna og ef ein-
hverjar spurningar, athugasemdir
eða hugleiðingar vakna þá hvetjum
við ykkur til hafa samband – við
erum alltaf til í að taka samtalið.
Afhendingaröryggi, valkostir og
umræðan um Suðurnesjalínu 2
Eftir Sverri
Jan Norðfjörð »Mikilvægt er að til
staðar séu að lág-
marki tvær tengingar
við Suðurnes til að
afhendingaröryggi á
rafmagni á svæðinu sé
ásættanlegt.
Sverrir Jan Norðfjörð
Framkvæmdastjóri þróunar- og
tæknisviðs Landsnets.
Þriðjudaginn 26.
október varð alvar-
legt umferðarslys á
Mosfellsheiði. Í því
slysi lentu milli 40 og
50 manns í því að rúta
fór á hliðina og fjöldi
fólks slasaðist.
Viðbragð neyðar-
þjónustu, bæði þeirra
sem vinna við þetta
dagsdaglega, eins og
lögreglu, slökkviliðs,
sjúkraflutninga og starfsfólks heil-
brigðisþjónustu, sem og sjálfboða-
liða björgunarsveita og Rauða
krossins, var skjótt og ákveðið. Á
undrastuttum tíma var fólki bjarg-
að og það flutt í sjúkrahús og/eða
fjöldahjálparstöð. Þar fékk fólkið
sjúkrahúsmeðferð og andlegan
stuðning eftir alvarleika í hverju
tilfelli.
En ástæða þess að þetta gekk
svona vel var ekki tilviljun. Í byrj-
un október var haldin hópslysaæf-
ing á Reykjavíkurflugvelli. Æfing-
ar sem þessar hefur ISAVIA
haldið með reglubundnum hætti á
þeim flugvöllum sem eru i rekstri
og staðsettir eru um land allt.
Þessar æfingar hafa á síðustu ár-
um verið sá vettvangur sem hefur
gefið dagsdaglegu neyðarþjónust-
unni og þeim sjálfboðaliðum sem
bakka hana upp í stórslysum tæki-
færi til að vinna saman. Æfingar
þessar hafa verið notaðar til að æfa
alla þætti skipulagsins. Farið er yf-
ir alla þætti í viðbragði við flug-
slysi allt frá fyrstu tilkynningu, þar
til vettvangur er fluttur yfir á
ábyrgð rannsóknaraðila. Þó svo að
æfingarnar snúist um flugslys eru
verkefni manna að miklu leyti þau
sömu og við hvert annað hópslys.
Þannig hafa æfingar þessar átt
stóran þátt í því að
tryggja að allir aðilar
sem að svona viðbragði
koma þekkja sitt hlut-
verk í heildarskipulag-
inu.
Rútuslys eins og
varð á Mosfellsheiði
kallaði á að þessir
sömu aðilar kæmu til
hjálpar. Æfingar eins
og sú sem var á
Reykjavíkurflugvelli í
byrjun október
tryggðu það að allir
gengu til verka samkvæmt
ákveðnu skipulagi sem gekk upp.
Hvort sem það voru björgunar-
menn sem unnu á vettvangi,
stjórnstöð Aðgerðastjórnar höfuð-
borgarsvæðisins, bráðamóttaka
Landspítalans eða fjöldahjálpar-
stöð í Mosfellsbæ.
Því langar mig að þakka ISAVIA
fyrir að halda þessar æfingar um
land allt með reglubundnum hætti.
Því ég er viss um að í rútuslysinu á
Mosfellsheiði skipti sköpum að
menn vissu sitt hlutverk. Einnig vil
ég hvetja þá til dáða að halda
ótrauðir áfram. Því ef íslensk neyð-
arþjónusta á að hafa getu til að
bregðast við hópslysum um land
allt, skiptir sköpum að hafa æft og
undirbúið.
Takk fyrir,
ISAVIA
Eftir Þorstein
Þorkelsson
Þorsteinn
Þorkelsson
» Í október varð
alvarlegt rútuslys á
Mosfellsheiði. Fumlaus
og skjót viðbrögð við-
bragðsaðila má þakka
samstarfi á æfingum
ISAVIA.
Höfundur hefur starfað í
björgunarsveit í 32 ár.
Ég finn mig knúinn til að
kvarta undan þjónustu
Fréttablaðsins á Ak-
ureyri þar sem ég bý. Í
mínu hverfi er frágang-
ur blaðbera þannig að
blaðið er aldrei sett alla
leið inn um lúguna, sem
þýðir að það blotnar í úr-
komu og auk þess kólnar
í húsinu.
Annað er það sem
blaðberi í þessu hverfi
gerir og það er það að
hann brýtur blaðið
skakkt saman þegar það
er þykkt, en þykkt blað
verður að brjóta langs-
um því annars kemst það ekki í lúgur án þess að skemmast. Blaðberi Mogg-
ans gerir það alltaf, enda rifnar blaðið aldrei hjá honum.
Nú skora ég á Fréttablaðið að laga þetta.
Birgir Sveinarsson.
Velvakandi Svarað í síma 569-1100 frá kl. 10-12 velvakandi@mbl.is
Léleg þjónusta
hjá Fréttablaðinu
ÞÚ FINNUR ALLT Á FINNA.IS