Dagblaðið Vísir - DV - 27.02.2015, Side 15

Fréttir 15
S
tóru viðskiptabankarnir
þrír högnuðust um samtals
81,2 milljarða króna eftir
skatta á síðasta ári sem var
aukning um 16 milljarða
milli ára. Til að setja þessar tölur
í samhengi þá nam samanlagður
hagnaður bankanna þriggja 222
milljónum króna á sólarhring. Það
þýðir að fyrirtækin þrjú græddu
samtals rúmar níu milljónir króna
á hverri klukkustund síðasta árs.
Með samanlögðum hagnaði
bankanna væri hægt að greiða öll­
um 26.044 fullgildum félagsmönn­
um VR, stærsta stéttarfélags lands­
ins, lágmarkslaun upp á 206.203
krónur í heilt ár með 17,2 milljarða
afgangi. Hagnaður Landsbank­
ans myndi einn duga til að greiða
næstum öllum starfsmönnum
Landspítalans, stærsta vinnustað
landsins, laun í heilt ár.
Landsbankinn græddi mest
Hagnaður Landsbankans var
mestur eða 29,7 milljarðar króna
og jókst um 900 milljónir milli ára.
Arion banki var hástökkvari síð­
asta árs með 28,7 milljarða hagn­
að samanborið við tæpa þrettán
milljarða árið 2013. Íslandsbanki
rak síðan lestina með 22,8 millj­
arða króna hagnað.
Landsbankinn var síðastur
stóru viðskiptabankanna til að
kynna uppgjör fyrir síðasta ár en
fyrirtækið sendi frá sér afkomu­
tilkynningu í gær. Í tilkynningunni
kemur fram að heildareignir
bankans lækkuðu um 53,1 millj­
arð króna milli ára og stóðu í árs­
lok 2014 í 1.089 milljónum. Bank­
inn greiddi samtals 10,5 milljarða í
skatta á árinu sem var lækkun um
2,7 milljarða milli ára.
Laun og launatengd gjöld
bankans námu samtals 13,6 millj­
örðum og hækkuðu um átta pró­
sent milli ára en sú hækkun er
sögð skýrast að hluta til af gjald­
færslum vegna starfslokasamn­
inga sem gerðir voru á árinu. Alls
1.126 manns störfuðu hjá bankan­
um í árslok 2014.
Greiðir 24 milljarða í arð
Samkvæmt tilkynningu Lands­
bankans ætla stjórnendur bank­
ans að leggja til við aðalfund að
samþykkt verði að greiða hlut­
höfum arð að fjárhæð tæplega 24
milljarðar króna. Samanlagðar
arðgreiðslur vegna síðustu þriggja
ára muni því nema 53,5 milljörð­
um en íslenska ríkið er stærsti eig­
andi bankans með 98 prósenta
hlut.
Stjórn Arion banka hefur lagt til
að 45 prósent af hagnaði samstæð­
unnar í fyrra, tæpir þrettán millj­
arðar króna, verði greidd út sem
arður á árinu 2015. Tekin verður
ákvörðun um arðgreiðslur Íslands­
banka á aðalfundi fyrirtækisins
þann 25. mars næstkomandi. n
haraldur@dv.is
Helgarblað 27. febrúar–2. mars 2015
Bankarnir settu alls
900 milljónir í Bónusa
n Kaupaukagreiðslur Arion banka og Íslandsbanka jukust um alls 135 milljónir króna í fyrra
n Birna Einarsdóttir, bankastjóri
Íslandsbanka, var með næsthæstu launin
eða 3,2 milljónir á mánuði. Laun hennar
hækkuðu milli ára en hún var með rúmar
þrjár milljónir í mánaðarlaun árið 2013
samkvæmt ársskýrslu bankans.
n Höskuldur H. Ólafsson, bankastjóri
Arion banka, er með hæstu mánaðarlaun-
in af bankastjórunum þremur. Í fyrra var
hann með 4,3 milljónir í laun á mánuði
miðað við 4,2 milljónir árið 2013.

n Mánaðarlaun Steinþór Pálssonar,
bankastjóra Landsbankans, voru 1,7
milljónir á mánuði. Heildarlaun Steinþórs
innihalda 2,1 milljón sem hann fékk í hluta-
bréfatengdar greiðslur í fyrra. Árið 2013
voru greiðslurnar samtals 4,2 milljónir og
því lækkuðu laun Steinþórs milli ára.
Bankastjóri Arion með langhæstu launin
Bjarni Benediktsson, fjármála- og efna-
hagsráðherra, lagði á síðasta ári fram
frumvarp á Alþingi til breytinga á lögum
um fjármálafyrirtæki. Töluverðar umræð-
ur urðu um þann hluta frumvarpsins sem
snýr að bónuskerfum innan bankageirans
enda hafa árangurstengdar greiðslur til
starfsmanna fjármálafyrirtækja sætt
talsverðri gagnrýni í kjölfar alþjóðlegu
fjármálakreppunnar haustið 2008.
Í frumvarpinu, sem enn bíður fyrstu
umræðu, er lagt til að hluthafa-
fundir fjármálafyrirtækja geti greitt
starfsmönnum bónusa sem nemur allt
að heilum árslaunum. Í dag getur kaup-
auki að hámarki numið 25 prósentum af
heildarlaunum starfsmanna samkvæmt
reglum FME og því verður hægt að
fjórfalda bónusgreiðslur ef frumvarpið
verður að lögum.
Fjármálaráðherra hefur bent á að
tveir þriðju hluthafa í hverju fyrirtæki
þurfi þá að samþykkja hækkunina og
að reglur um bónusa hér á landi séu
þær ströngustu á Norðurlöndunum.
Innan Evrópusambandsins (ESB) mega
kaupaukagreiðslur ekki vera hærri en
sem nemur tvöföldum árslaunum.
Árslaun í bónus
Græddu níu milljónir
króna á klukkustund
81 milljarðs hagnaður bankanna dugar til að greiða öllum í VR lágmarkslaun í meira en eitt ár
Myljandi hagnaður Samanlagður gróði
allra viðskiptabankanna þriggja nam alls 81
milljarði og jókst um 16 milljarða milli ára.
Mynd SiGtryGGur Ari
38,6 milljónir
í árslaun
Birna Einarsdóttir Höskuldur H. Ólafsson Steinþór Pálsson
52,2 milljónir
í árslaun
18,5 milljónir
í árslaun
LEIKURINN OKKAR
FYRSTI VINNINGUR STEFNIR Í 90 SÖGULEGAR MILLJÓNIR L AUGARDAGINN 28. FEBRÚAR
POTTURINN SEM ALLIR ERU AÐ TALA UM
E
N
N
E
M
M
/
S
ÍA
/

N
M
6
7
6
0
2