Dagblaðið Vísir - DV - 27.11.2015, Side 71

Helgarblað 27.–30. nóvember 2015 Sport 55
Leikmannakaup
Einkunn: 6/10
n Leikmennirnir sem van Gaal
hefur fengið til sín hafa staðið
sig æði misjafnlega. Hann keypti
fimm leikmenn í fyrsta félaga-
skiptaglugganum á samtals 145
milljónir punda. Daley Blind – sá
ódýrasti – er sá eini sem hefur látið
til sín taka. Marcos Rojo og Ander
Herrera hefur ekki tekist að verða
fastamenn í liðinu og Luke Shaw
meiddist illa í leik gegn PSV í sept-
ember. Sá dýrasti, Angel Di Maria,
entist aðeins eitt tímabil undir
stjórn van Gaal en þeim kom illa
saman. Sá sem keyptur var í hans
stað, Memphis Depay, hefur held-
ur ekki blómstrað en van Gaal
gagnrýndi hann harðlega á dögun-
um fyrir að einspila. Hann vermir
nú bekkinn. Matteo Darmian,
Bastian Schweinsteiger, Morgan
Schneiderlin og Anthony Martial
hafa spilað vel en þeir voru síður
en svo ókeypis.
Leikmannakaupin hafa gengið
upp og ofan. Sumt hefur gengið
upp en ýmislegt farið úrskeiðis.
Van Gaal virðist ekki sérlega klók-
ur á þessum sviðum og blaðamað-
urinn segir að menn séu farnir að
spyrja sig hvort hann vinni í raun
eftir einhverri áætlun hvað leik-
mannakaup varðar – eða hvort
einn daginn muni það renna upp
fyrir mönnum að keisarinn sé án
klæða.
Úrslit
Einkunn: 7/10
n Fyrsta markmið hvers þjálfara er
að ná góðum úrslitum. Van Gaal
hefur vissulega unnið fleiri leiki eftir
því sem á hefur liðið. Liðið hafnaði
í 7. sæti undir stjórn Moyes, 4. sæti í
fyrra og er í 3. sæti nú. En spurningin
er hvort liði hafi tekið nægum fram-
förum þegar horft er til þeirra 250
milljóna punda sem van Gaal hefur
eytt í leikmenn. Liðið vann á síðasta
tímabili Arsenal, Man chester City og
Liverpool en gekk illa á móti veikari
liðum. United tapaði til dæmis fyrsta
leiknum á heimavelli gegn Swansea
og einnig þeim síðasta, gegn West
Brom.
Markmið
Einkunn: 4/10
n United hefur yfirstandandi
tímabil og það næsta til að vinna
titil – eins og van Gaal sagðist ætla
að gera. Hann hefur fengið mikið
svigrúm til leikmannakaupa og þá
hjálpar það United að lið Chelsea er
ekki svipur hjá sjón. Það þykir hins
vegar ólíklegt, eins og sakir standa,
að van Gaal geti orðið meistari með
liðið. Ekki þarf að horfa lengra en
yfir til nágrannanna í City til að sjá
miklu sterkari leikmannahóp. Bern-
stein bendir á að á bekknum hjá
City séu nokkrir leikmenn sem van
Gaal myndi vilja örugglega vilja í sitt
lið, svo sem Fabian Delph, Wilfried
Bony, Jesus Navas og Samir Nasri.
Van Gaal til varnar hefur City-liðið
verið að mótast í mörg ár á meðan
van Gaal er aðeins með tvo reynslu-
bolta frá tíma Alex Ferguson; Wayne
Rooney og Michael Carrick. Þeir
voru frábærir á hátindi ferils síns en
eru báðir á fertugsaldri í dag.
Lið sem ætlar að berjast um
meistaratitilinn þarf í það minnsta
einn heimsklassaleikmann, sem
getur gert gæfumuninn. Einhvern
eins og Aguero eða Kevin De Bru-
yne hjá City eða Alexis Sanchez
hjá Arsenal. Martial hjá United
gæti orðið slíkur leikmaður en
liðið vantar slíkan leikmann í dag.
Eins og sakir standa hefur United
hvorki gæðin varnarlega né framar
á vellinum.
Heimsklassamenn City er með mikið sterkari leikmannahóp en United.
Persónuleiki
Einkunn 6/10
n Ekki leikur vafi á því að van Gaal
er maður með mikla útgeislun.
Hann er trúr sannfæringu sinni og
óhræddur við að tjá sig. Hann hik-
ar ekki við að taka stórar ákvarð-
anir, svo sem eins og að láta Javier
Hernandez, Robin van Persie,
Radamel Falcao og Angel di Maria
fara í einum og sama félagaskipta-
glugganum. Það þarf kjark til þess.
Hann kemur fram eins og sá sem
valdið hefur og er bæði ákveðinn
og fastur fyrir í viðtölum. Bernstein
segir raunar að stundum hljómi
hann svo sannfærandi að hann
sannfæri sjálfan sig í leiðinni. Í
ágúst hafi hann til að mynda full-
yrt að Marouane Fellaini hentaði
betur sem framherji en miðjumað-
ur. Það gekk ekki upp og þremur
mánuðum síðar stóð hann á því
fastar en fótunum að Fellaini væri
miðjumaður – sem var eitthvað
sem flestir töldu sig vita.
Van Gaal er sagður eini
knattspyrnustjórinn sem José
Mourinho leggur ekki í að ögra í
fjölmiðlum. Hann verður þó ekki
alltaf ofan á í fjölmiðlaumræðu.
Hann hlaut til dæmis bágt fyrir
þegar hann sagði, eftir að Middles-
brough sló United út úr bikarnum,
að það væri framför frá leiktíð-
inni á undan þegar liðið féll úr leik
gegn smáliðinu MK Dons. Áhang-
endur voru ekkert sérstaklega
upprifnir.
Leikstíll
Einkunn: 5/10
n Van Gaal er trúr sannfæringu
sinni þegar kemur að leikskipulagi.
Hann hefur náð góðum árangri með
Ajax, Barcelona, AZ Alkmaar, Bayern
München og hollenska landsliðið.
Það kom honum örugglega tölu-
vert á óvart – mitt í því ferli að kenna
liðinu nýtt leikskipulag – þegar
stuðningsmenn fóru að heimta
meiri sóknarleik.
Blaðamaðurinn bendir á að van
Gaal leggi áherslu á að lið hans haldi
boltanum, fyrst og fremst til þess að
andstæðingurinn geti ekki skapað
sér færi. Honum líði best þegar and-
stæðingurinn fái bara eitt til tvö færi
í leik – jafnvel þótt það sé á kostn-
að sóknarleiksins. Vandamálið hjá
United er að félagið selur miða á
leikinn dýru verði gegn því að vera
„leikhús draumanna“, þar sem fót-
bolti er leikinn á miklum hraða með
leiftrandi sóknarleik að vopni. Það
hjálpar van Gaal heldur ekki að að-
stoðarmaðurinn, Ryan Giggs, og nú
fjölmiðlamennirnir Gary Neville og
Paul Scholes, trúa á þá hugsjón.
Á hinn bóginn má benda á að
leikmaður eins og Chris Smalling
hefur blómstrað undir stjórn van
Gaal og knattspyrnustjóranum hef-
ur borið gæfa til að hlusta á Wayne
Rooney og aðra eldri leikmenn,
þegar hann var að „missa klefann“
vegna æfingaálags. En stuðnings-
mennirnir hafa, í gegnum fjölmiðla
og samfélagsmiðla, háværa rödd.
Heildareinkunn: 6/10Ekki sami leikmaður Rooney er komin á síðari hluta ferilsins.