Dagblaðið Vísir - DV - 27.11.2015, Blaðsíða 22

Helgarblað 27.–30. nóvember 201522 Fréttir
Enn greinist
hettusótt
E
nn greinast fullorðnir
einstaklingar með hettusótt
en sýkinga varð fyrst vart í
byrjun sumars. Samkvæmt
upplýsingum frá embætti
landlæknis hafa 129 einstaklingar
á þessu ári verið tilkynntir til sótt-
varnarlæknis með hettusótt. Af
þeim voru 64 með staðfesta hettu-
sótt en 65 með aðra sýkingu í
munnholskirtlum. „Af þessum 64
sem voru staðfestir með sýkingu þá
voru flestir fæddir fyrir 1990 en 11
höfðu verið bólusettir. 53 einstak-
lingar höfðu annaðhvort ekki ver-
ið bólusettir eða ekki er vitað til
þess. En tilfellum fer fækkandi og
faraldurinn er að fjara út,“ segir
Þórólfur Guðnason, sóttvarna-
læknir.
Getur leitt til ófrjósemi
Hettusótt er mjög smitandi
veirusýking sem leggst oftar á börn
en fullorðna. Sýkingin er er yfir-
leitt hættulaus og gengur fljótt yfir,
hins vegar er hún þekkt fyrir að
valda alvarlegum fylgikvillum hjá
kynþroska einstaklingum. „Hettu-
sótt getur valdið heyrnarskerðingu,
jafnvel heyrnartapi. Sýkingin get-
ur getur valdið heilahimnubólgu
og einnig bólgu í eistum, sem getur
leitt til ófrjósemi,“ segir Þórólfur.
Engin sértæk meðferð er til gegn
hettusóttarveirunni. Einstakling-
um með hettusótt er ráðlagt að
drekka mikinn vökva, hvílast og
nota verkjalyf. Halda skal börnum
heima þar til einkenni sjúkdómsins
hafa gengið yfir. Í alvarlegri tilvik-
um getur þurft að leggja sjúklinga
inn á sjúkrahús.
Sýkingunni nánast
útrýmt hérlendis
Eftir að farið var að bólusetja gegn
hettusótt árið 1989 hefur sjúkdómn-
um nánast verið útrýmt á Íslandi
en þó kom hér upp faraldur 2005–
2006 þar sem 113 einstaklingar
greindust, flestir óbólusettir. Síðast
greindist hér eitt tilfelli á árinu
2013. Engin meðferð er til við hettu-
sótt en besta fyrirbyggjandi með-
ferðin er bólusetning. Á vefsíðunni
heilsanokkar.is kemur fram að þeir
sem eru fæddir fyrir árið 1980 hafi
líklega fengið hettusótt. Reynslan
sýnir að það er afar fátítt að þeir sem
eru fæddir fyrir 1980 hafi sloppið
við sóttina og ættu því að vera með
ónæmi fyrir veikinni. Á sömu síðu
kemur fram að þeir sem eru helst í
hættu eru þeir sem fæddir eru á ár-
unum 1984–1986 og náðu því ekki
bólusetningunni sem hófst 1989
og fengu ekki veirusýkinguna sem
börn. Embætti landlæknis hvetur
óbólusetta einstaklinga, fædda eftir
1980 til þess að fara í bólusetningu,
en hægt er að gangast undir hana á
heilsugæslustöðvum. n
„En tilfellum fer
fækkandi og far-
aldurinn er að fjara út.
Björn Þorfinnsson
bjornth@dv.is
Þórólfur Guðnason sóttvarnalæknir Alls hafa 64 einstaklingar greinst með hettu-
sótt það sem af er ári. Mynd dV SiGtryGGur Ari
Bólusetning Embætti landlæknis hvetur
óbólusetta einstaklinga, fædda eftir 1980,
til þess að fara í bólusetningu, en hægt er að
gangast undir hana á heilsugæslustöðvum.
n Alls hafa 64 greinst á þessu ári n Getur leitt til ófrjósemi